San Lucas 18:9 - Bible in Tzeltal Bachajón

⁹ Te Jesús la yalbe ya'iyic sloc'ombahil c'op te mach'atic scuyoj sbahic ta toj ta winiquil soc te mayuc sc'oblal ta yo'tan yantic, hich la yal:

Nuevo Testamento Tzeltal de Amatenango

⁹ Te Jesuse la yal te seña-kꞌop to ta stojol te machꞌatik ya skuy sbaik te lek yoꞌtanik ta stojol Dios sok te ya yalik te ma tsaꞌamuk ta skꞌopik te yane. Jich a yal:

Bible in Tzeltal de Oxchuc y Tenejapa

⁹ Te Jesús la yalbey yaiyic yan seña-c'op ta stojol te mach'atic scuyoj sbaic te toj yo'tanic ta stojol te Diose, soc te ya yalic te amen yat'elic ta sc'opic te yantique. Jich la yal:

San Lucas 18:9 ပူးပေါင်းရင်းမြစ်များ

Proverbios 30:12

Ay mach'atic ya scuy sbahic te mayuc smulic, pero ma ba lecubtesbil yu'un te bin bohlobenic yu'une.

Isaías 65:5

hich ya yalic: Hilan tey a, ma me xnohpojat tal, como c'ax hich ch'ultesbilon a te bin ut'il te ha'ate, xchihic. Te ants-winiquetic ini ha ch'ahil ta jni', ha c'ahc' te ya xtihl sjunal c'ahc'al.

Isaías 66:5

A'iybeya awa'iyic te sc'op Jehová, ha'ex te ya xnihquex ta stojol te sc'ope: Te awermanotac te ya sp'ajex soc te parte ya yaq'uex ta scaj te jbihile, hich la yalic: Ac'a yich' halbeyel yutsil sc'oblal te Jehová, yu'un hich ya quiltic a te stse'elil awo'tanic, xchihic. Pero ya me stahic q'uexlal.

Levítico 13:32

Ta shuquebal c'ahc'al, te sacerdote ya me stsahtay xan yil ta lec te c'a'ele; teme ma ba puhquem te c'ahc'al chin soc mayuc sc'anal tsotsel, soc teme ma ba lohmajem yu'un te snuhculele,

San Lucas 10:29

Pero la sc'an te lec sc'oblal ya xc'oht, ha yu'un la sjoc'obe te Jesús: ¿Mach'a a te jpat-xuhque? xchi.

San Lucas 15:2

Pero te fariseohetic soc te escribanohetic hahchic wulajanel ta stojol, hich la yalic: Ha'i winic ini ya yic'ticlan jmulawiletic soc ya sjoquinlan ta we'el, xchihic.

San Lucas 16:15

Ha yu'un hich halbotic yu'un te Jesús: Yac awal abahic ta stojol ants-winiquetic te mayuc amulic te ha'exe, pero Dios ya sna'beyex awo'tanic stuquel; como te bin bayel sc'oblal yu'un winiquetic, ihlaybil yu'un te Diose.

San Lucas 18:11

Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

San Lucas 19:7

C'alal hich la yilic te ants-winiquetic, spisil hahchic wulajanel yu'un, hich la yalic: Och ta sna te mach'a jmulawil, xchihic.

San Lucas 7:39

C'alal hich la yil te fariseo te yic'oj ta we'el te Jesús, la yal ta yo'tan: Te ha'uc jalwanej ha'i winic ini, ya sna'be sba mach'a a soc bin yilel stalel te ants te yac ta picbeyel yoc yu'un te hichuque, como ha jmulawil, xchi ta yo'tan.

San Juan 8:48

La sjaq'uic te judíohetique: ¿Ma bal hichuc la jcalcotic te ha'at samaritanohat soc te ay pucuj ta awo'tan? xchihic.

San Juan 9:28

La slabanic, hich la yalic: Ha'at jnopojelat yu'un; yan te ho'otcotic, ha jnopojelotcotic yu'un Moisés.

San Juan 9:34

La sjaq'uic: Ta scuenta mulil te ayinat, ¿ha'at bal yac anohptesotcotic? la yutic. Hich la stenic loq'uel.

Hechos 22:21

Pero la yalbon: Bahan, como namal ya jticonat bahel ta stojol te jyanlumetic, la yuton, xchi te Pablo.

Romanos 10:3

Ma ba sna'ojic bin ut'il Dios ya yac' te toj ayic, ha la slehic bin ut'il ya stahic stuquelic, hich ma ba la yac' yo'tanic a te bin ut'il Dios ya yac' te toj ayic,

Romanos 14:10

Pero te ha'ate ¿bin yu'un yac awalbe smul te awermano? Ha nix hichat, ¿bin yu'un yac ap'aj te awermano? como jpisiltic ya xc'ohotic ta ich'el ta c'op ta stojol te chapajibal yu'un Cristo.

Romanos 14:3

Te mach'a ya swe' spisil, ma me sp'aj te mach'a ma ba ya swe'e. Ha nix hich te mach'a ma ba ya swe' spisil, ma me xyich'o-c'optay te mach'a ya swe' spisil, como ic'bil yu'un Dios.

Romanos 7:9

Ta nahilal mayuc Ley a te cuxulone; pero te c'alal tal te mandaril, cuxaj te mulil, ho'on chamon.