San Lucas 16:17 - Bible in Tzeltal Bachajón

¹⁷ Ma ba wocol ya xlaj te ch'ulchan soc te bahlumilal, ha wocol ya xlaj junuc tilde yu'un te Ley.

Nuevo Testamento Tzeltal de Amatenango

¹⁷ Ya xjuꞌ ya xlaj te chꞌulchan sok te balmilale, pero ma xchꞌay skꞌoplal ni jpꞌaluk stukel te mantaliletike.

Bible in Tzeltal de Oxchuc y Tenejapa

¹⁷ “Ya xlaj te ch'ulchan balumilale, ja'uc me to, ma xlaj sc'oplal junuc tilde stuquel te mandalile.

San Lucas 16:17 ပူးပေါင်းရင်းမြစ်များ

Isaías 40:8

Ya xtaquij te ac soc ya sayub te nichime, yan te sc'op te Dios cu'untic stalel ay sbahtel q'uinal, xchihat.

Isaías 51:6

Toya mohel asitic ta ch'ulchan, soc ilawilic te lumq'uinal ta ye'tal; ya xtup' te ch'ulchan hich te bin ut'il ch'ahil, ya xlaj te lumq'uinal hich te bin ut'il c'u'ul, soc te mach'atic nahinemic tey a hich ya xlajic te bin ut'il us. Pero sbahtel q'uinal ay te colel cu'un, mayuc slajibal te bin toj ya jpas.

San Mateo 5:18

Como jamal ya calbeyex, ha to teme ya xch'ay bahel te ch'ulchan soc te bahlumilal, ma ba ya xch'ay ta Ley junuc jota o junuc punto ha to c'alal ts'acal ya xc'oht ta pasel spisil.

San Lucas 21:33

Ya xlaj ch'ulchan soc bahlumilal, pero ma xlaj stuquel te jc'ope.

Romanos 3:31

¿Yu'un bal ya jlajimbetic sc'oblal te Ley ta scuenta te sch'uhunel-o'tanil? ¡Ban c'an hichuc! Ha ya caltic te ay sc'oblal te Ley.

1 Pedro 1:25

yan te sc'op te Cajwaltic stalel ay sbahtel q'uinal, xchi. Ha te lec yach'il c'op ini te la yich' halel ta atojolique.

2 Pedro 3:10

Pero te c'alal ya xtal te Cajwaltic hich ya xtal te bin ut'il j'elec' ta ahc'abal. Ta hich ora ya xch'ay bahel te ch'ulchan soc tulan c'op, spisil bintic pasbil ya xlaj ta c'ahc', soc te bahlumilal soc spisil te bintic pasticlambil tey a ya me xlajic ta chiq'uel.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Apocalipsis 21:1

La jquil yach'il ch'ulchan soc yach'il bahlumilal, como c'axix te ch'ulchan soc te bahlumilal te ay ta nahil to, soc mayuquix mar.

Apocalipsis 21:4

Ya me xcusticlambot ya'lel sitic yu'un te Diose; mayuquix lajel, mel-o'tan, oq'uel o te bin c'ux, como c'axix spisil te bintic ay ta nahil to, xchi.