San Lucas 19:17 - Bible in Tzeltal Bachajón

¹⁷ Lec ay, lequil a'batat. Te bin ut'il jun awo'tan la acuentahin te bin jteb la jca'bat acuentahin, ya ca'batix acuentahin lajunpahm pueblo, xchi te yajwal.

Nuevo Testamento Tzeltal de Amatenango

¹⁷ “Te reye la sjakꞌbe: “Lek ay. Jlekil jꞌaꞌtelat. Te tutꞌil jun awoꞌtan la akanantaybon te tut chin nax a kaꞌbeyat jilele, jaꞌ yuꞌun ya kaꞌbeyat awaꞌtel ta sapuyel lajun pam jtejklum —xchi.

Bible in Tzeltal de Oxchuc y Tenejapa

¹⁷ La yal te ajwalile: “Lec at'ejat, lequil abatat. Te bit'il jun awo'tan la awentainbon te bila jteb la cac'bat jilele, jich yu'un ya cac'bat awat'el ta swentainel lajunpam lum”, xi'.

San Lucas 19:17 ပူးပေါင်းရင်းမြစ်များ

Génesis 39:4

Te José lec ilot yu'un te yajwal, ha mayordomo c'oht yu'un te sna, la ya'be ta sc'ab spisil bintic ay yu'un.

Proverbios 27:18

Te mach'a ya scanantay te higuera, ha nix ya slo'be sit, soc te mach'a ya scanantay te yajwal ya x'ich'ot ta muc' yu'un.

San Mateo 25:21

Halbot yu'un te yajwal: Lec ay, lequil a'batat te jun awo'tan ta jtojol; jun awo'tan la acuentahin te bin jteb nax, ya ca'bat acuentahin bayel. La', ochan, mulana te utsilal yu'un te awajwal, xchi sc'oblal.

San Lucas 16:10

Te mach'a lec ya scuentahin te bin jteb ya x'a'bot, ha nix hich lec ya scuentahin te bin tsobol ya x'a'bote. Yan te mach'a ma sna' scuentahinel te bin jteb ya x'a'bot, yu'un nix ma sna' scuentahinel teme tsobol bin ya x'a'bote.

San Lucas 19:16

Te mach'a nahil tal, hich la yal: Cajwal, te mina awu'un, ha lajuneb mina jolon cu'un, xchi.

San Lucas 19:18

Tal te yane, hich hul yal: Cajwal, te mina awu'un, ha ho'eb mina jolon cu'un, xchi.

San Lucas 22:30

scuenta yu'un ya xwe' x'uch'ex ta mesa cu'un ta banti ayon ta cuentahinwanej soc ya xhuhcajex ta muc'ul huctajibaletic ta schahpanel te lahchaychahp yu'un Israel, xchi.

Romanos 2:29

ha mero judío te mach'a hich ay ta yo'tan, soc ha mero circuncisión te yich'oj ta yo'tan ta scuenta te Espíritu, ma ha'uc ta scuenta te bin ts'ihbabil. Te mach'a hich yo'tan, ma ha'uc tey ya xtal a te ya xhalbot lec sc'oblal yu'un winiquetic, ha ya xhalbot lec sc'oblal yu'un te Diose.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

2 Timoteo 2:10

Ha yu'un spisil ya xcuhch cu'un scuenta yutsil slequil te mach'atic tsahbilic, scuenta yu'un ha'ic nix ya xhu' ya stahic te colel te ay ta scuenta Cristo Jesús, soc te ya sta yutsilalic sbahtel q'uinal.

1 Pedro 1:7

scuenta yu'un teme la yich'ix tsajel te sch'uhunel awo'tanic, te c'ax hich yutsil a te bin ut'il oro, (aunque ya xlaj, pero ya xtsajot ta c'ahc'), lec me sc'oblal ya xc'oht, soc ay me yutsilal soc ich'bil ta muc' ya xc'oht te c'alal ya xchicnaj tal te Jesucristo.

1 Pedro 5:4

Hich te c'alal ya xchicnaj tal te muc'ul Jcanantaywanej ya me awich'ic te corona te ay yutsilal te ma xlaje.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.