San Lucas 18:16 - Bible in Tzeltal Bachajón

¹⁶ Pero te Jesús la yic'ticlan tal, hich la yal: Ac'a taluc ta jtojol te alaletic, ma me xacomic, como ha yu'unic te cuentahinel yu'un Dios.

Nuevo Testamento Tzeltal de Amatenango

¹⁶ Jich te Jesuse la yikꞌtalan tal te alaletike y la yalbe te nopojeletike: —Ma akomik te untike, aꞌ taluk ta jtojol. Porke te machꞌa jachik yoꞌtanik te tutꞌil alaletik to, jaꞌ me ya xjuꞌ ya yajwalinik te Diose.

Bible in Tzeltal de Oxchuc y Tenejapa

¹⁶ Ja'uc me to, te Jesús la yic' tel te ch'in alaletique, soc la yalbey te jnopojeletique: —Ac'a taluc ta jtojol te alaletique. Ma me x'acomic. Melel te mach'a jich yo'tanic te bit'il in alaletic to, ja' me ya xju' ya yajwalinic te Diose.

San Lucas 18:16 ပူးပေါင်းရင်းမြစ်များ

Génesis 21:4

Ta swaxaquebal c'ahc'al yayinel a te Isaac la ya'be yich' circuncisión te Abraham, hich nix te bin ut'il pasot ta mandar yu'un Dios.

2 Crónicas 20:13

Spisil te winiquetic yu'un Judá soc antsetic, al-nich'anetic soc tut alaletic yu'unic tec'ajtic a ta stojol Jehová.

Jeremías 32:39

Ya cac' te junax yo'tanic soc te jun te be yu'unic, scuenta yu'un spisil ora ya yich'onic ta muc', scuenta yu'un lec ya xc'ohtic soc te yal-snich'nabic ta patil.

San Mateo 19:14

Ha yu'un hich halbotic yu'un te Jesús: Ac'a taluc ta jtojol te alaletic, ma me xacomic, como ha yu'unic te cuentahinel yu'un te ch'ulchane, xchi.

San Lucas 18:15

Ay la yiq'uic talel alaletic ta stojol te Jesús te yacuc xpicticlanotic yu'un. Te jnopojeletic, c'alal la yilic, la scomic.

San Lucas 18:17

Jamal ya calbeyex, te mach'a ma ba hich ya yich' te cuentahinel yu'un Dios te bin ut'il alal, ma xhu' ya x'och tey a, xchi.

Hechos 2:39

como te bin yaloj ta jamal te Diose, ha awu'unic soc ha yu'un te awal-anich'nabic soc spisil mach'atic namal ayic, ha te mach'atic ya x'ic'otic yu'un te Diose, xchi.

1 Corintios 14:20

Quermanotac, ma me hichuc apensaric te bin ut'il alaletic; ha lec hichuquex te bin ut'il alaletic ta stojol te bin chopol, pero muc'ul ants-winicuquex ta scuenta apensaric.

1 Corintios 7:14

como te smamalal te ma ba sch'uhunej Dios ch'ultesbil ya xc'oht ta scuenta te yihname, soc ha nix hich te ants te ma ba sch'uhunej Dios, ch'ultesbil ya xc'oht ta scuenta te smamalal. Te manchuque, bohloben sc'oblal te awal-anich'nabic, pero yo'tic ch'uhltesbilic.

Deuteronomio 29:11

te alaletic soc antsetic awu'unic, soc te jyanlumetic te nahinemic ta yohlil acampamento, soc nix te jle-si'etic soc te jcuch-ha'etic awu'unic,

Deuteronomio 31:12

Tsoba tal te pueblo, winiquetic, antsetic, alaletic soc jyanlumetic te ayic ta pueblohetic awu'un, scuenta yu'un ya ya'iyic soc ya snopic yich'el ta muc' te Jehová te Dios awu'unic, soc tsahtaybil yu'unic ya spasic spisil te bin ya yal te Ley ini.

1 Pedro 2:2

C'anahic te lequil chu'ul yu'un te Espíritu, hich te bin ut'il alaletic te ayinelic to, yu'un hich me ya xmuc'ubex a ta scuenta te colel awu'unic,