San Lucas 16:15 - Bible in Tzeltal Bachajón

¹⁵ Ha yu'un hich halbotic yu'un te Jesús: Yac awal abahic ta stojol ants-winiquetic te mayuc amulic te ha'exe, pero Dios ya sna'beyex awo'tanic stuquel; como te bin bayel sc'oblal yu'un winiquetic, ihlaybil yu'un te Diose.

Nuevo Testamento Tzeltal de Amatenango

¹⁵ Te Jesuse la yaltalanbe: —Te jaꞌexe jaꞌ nax ya aleik te tut lek ya skuyex a te genteetik. Pero te Diose ya snaꞌ tut ay te awoꞌtanike. Te tut lek ya yaꞌiyik ta yoꞌtan te genteetike, ta sit te Diose pꞌajbilix yuꞌun.

Bible in Tzeltal de Oxchuc y Tenejapa

¹⁵ Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

San Lucas 16:15 ပူးပေါင်းရင်းမြစ်များ

1 Crónicas 29:17

Ya jna', Dios cu'un, te yac ana'ticlan o'taniletic soc te yac amulan te bin stojil. Ha scuentahil te ta scuenta stojil co'tan soc ta sc'anojel co'tan la jca'bat spisil ini, soc yo'tic tse'el co'tan la jquilix te pueblo awu'un te stsoboj sbahic ta ora ini, te la ya'bat soc yutsil yo'tanic.

2 Crónicas 6:30

a'iybeya sc'opic c'alal ta ch'ulchan, te banti nahinemat; pasbeya perdón, pasa te bin ya sc'an pasel, a'beya ta tuhlultuhl ha chican te bin yilel te bin spasojic, como ha'at ana'beyej yo'tan, como ha'at nax atuquel ana'beyej yo'tan spisil ants-winiquetic,

Salmos 10:3

Te mach'a chopol yo'tan ya stoy sba yu'un te bin ya sc'an te yo'tane, ya yalbe lec sc'oblal te mach'a jbic'tal-o'tan, soc ya yihlay te Jehová.

Salmos 49:13

Hich ya xc'ohtic te mach'atic ya yich' sbahic ta muc', hich ya xch'ayic bahel te mach'atic ya yalic yutsil sc'oblalic. Selah

Salmos 49:18

Te c'alal cuxul to, aunque ya yalbe sba lec sc'oblal, soc ya xhalot lec sc'oblal yu'un te ay bin ay yu'une,

Salmos 7:9

Lajimbeya schopolil te mach'atic chopol yo'tanic, pero a'beya yich' yip te mach'a toj yo'tan, como toj yo'tan stuquel te Diose, ya stsahtay pensaril soc o'tanil.

Proverbios 16:5

Te Jehová ya yihlay spisil mach'atic ya stoy sbahic; fuersa me ya yich' castigo.

Proverbios 20:6

Ay tsobolic ya yal sbahic te lec yo'tanic; pero te winic te jun yo'tan ¿mach'a ya sta?

Proverbios 21:2

Spisil te behetic yu'un te winic ya scuy ta toj, pero te Jehová ya xna'bot yo'tan yu'un stuquel.

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

Malaquías 3:15

Quilojtic te tse'el yo'tanic te jtoybahetic, soc te ma ha'uc nax lec ya xc'ohtic te mach'atic chopol ya'telic, ha ya yilbeyic yo'tan Dios, pero mayuc bin ya xpasbotic yu'un, xchihex.

San Mateo 23:5

Ya spas spisil ya'telic yu'un nax ya yac' sbahic ta ilel yu'un te ants-winiquetique. Ya smuc'ubtesic te yawil mandariletic soc ya snahtubtesic te smehyil paq'uique;

San Mateo 6:16

Te c'alal yac acom awe'elic, ma me xawac' ta ilel mel-o'tan ta asit awelaw, hich te bin ut'il te jchebal-o'tanetique. Como ya syanijtes sit yelawic scuenta yu'un ya ya'be yilic ants-winiquetic te scomoj swe'elique. Jamal ya calbeyex, yich'ojiquix te smahtanique.

San Mateo 6:2

C'alal yac aq'ueben ataq'uin, ma me nahiluc xawac' ta oq'uesinel corneta ta atojol, hich te bin ut'il ya spasic ta sinagogahetic soc ta callehetic te jchebal-o'tanetic scuenta yu'un ya xhalbot lec sc'oblalic yu'un ants-winiquetic. Jamal ya calbeyex, yich'ojiquix te smahtanique.

San Mateo 6:5

Te c'alal yac ac'oponic Dios, ma me hichuc xapasic te bin ut'il ya spasic te jchebal-o'tanetic, como ha ya smulanic te ya stehc'an sbahic ta sc'oponel Dios ta sinagogahetic soc ta jujun xuhc calle scuenta yu'un ya x'ilotic yu'un ants-winiquetic. Jamal ya calbeyex te yich'ojiquix te smahtanique.

San Lucas 10:29

Pero la sc'an te lec sc'oblal ya xc'oht, ha yu'un la sjoc'obe te Jesús: ¿Mach'a a te jpat-xuhque? xchi.

San Lucas 11:39

Pero hich halbot yu'un te Cajwaltique: Ha'ex te fariseohex yac apocbeyic spat te vaso soc te plato, pero ta yutil nojel ta bic'tal-o'tanil soc ta bin chopol.

San Lucas 18:11

Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

San Lucas 18:14

Ya calbeyex, te winic ini lec ay ta stojol Dios a suht bahel ta sna, ma ha'uc te yane, como mach'ayuc a te ya stoy sba, peq'uel ya x'ac'ot, yan te mach'a peq'uel ya yac' sba, ya xtohybot sc'oblal, xchi.

San Lucas 18:21

Spisil jpasoj ta jqueremil to, xchi te winique.

San Lucas 18:9

Te Jesús la yalbe ya'iyic sloc'ombahil c'op te mach'atic scuyoj sbahic ta toj ta winiquil soc te mayuc sc'oblal ta yo'tan yantic, hich la yal:

San Lucas 20:20

Ha yu'un la sticonic bahel jtsahtaywanejetic te la scuy sbahic ta toj yo'tanic scuenta yu'un ya stsajic ta sc'op, hich ya xhu' ya yaq'uic ta sc'ab te gobernador a.

San Lucas 20:47

ya yich'beyic sna me'ba' antsetic, soc naht ya sc'oponic Dios yu'un ya x'ilotic. Ya me yich'ic tulan castigo, xchi.

San Juan 2:25

ma yu'unuc la sc'an te ay mach'a ya yalbe bin ut'il ay yo'tan te ants-winic, como sna'oj stuquel te bin ay ta yo'tan.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

Hechos 1:18

Te Judas la sman q'uinal yu'un te stojol te bin chopol la spas; tey cocoltsa' c'oht ta lum a, toj t'ohmel sch'uht soc loc' spisil sbiquil.

Hechos 1:24

Hich la yalic ta sc'oponel Dios: Ha'at, Cajwal, te yac ana'be yo'tan spisilic, ac'a ta na'el mach'a tsahbil awu'un ta schebalic,

Hechos 15:8

Te Dios te ya sna'be yo'tanic, la yac' ta ilel te lec yo'tan yu'unic te bin ut'il la ya'be te Ch'ul Espíritu hich te bin ut'il te ho'otique;

Romanos 3:20

como mayuc jtuhluc ya xhalbot te toj ta stojol Dios ta scuenta spasel te bin ya yal te Ley, como ta scuenta te Ley ya yac' ta na'el te ay mulil.

Romanos 8:27

Te mach'a ya sna'botic co'tantic ya sna' te bin ay ta yo'tan te Espíritu, como hich ya xc'opoj yu'un te mach'atic ch'uhltesbilic te bin ut'il ya sc'an yo'tan te Diose.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

1 Pedro 3:4

ha'uc me ach'ahlelic te bin ay ta awo'tanic, te sch'ahlel te ma xlaj sc'oblal, ha te yutsil awo'tanic soc lamal awo'tanic, te ha lec yo'tan yu'un te Diose.

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

1 Samuel 16:7

Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.