San Lucas 17:1 - Bible in Tzeltal Bachajón

¹ Te Jesús hich la yalbe te jnopojeletic yu'un: Fuersa ay ya xtal yahltesel ta mulil, pero ¡ay me swocol te mach'a ya xyahlteswan!

Nuevo Testamento Tzeltal de Amatenango

¹ Te Jesuse la yalbe te jnopojeletik yuꞌune: —Puersa me ay yalesel ta mulil. Pero oꞌol me sba te machꞌa ya syaleswan ta mulile.

Bible in Tzeltal de Oxchuc y Tenejapa

¹ Te Jesús la yalbey te jnopojeletic yu'une: —Puersa ay yalesel ta mulil, ja'uc me to, ya me yil swocol te mach'a ya syaleswan ta mulile.

San Lucas 17:1 ပူးပေါင်းရင်းမြစ်များ

San Mateo 16:23

Pero la sut sba te Jesús, hich la yalbe te Pedro: ¡Loc'an ta jtojol, Satanás! Ha'at c'ohchinojibalat cu'un, como ma ha'uc ya xbaht ta awo'tan te bintic scuenta Dios, ha nax te bintic scuenta winiquetic, xchi sc'oblal.

San Mateo 18:7

¡Ay me swocol te bahlumilal yu'un te bintic ya x'ac'awan ta yahlel ta mulil! Ay c'ohchinojibaletic, pero ¡ay me swocol te mach'a ya yac' te c'ohchinojibaletique!

San Lucas 16:31

La yal te Abraham: Teme ma sc'an ya ya'iybeyic bin la yal te Moisés soc te jalwanejetic, ma ba ya xc'oht ta yo'tanic aunque ay mach'a ya xcha'cuxaj tal ta yohlil te mach'atic chamenique, xchi.

Romanos 14:13

Ha yu'un ma me talel c'axeluc ya jlehbe jba jmultic, ha lec ac'a jnoptic bin ut'il ma ba ya ca'betic sc'ohchinojibal o te bin ya xyahlic yu'un te quermanotique.

Romanos 16:17

Quermanotac, ya calbeyex wocol, te yacuc atsahtay abahic ta stojol te mach'atic ya ya'beyex ajat abahic soc te ya yaq'uic c'ohchinojibaletic te ya scontrahinic te nohptesel awich'ojique. Parte me xawac' abahic soc,

1 Corintios 10:32

Ma me ha'uc sc'ohchinojibal ya xc'ohex yu'un te judíohetic, jyanlumetic o te iglesia yu'un Dios.

1 Corintios 11:19

Hich yac ac'anic te wohc'owohc' yac awac' abahic scuenta yu'un ya xchicnaj ta awohlilic mach'atic a te tsahbilic ta ac'opic.

1 Corintios 8:13

Ha yu'un teme ta scaj we'elil ya xyahl te quermano, ha lec te mayuc bin ora ya jwe' ti'bal, scuenta yu'un ma ba ya cac' te ya sc'ohchin sba a te quermanohe.

1 Timoteo 4:1

Pero jamal ya yal te Espíritu te ta nopol slajibal c'ahc'al ay mach'atic ya yihquitayic sch'uhunel Dios, ya me st'unic jlo'loywanej espírituhetic soc te bintic ya yaq'uic ta nopel pucujetic.

Apocalipsis 2:14

Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.