San Lucas 18:43 - Bible in Tzeltal Bachajón

⁴³ Ora jahm te sit, hich la st'un bahel te Jesús, yac yalbebel bayel yutsilal Dios yu'un. C'alal la yilic spisil te ants-winiquetic, la yalbeyic bayel yutsilal Dios yu'un.

Nuevo Testamento Tzeltal de Amatenango

⁴³ Mismo tiempo a te choke jam te site y la stsꞌakli bael te Jesuse. Yipal kꞌael ta yalel kola yal Dios yuꞌun te lekubix te site. Spisil te genteetik te la yile la yalbeyik kola yal Dios yuꞌun euk.

Bible in Tzeltal de Oxchuc y Tenejapa

⁴³ Te winique ora la yil te q'uinale. La sts'aclin bael te Jesuse, yac ta yalel yutsilal te Diose. Soc uuc te ants-winiquetique, la yalbeyic yutsilal Dios yu'un.

San Lucas 18:43 ပူးပေါင်းရင်းမြစ်များ

Salmos 107:15

¡Ac'a yalbeyic bayel wocol te Jehová yu'un te sc'uxul yo'tan soc te yutsil ya'tel ta stojol te ants-winiquetique!

Salmos 107:8

¡Ac'a yalbeyic bayel wocol te Jehová yu'un te sc'uxul yo'tan soc te yutsil ya'tel ta stojol te ants-winiquetique!

Salmos 146:8

te Jehová ya sjambe sit te ts'o'sitetic; te Jehová ya stij hahchel te mach'atic nijajtic; te Jehová c'ux ta yo'tan te mach'atic toj yo'tanique.

Salmos 30:2

Jehová, Dios cu'un, la jcawtayat, hich la alecubteson ta chamel.

Isaías 35:5

Hich ya xjahm sit te ts'o'sitetic soc ya xjahm schiquinic te cohquetique.

Isaías 42:16

Ya jtojobtes bahel te ts'o'sitetic ta be te ma ba sna'ojic, ya cac' behenuquic ta be te ma ba yilojique. Ya jc'atp'un ta sacal q'uinal te yihc'al q'uinal ta stojolic, soc te chuhcul q'uinal ya jc'atp'un ta spamlej. Ha ini te ya jpase, ma ba ya jpiteslan.

Isaías 43:21

Ha te pueblo te la jchicnajtes yu'un cu'un ya xc'ohtic, scuenta yu'un ya spuquic ta halel te yutsil jc'oblale.

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Mateo 21:14

Tey ta Templo tal ts'o'sitetic soc coxo'etic ta stojol Jesús, la slecubteslan.

San Mateo 9:8

C'alal la yilic te ants-winiquetic te bin c'oht ta pasel, xcham yo'tanic yu'un soc la yalbeyic yutsil sc'oblal Dios yu'un te ya'beyej yich' yip ya'tel ta stojol te winiquetique.

San Lucas 13:17

Te c'alal hich la yal, q'uexawic spisil te scontratac; pero spisil te ants-winiquetic tse'el yo'tanic yu'un spisil yutsil ya'tel te Jesús.

San Lucas 19:37

C'alal nopol ya xc'ohtix ta banti cohel bahel ta Wits yu'un Olivohetic, spisil te ipal jnopojeletic tse'el yo'tanic hahch yalbeyic yutsilal Dios ta tulan aw yu'un spisil te bintic jelawen yutsil pasbot yilique.

San Lucas 4:39

Hich te Jesús la snijan sba ta stojol, la scombe te sc'ahc'ale; hich quehchaj te sc'ahc'al, hahch ta ora soc och ta a'batinel yu'unic.

San Lucas 5:26

Xcham yo'tan spisilic yu'un soc la yalbeyic bayel yutsilal Dios yu'un. Noj xiwel ta yo'tanic, hich la yalic: Yo'tic la jquiltiquix yutsil a'teliletic, xchihic.

San Lucas 9:43

Spisilic bayel yutsil yo'tanic yu'un te smuc'ul yu'el te Diose. C'alal xcham yo'tanic yu'un spisil bintic yac spasbel te Jesús, la yalbe te jnopojeletic yu'un:

Hechos 11:18

C'alal hich la ya'iyic, mayuc bin la yalic yu'un, soc la yalbeyic yutsilal te Diose: ¡Ha nix hich Dios la ya'be suhtes yo'tanic scuenta cuxlejal te jyanlumetique! xchihic.

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

Hechos 4:21

Ha yu'un la scomic, patil la scoltayic bahel, ma ba weht yu'unic bin ut'il ya ya'beyic castigo ta scaj te pueblo, como spisilic yac yalbelic yutsilal Dios yu'un te bin c'ohtix ta pasel,

Gálatas 1:24

Hich la yalbeyic bayel wocol Dios yu'un ta jcuenta.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.