San Lucas 16:20 - Bible in Tzeltal Bachajón

²⁰ Soc ay jtuhl jc'ambajel, Lázaro sbihil, metsel ta sti'il sna te jc'uhlej, scohtol sbaq'uetal ay ta c'a'el chin.

Nuevo Testamento Tzeltal de Amatenango

²⁰ Sok ay jtul meꞌbaꞌ winik te jLazaro sbiile te skojtol stiꞌbalul kꞌaꞌemik te yejchꞌene. Ya snajkan sba ta lum te ba spuerta te jkꞌuleje,

Bible in Tzeltal de Oxchuc y Tenejapa

²⁰ Soc ay jtul winic te ay yo'bolil sba ta c'axem to xan te Lázaro sbiile, metsel ta sti' sna te jc'ulej-winique te scojt'ol sbaq'uetal ay ta c'a'ele.

San Lucas 16:20 ပူးပေါင်းရင်းမြစ်များ

Job 2:7

Ha yu'un te Satanás loc' bahel ta stojol te Jehová, la yehchentes ta c'a'el chin te Job, hahch ta stahn yoc c'alal ta sjol.

Salmos 34:19

Ay bayel swocolic te mach'a toj yo'tan, pero te Jehová ya scoltay loq'uel ta spisil.

Salmos 73:14

Como spisil ora ya quich' majel, ya quich' castigo ta jujun sahb.

Isaías 1:6

C'alal ta stahn awoc c'alal ta yohlil ajol mayuc banti lec ay, ha ehchen, siht'em, c'a'em; ma ba poxtaybil, ma ba potsbil soc ma ba c'unubtesbil ta aceite.

Jeremías 8:22

¿Ma bal ayuc bálsamo-te' ta Galaad? ¿Ma bal ayuc jpoxtaywanej tey a? ¿Bin yu'un hiche te ma ba lecub te jlumale?

San Mateo 26:71

Yac ta loq'uel ta ti'nahil a te Pedro, ilot yu'un yan criada, hich la yalbe te yantic tey ayic a: Ha nix te sjoquinej te Jesús talem ta Nazaret, xchi.

San Lucas 16:19

Ay jtuhl jc'uhlej winic te ya slap chi'in yaxal pac' soc fino-pac', soc jujun c'ahc'al ya spas q'uin.

San Lucas 16:21

Yo'tanuc ya swe' te xeht'elul swe'el ya xluhbaj cohel ta ye'tal smesa te jc'uhleje. Ya xtal ta lec'ticlambeyel ta ts'i'etic te sc'a'ele.

San Juan 11:1

Ay ta chamel jtuhl winic, Lázaro sbihil, te ay ta Betania, ha te tut pueblo yu'un te María soc Marta te swixe.

Hechos 3:2

Ay jtuhl winic, coxo' ta yayinab to, te jujun c'ahc'al ya x'ic'ot tal ta yochibal te Templo te T'ujbil Ochibal sbihil, scuenta yu'un ya sc'ambe limosna te mach'atic ya x'ochic bahel ta templo.

Santiago 1:9

Te quermanotic te peq'uel ay, ac'a stoybe sba q'uinal ya'iy yu'un te ay bayel sc'oblal.

Santiago 2:5

Quermanotac te c'uxex ta co'tan, a'iya me awa'iyic: ¿Ma bal ha'uc tsahbil yu'un Dios te pobrehetic ta bahlumilal te ha' c'uhlejetic ta scuenta sch'uhunel yo'tanic soc ya x'a'bot yich'ic te cuentahinel yu'un Dios te yaloj te ya yich'ic te mach'a c'ux ta yo'tanic te Diose?

1 Samuel 2:8

Ha ya shach mohel ta ts'u'lum te pobre, ya shach ta sch'ayojibal c'a'pal te mach'a mayuc bin ay yu'un, scuenta yu'un ya yac' shuhcan sba soc príncipaletic soc ya yac' x'ich'otuc ta muc'. Como yu'un Jehová te yich'o-ip te lumq'uinal, tey la snahcan a te bahlumilale.