San Lucas 18:11 - Bible in Tzeltal Bachajón

¹¹ Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

Nuevo Testamento Tzeltal de Amatenango

¹¹ Te fariseoe tekꞌel a skꞌopon te Diose. Jich a yal ta skꞌoponel te Diose: “Dios kuꞌun, ya kalbeyat kola awal te ma pajalukon sok te yan genteetike, te kꞌayemik ta elekꞌe, sok te ma tsaꞌamuk yoꞌtanike, sok te kꞌayemik ta antsiwejele. Sok ma jichukon te tutꞌil te jkꞌan-tojemal to.

Bible in Tzeltal de Oxchuc y Tenejapa

¹¹ Te fariseo teq'uel la sc'opon te Diose. Jich la yal: “Dios cu'un, wocol awal te ma pajaluc co'tan soc te j'eleq'uetique, soc te ma tojuc yo'tanique, soc te jmulwejetic, soc ma jichuc co'tan te bit'il yo'tan in jc'an-patan to.

San Lucas 18:11 ပူးပေါင်းရင်းမြစ်များ

Salmos 134:1

Ilawilic, halbeyahic yutsil sc'oblal Jehová ha'ex apisilic te ya'batex Jehová te ya x'a'tejex ta ahc'abal ta sna Jehová.

Salmos 135:2

ha'ex te ayex ta sna Jehová, ta amaq'uetic ta sna te Dios cu'untique.

Proverbios 20:6

Ay tsobolic ya yal sbahic te lec yo'tanic; pero te winic te jun yo'tan ¿mach'a ya sta?

Proverbios 30:12

Ay mach'atic ya scuy sbahic te mayuc smulic, pero ma ba lecubtesbil yu'un te bin bohlobenic yu'une.

Isaías 1:15

Te c'alal yac ahach ac'abic ta jtojol, ya jnac' jsit ta atojolic; aunque bayel yac ac'opononic, ma ba ya ca'iybeyex; yatinej ch'ich' te ac'abique.

Isaías 58:2

Jujun c'ahc'al ya slehonic, yo'tanuc yilel te ya sna'be sba te behetic cu'un, hich c'ohemic te bin ut'il jun pueblo te ya spas te bin stojil ta pasel soc te ma ba hilem yu'unic te ley yu'un te Dios yu'unique. Ya sc'ambonic stojil chahpanel, soc ya sc'anic yilel te ya xnohpojic ta stojol Dios.

Isaías 65:5

hich ya yalic: Hilan tey a, ma me xnohpojat tal, como c'ax hich ch'ultesbilon a te bin ut'il te ha'ate, xchihic. Te ants-winiquetic ini ha ch'ahil ta jni', ha c'ahc' te ya xtihl sjunal c'ahc'al.

Jeremías 2:28

¿Banti ay te diosetic awu'unic te la apasique? ¡Ac'a hahchuquic, ya quiltic teme ya xhu' ya scoltayex ta yorahil awocol! como hich yipal diosetic awu'un te bin ut'il pueblohetic awu'une, Judá.

Jeremías 2:35

Mayuc jmul; ma ba ilinem Dios ta jtojol, xchihat. Ya xhahch jchahpanat, como la awal: Mayuc jmul, te xchihate.

Ezequiel 33:31

Ya xtalic ta atojol hich te bin ut'il c'ahyemic ta spasel te ants-winiquetic, ya xhuhcajic ta atojol scuenta pueblo cu'un. Ya ya'iybat ac'op, pero ma ba ya sch'uhunic spasel; ya yalic te ya sc'anic, pero te yo'tanic ya st'unic te sbic'tal yo'tanique.

Miqueas 3:11

Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.

San Mateo 10:3

Felipe, Bartolomé, Tomás, Mateo te jc'an-patan, Jacobo snich'an Alfeo, Lebeo, te Tadeo yan sbihile,

San Mateo 5:20

Jamal ya calbeyex, teme ma ba c'ax hich stojil awa'telic a te bin ut'il te ya'telic te escribanohetic soc te fariseohetique, ma ba ya x'ochex te banti ay te cuentahinel yu'un te ch'ulchane.

San Mateo 6:5

Te c'alal yac ac'oponic Dios, ma me hichuc xapasic te bin ut'il ya spasic te jchebal-o'tanetic, como ha ya smulanic te ya stehc'an sbahic ta sc'oponel Dios ta sinagogahetic soc ta jujun xuhc calle scuenta yu'un ya x'ilotic yu'un ants-winiquetic. Jamal ya calbeyex te yich'ojiquix te smahtanique.

San Marcos 11:25

Te c'alal yaquex ta sc'oponel Dios a, pasbeyahic perdón teme ay mach'a ay stahoj smul ta atojol, scuenta yu'un hich ya spasbeyex perdón yu'un amulic a te Atatic te ay ta ch'ulchan.

San Lucas 20:47

ya yich'beyic sna me'ba' antsetic, soc naht ya sc'oponic Dios yu'un ya x'ilotic. Ya me yich'ic tulan castigo, xchi.

San Lucas 22:41

Hich spimil jahc bahel te bin ut'il ay ta ch'ojel ton, tey c'oht squejan sba ta sc'oponel Dios a,

Gálatas 3:10

Spisil te mach'atic te ayic ta scuenta spasel bin ya yal te Ley, ayic ta scuenta chopol c'oblalil, como hich ts'ihbabil: Chopol sc'oblalic spisil mach'atic ma ba ya spasic spisil bintic ts'ihbabil ta libro yu'un te Ley, xchi.

Filipenses 3:6

ta scuenta te xut'et co'tan, la jcuts'in te iglesia; ta scuenta te toj co'tan yu'un spasel bin ya yal te Ley, mayuc falta cu'un.

Apocalipsis 3:17

Hich yac awal: Jc'uhlejon, la jtahix jc'uhlejal, mayuc bin ya spason falta, xchihat. Pero ma xana' te mayuc bin ay awu'un, c'ux obol aba, pobrehat, ts'o'sitat soc watalat.