San Lucas 18:12 - Bible in Tzeltal Bachajón

¹² Cheb buelta ya jcom jwe'el ta jujun semana, soc ya ca'be jun ta slajunebal spisil te bin ya jta, xchi.

Nuevo Testamento Tzeltal de Amatenango

¹² Te joꞌone ya jkom jweꞌel chaꞌmel ta semana, sok ya kaꞌbeyat jun ta slajunebal te tut ya jtae”, xchi.

Bible in Tzeltal de Oxchuc y Tenejapa

¹² Te jo'one ya jcom jwe'el cheb buelta jujun semana soc ya cac'bat jun ta slajunebal te bila ya jtae”, xi'.

San Lucas 18:12 ပူးပေါင်းရင်းမြစ်များ

2 Reyes 10:16

hich la yalbe: Joquinawon, ya me awilbon te xut'et co'tan ta spasel te bin ya sc'an te Jehová, xchi. Hich la yic' ochel ta scarreta.

Isaías 1:15

Te c'alal yac ahach ac'abic ta jtojol, ya jnac' jsit ta atojolic; aunque bayel yac ac'opononic, ma ba ya ca'iybeyex; yatinej ch'ich' te ac'abique.

Malaquías 3:8

¿Ay bal mach'a ya yelc'ambe te Diose? Pero ha'ex la awelc'ambonic. Pero yac awalic: ¿Bin la jquelc'ambatcotic? xchihex. Ha ta jun ta slajunebal soc ta mahtaniletic awu'unic.

Números 18:24

Yu'un la jcac'ticlambe te levitahetic te jun ta slajunebal ya ya'beyic Jehová te snich'nab Israel, ha sq'uinalic c'ohem. Ha scuentahil te caloj te mayuc q'uinal ya yich'ic ta yohlil te snich'nab Israel, xchi.

Números 23:4

Tal ta tahel yu'un Dios te Balam, hich la yalbe te Dios: Jchahpanej huqueb scajtajib ta chiq'uel mahtanil; ta jujun scajtahib cac'oj jcoht jcolel toro soc jcoht tat tuminchij scuenta milbil mahtanil, xchi.

San Mateo 5:20

Jamal ya calbeyex, teme ma ba c'ax hich stojil awa'telic a te bin ut'il te ya'telic te escribanohetic soc te fariseohetique, ma ba ya x'ochex te banti ay te cuentahinel yu'un te ch'ulchane.

San Mateo 6:1

Tsahtaya me abahic bin ut'il yac apasic bintic stojil ta pasel ta stojol ants-winiquetic scuenta yu'un ya yilat. Teme hich yac apasic, mayuc amahtanic ya x'a'botex yu'un te Atatic ay ta ch'ulchan.

San Mateo 6:16

Te c'alal yac acom awe'elic, ma me xawac' ta ilel mel-o'tan ta asit awelaw, hich te bin ut'il te jchebal-o'tanetique. Como ya syanijtes sit yelawic scuenta yu'un ya ya'be yilic ants-winiquetic te scomoj swe'elique. Jamal ya calbeyex, yich'ojiquix te smahtanique.

San Mateo 6:5

Te c'alal yac ac'oponic Dios, ma me hichuc xapasic te bin ut'il ya spasic te jchebal-o'tanetic, como ha ya smulanic te ya stehc'an sbahic ta sc'oponel Dios ta sinagogahetic soc ta jujun xuhc calle scuenta yu'un ya x'ilotic yu'un ants-winiquetic. Jamal ya calbeyex te yich'ojiquix te smahtanique.

San Mateo 9:14

Te jnopojeletic yu'un te Juan talic ta stojol, hich la sjoc'obeyic: ¿Bin yu'un te ho'otcotic soc te fariseohetic nopic ya jcom jwe'elcotic, yan te jnopojeletic awu'un, mayuc ya scom swe'el stuquelic? xchihic.

San Lucas 11:42

¡Ay me awocolic, fariseohetic! como yac awac' jun ta slajunebal te menta, ruda soc spisil ta chahp ts'unubil itajetic, pero mayuc sc'oblal awu'unic te bin stojil ta pasel soc te sc'uxul yo'tan Dios. Ha ya sc'an yac apasic ini, soc ma ba yac awihquitayic spasel te yane.

San Lucas 17:10

Ha nix hich te ha'exe, teme la apasic spisil te bin halbotex, hich me yac awalic: Ma xtuhunotcotic ta a'batinel, ha nax la jpascotic te bin ay ta jcuentacotic spasel, chihanic me, xchi te Jesús.

Romanos 3:27

Ha yu'un ¿banti ay te toybahil? Mayuc. ¿Banti yich'oj yip, ha bal ta banti sch'uhunel spasel te Ley? Ma'uc, ha yich'oj yip ta banti sch'uhunel-o'tanil.

1 Corintios 1:29

scuenta yu'un mayuc mach'a ya xhu' ya stoy sba ta stojol a te Diose.

Gálatas 1:14

C'ax hich behbe yacon ta tohyel a ta scuenta judíohil te bin ut'il tsobol jlumal te pajal jcolel soc, como c'ax hich sc'oblal ta co'tan a te costumbrehetic yu'un te jme'jtate.

Efesios 2:9

ma ha'uc ta scuenta awa'telic, scuenta yu'un mayuc mach'a ya xhu' ya stoy sba yu'un.

1 Timoteo 4:8

aunque ay stuc te slecubtesel baq'uet, ha bayel xan stuc te slecubtesel o'tanil, yu'un ay bin ya jtahtic yu'un ta cuxlejal ini soc ta patil te ya xtale.

1 Samuel 15:13

Hich baht te Samuel te banti ay Saúl, hich halbot yu'un te Saúl: Ac'a ya'bat bendición te Jehová. C'ohtix ta pasel cu'un te bin la yal te Jehová, xchi.