San Lucas 2:10 - Bible in Tzeltal Bachajón

¹⁰ Pero halbotic yu'un te ch'ul a'bat: Ma xiwex, ya calbeyex awa'iyic bin yach'il c'ohem ta pasel te bayel yutsil-o'tanil yu'un, te ha yu'un spisil ants-winiquetic:

Nuevo Testamento Tzeltal de Amatenango

¹⁰ Pero altalanbot yuꞌun te chꞌul ángele: —Ma me xiꞌanik, porke ay me tut kichꞌojbeyex tal te ben tsaꞌam ya kalbeyexe. Ben me sniꞌ xꞌawaꞌiyik yuꞌun ta apisilik.

Bible in Tzeltal de Oxchuc y Tenejapa

¹⁰ Te ch'ul abate, jich la yal: —Ma xiwex, aiya me awaiyic stojol te lec yach'il c'op ya calbeyexe. Bayal me ya xbujts'naj awo'tanic yu'un soc spisil te lume.

San Lucas 2:10 ပူးပေါင်းရင်းမြစ်များ

Génesis 12:3

Ya ca'be bendición te mach'a ya ya'bat bendición, soc ya jbohlobtesbe sc'oblal te mach'a ya sbohlobtesbat ac'oblal. Soc ha'at ta acuenta ya me yich' bendición spisil ants-winiquetic ta bahlumilal, xchi sc'oblal.

Isaías 40:9

Mohan ta toyol wits, ha'at jal-c'opat yu'un Sión, tulan me x'awonat, ha'at jal-c'opat yu'un Jerusalén; toya ac'op, ma xiwat; halbeya te pueblohetic yu'un Judá: ¡Li' ay te Dios awu'unique! xchihat.

Isaías 41:27

Ho'on te nahil hich la jcalbe te Sión: Ilawil, yaquic ta hulel, xchihon, soc la jca'be Jerusalén jtuhl jal-c'op te ya yal bin lec ta a'iyele.

Isaías 49:6

hich ya yal: Jteb nax ya ca'iy te ha a'bat cu'un yu'un yac ahach te chahpalchahp sts'umbal Jacob, soc te yac apas te ya suhtic xan tal te mach'atic hilemic yu'un Israel; ha nix ya cac' te ha sacal q'uinal ya xc'ohat ta stojol te nacionetic, yu'un yac awich'bon bahel te colel cu'un c'alal ta sti'il te bahlumilale, xchi.

Isaías 52:10

Te Jehová la yac' ta ilel te sch'ul c'ab ta stojol sit spisil te nacionetique; spisil te mach'atic ayic ta sti'il te bahlumilal ya me yilic te colel yu'un te Dios cu'untique.

Isaías 52:7

¡Buen t'ujbil ta witsiltic te yoc te mach'a ya yich' tal lec yach'il c'op, te ya spucbe sc'oblal lamal q'uinal, te ya yich' talel lequil c'op, te ya spucbe sc'oblal colel, te hich ya yalbe te Sión: ¡Te Dios awu'un ay ta Ajwalil! te xchihe!

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

Daniel 10:19

hich la yalbon: Ma me xiwat, ha'at te c'uxat ta o'tanil, lamaluc me q'uinal xawa'iy; ac'a xan fuersa, ayuc me yip awo'tan, xchi. C'alal yac sc'opombelon a, la jquich' quip, hich la jcalbe: C'opojan, tatil, como la awa'bon xan quip, xchihon.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

San Mateo 14:27

Pero ora c'oponotic yu'un te Jesús: ¡Muc'ubenuc me q'uinal xawa'iyic! Ho'on me, ma me xiwex, xchi sc'oblalic.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Mateo 28:5

Pero te ch'ul a'bat hich la yalbe te antsetic: Ma xiwex, jna'oj te yac alehic te Jesús te laj ta cruz.

San Marcos 1:15

Hich la yal: La stahix yorahil, nopol ya xhahchix te cuentahinel yu'un Dios. Suhtesa awo'tanic, ch'uhunahic te lec yach'il c'op, xchi.

San Marcos 16:15

Hich la yalbe: Bahanic ta swohlol bahlumilal, halbeya ya'iyic spisil ants-winiquetic te lec yach'il c'ope.

San Lucas 1:13

Pero hich halbot yu'un te ch'ul a'bat: Ma xiwat, Zacarías, yu'un a'iyotix ac'op ta stojol Dios; ya me x'ayin jtuhl squerem-al te awihnam Elisabet, Juan sbihil ya me xc'oht awu'un.

San Lucas 1:19

La sjac' te ch'ul a'bat: Ho'on Gabrielon te teq'uelon ta stojol te Diose, soc ticombilon yu'un ya calbat te lequil ach' c'op ini.

San Lucas 1:30

Ha yu'un hich halbot yu'un te ch'ul a'bat: Ma xiwat, María, bayel yutsil yo'tan awu'un te Diose.

San Lucas 2:11

Yo'tic ayinemix ta pueblo yu'un David jtuhl Jcoltaywanej, ha te Cajwaltic Cristo.

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

San Lucas 8:1

Patil te Jesús hahch yocliylan bahel te pueblohetic soc te tut pueblohetic, yac ta yalel te lec yach'il c'op scuenta te cuentahinel yu'un Dios. Ha sjoquinej te lahchaytuhlic (12)

Hechos 13:32

Ha nix hichotcotic ya calbeyexcotic awa'iyic te lec yach'il c'op, ha te bin halbil ta jamal ta stojol te jme'jtatic,

Romanos 10:15

Soc ¿bin ut'il c'an yalbe sc'oblal teme mayuc mach'a ticombil? Hich te bin ut'il ts'ihbabil: ¡C'ax t'ujbil te yoquic te mach'atic ya yalbe sc'oblal te lamal q'uinal, te ya yalbeyic sc'oblal te lec yach'il c'ope! xchi.

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Colosenses 1:23

Pero ya sc'an te spisil ora ay yip te sch'uhunel awo'tanic, te ma ba ya xhil awu'unic te smuc'ul awo'tanic yu'un te lec yach'il c'op te awa'iyejic, te ha ya yich' halel ta stojol spisilic te ayic ta ye'tal ch'ulchan, te ho'on, Pablohon, quich'oj ca'tel ta yalel.