San Lucas 16:25 - Bible in Tzeltal Bachajón

²⁵ Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

Nuevo Testamento Tzeltal de Amatenango

²⁵ “Pero te Abrahame la sjakꞌbe: Jnichꞌan, naꞌa me te lek a kꞌaxat tal ta balmilale. Yan te jLazaroe lom oꞌol sba a kꞌax ta balmilal stukel. Te ora to maꞌyukix ta wokol liye. Yan te jaꞌate ayatix ta kastigo.

Bible in Tzeltal de Oxchuc y Tenejapa

²⁵ “Te Abrahame la yal: “Jnich'an, na'a te lec nax c'axat ta q'uinale. Yan te Lázaro, ay bayal swocol c'ax ta q'uinal stuquel. Ta ora to, ma'yuquix swocol li'to. Yan te ja'ate, ayatix ta tulan castigo atuquel.

San Lucas 16:25 ပူးပေါင်းရင်းမြစ်များ

Job 22:18

Pero ha nix te Dios te la snojesbe ta biluquetic te snahique. ¡Namal ayuc ta jtojol te j'ac'-o'tanil yu'unique!

Salmos 17:14

ta scuenta ac'ab, Jehová, ac'awon ta libre ta sc'abic, ha te winiquetic scuenta bahlumilal te ha nax yu'unic te bintic ay ta cuxlejal ini, te nojel sch'uhtic ta bintic ay awu'une. Bayel bintic ay yu'un te snich'nabic, soc ya to spas sobra yu'un te smamataque.

Salmos 49:11

Te smuquenalic ha snahic sbahtel q'uinal, ha snahic ya xhil ta cajalcaj ts'umbalil, aunque la sbihilin sq'uinalic te sbihilique.

Salmos 73:7

Siht'em sitic yu'un sjuhp'elic, bayel te bin chopol snopoj ta yo'tanic.

Lamentaciones 1:7

Te Jerusalén, te c'alal och ta sc'ab te scontra soc te mayuc mach'a coltayot yu'un, la sna' te bin ora ay swocol soc te stoyoj sba, la sna' spisil te sc'ulejal te la sta ta namey. Ilot yu'un te scontratac, labanot yu'un.

Daniel 5:30

Ha nix ta ahc'abal laj ta milel te Belsasar te ajwalil yu'un te caldeohetique.

San Mateo 27:63

hich la yalic: Cajwal, ya jna'cotic te hich la yal te jlo'loywanej te c'alal cuxul to a: Ta yoxebal c'ahc'al ya xcha'cuxajon, xchi.

San Marcos 9:45

Teme ha ya ya'bat ale amul te awoc, boja loq'uel; ha lec te jch'ix xanix awoc ya x'ochat ta cuxlejal te bin ut'il schebal awoc ya xch'ojotat ochel ta infierno te banti ma xhu' ta tup'el te sc'ahc'ale,

San Lucas 16:20

Soc ay jtuhl jc'ambajel, Lázaro sbihil, metsel ta sti'il sna te jc'uhlej, scohtol sbaq'uetal ay ta c'a'el chin.

San Lucas 16:23

Ta stsobojibal mach'atic chamenic, te banti ay ta wocol, la shach sit, la yil namal ay te Abraham soc te ay ta sts'el te Lázaro.

San Lucas 16:26

Soc ay muc'ul xahab ac'bil ta ohlil cu'untic, ha yu'un te mach'atic ya sc'an ya xc'axic bahel ta banti ayex ma xhu' yu'unic, soc te mach'atic ayic ta banti ayex, ma xhu' ya xc'axic tal li'i, xchi.

San Lucas 6:24

¡Pero ay me awocolic, ha'ex te jc'uhlejex! como ayix smuc'ul awo'tanic.

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

Hechos 14:22

La smuc'ubtesbe q'uinal ya'iyic te jnopojeletic, la ya'beyic yip yo'tan te manchuc ya xch'ay sch'uhunel yo'tanic, hich la yalbeyic: Hich ya sc'an te ta scuenta bayel jwocoltic ya x'ochotic ta cuentahinel yu'un Dios, xchihic.

Romanos 8:7

Como te mach'a ya ya'telin sna'ulanel te bintic scuenta ch'ich'-baq'uet, scontrahinej Dios abi, yu'un ma ba ya yac' sba ta cuentahinel yu'un te Ley yu'un Dios, soc ma ba ya xhu' yu'un;

Deuteronomio 28:17

Chopol sc'oblal amoch soc te swots'ojibal harina awu'un.

Filipenses 3:19

Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal.

1 Tesalonicenses 3:3

scuenta yu'un ma me ayuc mach'a ya smel yo'tan yu'un a te wocoletic ini, como ana'ojic te hich nix ya xc'ax ta jtojoltic a.

Hebreos 11:25

ha lec xan la ya'iy a te pajal ya xc'ax swocol soc te pueblo yu'un Dios te bin ut'il ya smulan te yac'oltayel mulil te jc'axel nax ay;

1 Juan 2:15

Ma me c'uxuc xawa'iy ta awo'tanic te bahlumilal o te bintic ayic ta bahlumilal. Te mach'a c'ux ya ya'iy ta yo'tan te bahlumilal, ma ba yich'oj te sc'uxul yo'tan te Jtatic Dios,

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.