San Lucas 17:18 - Bible in Tzeltal Bachajón

¹⁸ ¿Ma bal ayuc yan suht tal ta yalbeyel wocol Dios, hip bal a ha'i jyanlum winic ini? xchi.

Nuevo Testamento Tzeltal de Amatenango

¹⁸ ¿Me jaꞌ nax wan te jyanlum winik to te sujt tal ta yalbeyel kola yal te Diose? —xchi te Jesuse.

Bible in Tzeltal de Oxchuc y Tenejapa

¹⁸ ¿Ja' nax bal in jyanlum winic to te sujt' tel ta yalel wocol ta stojol te Diose? —xi' te Jesuse.

San Lucas 17:18 ပူးပေါင်းရင်းမြစ်များ

Salmos 106:13

Pero ora nax ch'ay ta yo'tanic te a'teliletic yu'un, ma ba la smahliyic te bintic ya xhalbotic yu'une.

Salmos 50:23

Te mach'a ya yalbon wocol te ha jmahtan yu'un, ha ya yich'on ta muc'; te mach'a toj ya xbehen, ya ca'be yil te colel yu'un Dios, xchi te Jehová.

Isaías 42:12

Halbeyahic yutsil sc'oblal te Jehová soc pucbeyahic yutsil sc'oblal ta ti'ti'mar.

San Mateo 19:30

Ay tsobol mach'atic te nahil ayic te slajibal ya xc'ohtic, soc te mach'atic patil ayic te nahil ya xc'ohtic.

San Mateo 20:16

Ha yu'un ha slajibal ya xc'ohtic te mach'atic nahil talic, soc ha nahil ya xc'ohtic te mach'atic patil talique. Como tsobol mach'atic ic'bilic, pero mayuc tsobol te tsahbilique, xchi te Jesús.

San Mateo 8:10

C'alal hich la ya'iy te Jesús, bayel yutsil la ya'iy, hich la yalbe te mach'atic t'umbilic yu'un: Jamal ya calbeyex, mayuc jtahoj ta Israel mach'a hich ay sch'uhunel yo'tan te bin ut'il ini.

San Mateo 8:12

Yan te al-nich'aniletic te sc'oblal ayic ta cuentahinel yu'un te ch'ulchan ya xch'ojotic loq'uel ta fuera ta yihc'al q'uinal, tey ya xc'oht yoq'uetay sbahic soc ya sc'uxuxan yehic a, xchi.

San Mateo 9:8

C'alal la yilic te ants-winiquetic te bin c'oht ta pasel, xcham yo'tanic yu'un soc la yalbeyic yutsil sc'oblal Dios yu'un te ya'beyej yich' yip ya'tel ta stojol te winiquetique.

San Lucas 17:17

La yal te Jesús: ¿Ma bal lajuntuhluc te lecubtesbilic? ¿Banti ay te baluntuhle?

Apocalipsis 14:7

Hich tulan yac ta yalel: Xi'ahic me te Diose soc halbeyahic yutsil sc'oblal, como la stahix yorahil te ya x'ich'awan ta c'op. Ch'uhuntayahic te mach'a la spas te ch'ulchan soc bahlumilal, te mar soc te sloq'uib ha'etic, xchi.