San Lucas 16:29 - Bible in Tzeltal Bachajón

²⁹ Yich'ojic te shun Moisés soc te jalwanejetic, ha ac'a ya'iybeyic sc'op, xchi te Abraham.

Nuevo Testamento Tzeltal de Amatenango

²⁹ “Te jꞌAbrahame la yalbe: “Yichꞌojbeyikix te sjun Moisese sok euk te sjun jꞌalwanejetik yuꞌun te Diose. Jaꞌ me aꞌ yakꞌik ta jkuenta te tut ya yalike”, xchi.

Bible in Tzeltal de Oxchuc y Tenejapa

²⁹ “La yalbey te Abrahame: “Yich'ojbeyic sjun te Moisese soc sjun te j'alwanejetic yu'un te Diose. Ja' ac'a yaiyic stojol te bila ya yale”, xi'.

San Lucas 16:29 ပူးပေါင်းရင်းမြစ်များ

Isaías 34:16

Ilawil ta libro yu'un Jehová, mayuc jcohtuc te ya spas falta, mayuc ya spas falta jcohtuc soc yantsilel. Como ha nix te Jehová te la yal mandar, soc ha nix te espíritu yu'un te la stsobticlan.

Isaías 8:20

¡Ac'a bahtuquic ta stojol te ley soc te testigo-c'op! Teme ma hichuc ya xc'opojic, ha ta scaj te ma ba sacuben q'uinal yu'unique.

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

San Lucas 16:16

Te Ley soc te Jalwanejetic la yich'ic halbeyel sc'oblal ha to c'alal ta Juan. Ta hich ora hahch ta yalel te lec yach'il c'op yu'un te cuentahinel yu'un Dios, soc spisilic yac yac'belic fuersa ta ochel tey a.

San Lucas 24:27

Hich hahch scholbe ya'iyic c'alal Moisés soc spisil te jalwanejetic te bintic ts'ihbabil ta Shun Dios te ya yalbe sc'oblale.

San Lucas 4:17

A'bot te hun yu'un te jalwanej Isaías; la sjam te hun, la sta te banti hich ts'ihbabil:

Hechos 15:21

como nameyix ay ta halel te sc'op Moisés ta sinagogahetic ta jujun pueblo ta banti ya yich' ilel ta jujun sc'ahc'alel cux-o'tan, xchi.

Gálatas 4:21

Halbonic ca'iy, ha'ex te yac ac'anic cuentahinel yu'un te Ley, ¿ma bal lajuc awa'iyic bin ya yal te Ley?