San Lucas 18:17 - Bible in Tzeltal Bachajón

¹⁷ Jamal ya calbeyex, te mach'a ma ba hich ya yich' te cuentahinel yu'un Dios te bin ut'il alal, ma xhu' ya x'och tey a, xchi.

Nuevo Testamento Tzeltal de Amatenango

¹⁷ Jamal ya kalbeyex: Te machꞌa ma jachikuk yoꞌtan te tutꞌil alal to ma xjuꞌ ya yajwalinik te Diose —xchi te Jesuse.

Bible in Tzeltal de Oxchuc y Tenejapa

¹⁷ Jamal ya calbeyex, te mach'a ma xch'uun yajwalinel te Diose, jich bit'il te alale, ma xju' ya yajwalin te Diose —xi' te Jesuse.

San Lucas 18:17 ပူးပေါင်းရင်းမြစ်များ

San Mateo 18:3

hich la yal: Jamal ya calbeyex, teme ma ba hich yac ap'is abahic te bin ut'il alaletic, ma xhu' ya x'ochex ta banti ay te cuentahinel yu'un te ch'ulchan.

San Mateo 19:14

Ha yu'un hich halbotic yu'un te Jesús: Ac'a taluc ta jtojol te alaletic, ma me xacomic, como ha yu'unic te cuentahinel yu'un te ch'ulchane, xchi.

San Marcos 10:15

Jamal ya calbeyex, te mach'a ma ba ya yich' te cuentahinel yu'un Dios hich te bin ut'il alal, ma ba ya x'och tey a, xchi.

San Lucas 18:16

Pero te Jesús la yic'ticlan tal, hich la yal: Ac'a taluc ta jtojol te alaletic, ma me xacomic, como ha yu'unic te cuentahinel yu'un Dios.

1 Corintios 14:20

Quermanotac, ma me hichuc apensaric te bin ut'il alaletic; ha lec hichuquex te bin ut'il alaletic ta stojol te bin chopol, pero muc'ul ants-winicuquex ta scuenta apensaric.

1 Pedro 1:14

Te bin ut'il al-nich'anex te yac ach'uhunic mandar, ma me pajaluc awo'tanic soc te bin la amulanic spasel ta nahil to te c'alal ma to ana'ojic q'uinal a.

1 Pedro 2:2

C'anahic te lequil chu'ul yu'un te Espíritu, hich te bin ut'il alaletic te ayinelic to, yu'un hich me ya xmuc'ubex a ta scuenta te colel awu'unic,