San Lucas 16:26 - Bible in Tzeltal Bachajón

²⁶ Soc ay muc'ul xahab ac'bil ta ohlil cu'untic, ha yu'un te mach'atic ya sc'an ya xc'axic bahel ta banti ayex ma xhu' yu'unic, soc te mach'atic ayic ta banti ayex, ma xhu' ya xc'axic tal li'i, xchi.

Nuevo Testamento Tzeltal de Amatenango

²⁶ Tutꞌ kꞌan juꞌuk. Yuꞌun ay jun mam chꞌen ta koliltik xatꞌbil liꞌ ba ayotike sok te ba ayexe. Manchuk me ay machꞌa liꞌiye te yoꞌtanuk ya xkꞌax bael teye, ma xjuꞌ yuꞌunik. Jich teme ay machꞌatik yoꞌtanuk ya xkꞌaxik tal liye, ma spas xkꞌax tal”, xchi te jꞌAbrahame.

Bible in Tzeltal de Oxchuc y Tenejapa

²⁶ Soc bit'il c'an ju'uc, melel ay muc'ul toyol xatal q'uinal coel ta olilal. Manchuc teme ay mach'atic yo'tan xc'axic bael tey a, ma xju' yu'unic. Ja' nanix jich teme ay mach'atic yo'tan xc'axic tel li'to, ma xju' yu'un”, xi' te Abrahame.

San Lucas 16:26 ပူးပေါင်းရင်းမြစ်များ

Salmos 49:14

Hich te bin ut'il tuminchijetic macbilic bahel ta lajel, hich ya xcanantayotic yu'un te lajele. Ta sab ya xcuentahinotic yu'un te mach'atic toj yo'tanic; ya xlaj te st'ujbilalic, ha snahic ya xc'oht te muquenale.

Salmos 50:22

Ac'a c'ohtuc ta awo'tan ini, ha'ex te yac ach'ay ta awo'tanic te Diose, te manchuc ya jtuch'ticlanex, hich mayuc mach'a ya scoltayex.

Ezequiel 28:24

Te sna Israel ma ba ya xc'axix swocol ta jot'el ta ch'ix o ta jpeht ch'ix te c'ux ya ya'iy yu'un te pueblohetic ayic ta sjoyobal soc te p'ajot yu'unique. Ya me sna'ic te ho'on Jehovahon, xchi te Jehová.

Malaquías 3:18

Ha yu'un ya me ana'ic yan buelta te yan yilel te mach'a lec yo'tan soc te mach'a chopol yo'tan, te mach'a ya yac' sba ta a'batinel yu'un Dios soc te mach'a ma ba ya yac' sba ta a'batinel yu'une.

San Mateo 25:46

Ha'ic ya xbahtic ta castigo sbahtel q'uinal, yan te mach'a toj yo'tanic ya xbahtic ta cuxlejal sbahtel q'uinal, xchi te Jesús.

San Lucas 12:59

Ya calbat te ma ba ya xloc'at tey a ha to teme ts'acal yac atoj, xchi.

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

San Lucas 16:27

Ha yu'un la yal te winique: Awocoluc, jtat Abraham, ticombon bahel ta sna jtat te Lázaro,

San Juan 3:36

Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Apocalipsis 22:11

Te mach'a ma tojuc, ac'a spas xan te bin ma tojuque; te mach'a bohloben, bohloben ac'a hiluc; te mach'a toj yo'tan, ac'a spas xan te bin toj ta pasel; soc te mach'a ch'ultesbil, ch'ultesbil ac'a hiluc.

1 Samuel 25:36

Te Abigail c'alal suht bahel ta stojol Nabal, yac ta pas-q'uin ta sna a hich te bin ut'il ajwalil. Tse'el yo'tan te Nabal soc buen yuch'oj, ha yu'un mayuc bin la yalbe ha to ta schebal c'ahc'al.