San Lucas 15:6 - Bible in Tzeltal Bachajón

⁶ soc te c'alal ya xc'oht ta sna, ya stsob tal yamigotac soc spat xuhc, hich ya yalbe: Pajaluc me ay yutsil co'tantic, yu'un la jtahix te jcoht jtuminchij te ch'aye, xchi.

Nuevo Testamento Tzeltal de Amatenango

⁶ Kꞌalal kꞌot ta snae, ya stsob tal te yamigotake sok te sbersinatake. Y jich ya yaltalanbe: “Ben kontentoukotik me, porke la jtaix tal te jkarnera te chꞌayem kuꞌune”, xchi ta yalel.

Bible in Tzeltal de Oxchuc y Tenejapa

⁶ C'alal ya xc'ot ta snae, ya stsob tel te sjo'taque soc te spat-xujq'ue, jich ya yalbey yaiyic: “Binuc nax me co'tantic ta jpisiltic yu'un, melel la jtaix te jcojt' jchij te ch'ayeme”, xi' ta yalel.

San Lucas 15:6 ပူးပေါင်းရင်းမြစ်များ

Salmos 119:176

Howiyemon ta be hich te bin ut'il howiyem tuminchij; leha te a'bat awu'un, como ma ba ch'ayem ta co'tan te mandariletic awu'une.

San Lucas 1:58

C'alal la ya'iyic te spat-xuhc soc smohlol sts'ahquil te la yich'ix bayel c'uxultayel yu'un Dios, pajal bayel yutsil yo'tanic soc.

San Lucas 15:10

Ya calbeyex te hich nix ay yutsil yo'tanic te ch'ul a'batetic yu'un Dios teme ya suhtes yo'tan jtuhl jmulawil, xchi te Jesús.

San Lucas 15:24

como te jnich'an chamenix a, pero cha'cuxajix tal; ch'ayem, pero la jtahix, xchi te state. Hich hahch spasic q'uin yu'un yutsil q'uinal.

San Lucas 15:5

Te c'alal ya sta, bayel yutsil yo'tan a ya scajan tal ta snehquel,

San Lucas 15:7

Ya calbeyex te c'ax hich ay yutsil-o'tanil ta ch'ulchan yu'un jtuhl jmulawil te ya suhtes yo'tan te bin ut'il ay yutsil-o'tanil yu'un te balunlajuneb yo'winic (99) ta tuhl te toj yo'tanic te ma xtuhun yu'un te ya suhtes yo'tanique.

San Juan 15:14

Jun me co'tan jbahtic teme yac apasic te bin ya calbeyexe.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

Hechos 11:23

C'alal c'oht tey a te Bernabé, tse'el yo'tan yu'un te c'alal la yil te yutsil yo'tan Dios; la stsitsticlan te junuc me yo'tan ya x'ayinic ta stojol te Cajwaltique.

Hechos 15:3

C'alal ticonotic bahel yu'un te iglesia, c'axic ta Fenicia soc Samaria, la yalbeyic bin ut'il yac suhtesbel yo'tanic ta stojol Dios te jyanlumetique. Mero tse'el yo'tanic yu'un spisil te yermanotaque.

Filipenses 1:4

Tse'el co'tan ya jc'opombeyex Dios spisil ora ta apisilic,

Filipenses 2:17

Aunque ya yich' malel jcuxlejal hich te bin ut'il malbil mahtanil ta sba te milbil mahtanil soc ta sba te a'batinel yac awaq'uic ta scuenta sch'uhunel awo'tanic, tse'el co'tan yu'un soc pajal tse'el co'tantic ta jpisiltic.

Filipenses 4:1

Ha yu'un, quermanotac te c'uxex ta co'tan soc te ya jna'ulanex spisil ora, te stse'elilex co'tan soc jcoronahex, ayuc me yip awo'tanic ta stojol te Cajwaltic, ha'ex te c'uxex ta co'tane.

1 Tesalonicenses 2:19

Como ¿bin a te smuc'ul co'tancotic, te stse'elil co'tancotic soc te corona te ya jtoy q'uinal ca'iycotic yu'un ta stojol te Cajwaltic Jesucristo te c'alal ya xtale? ¿Ma bal ha'uquex?

1 Pedro 2:10

Ta nahil to ma pueblohuquex yu'un Dios, pero yo'tic pueblohexix yu'un te Diose; ta namey tal mayuquex ta c'uxultayel, pero yo'tic awich'ojiquix c'uxultayel.

1 Pedro 2:25

Como hichex te bin ut'il tuminchijetic te howiyemic, pero yo'tic suhtemexix tal ta stojol te Jcanantaywanej soc te Mach'a ya scanantaybeyex ach'uhlelique.