San Lucas 15:4 - Bible in Tzeltal Bachajón

⁴ Teme ay jtuhlex te ay ho'winic (100) ta coht stuminchij te ya xch'ay jcoht, ¿ma bal yacuc yihquitay hilel ta aquiltic te balunlajuneb yo'winic (99) ta coht soc ya xchol bahel te jcoht ch'ayem ha to c'alal ya sta?

Nuevo Testamento Tzeltal de Amatenango

⁴ —Teme ay jtuluk te jaꞌexe teme ay sien ta jkojt skarnerae, ¿tut ya spas teme chꞌay yuꞌun jkojtuke? ¿Me ma wan yauk sjiles ta stenle te nobenta y noebe ta jkojte, yuꞌun ya xba slej tal te jkojt chꞌayeme? Jaꞌ to ya xlaj yoꞌtan a teme la stae.

Bible in Tzeltal de Oxchuc y Tenejapa

⁴ —Teme ay jtul te ja'ex te ay jo'winic (100) ta jcojt' xchije, ¿bi xi' yo'tan yu'un teme ay ch'ay jcojt'uc yu'une? ¿Ma bal yacuc yijq'uitay jilel ta aquiltic te balunlajuneb yo'winic (99) ta jcojt'e, yu'un ya xba sle tel te jcojt' ch'ayeme? ¿Ma xlaj yo'tan ta sleel ja' to teme la stae?

San Lucas 15:4 ပူးပေါင်းရင်းမြစ်များ

Salmos 119:176

Howiyemon ta be hich te bin ut'il howiyem tuminchij; leha te a'bat awu'un, como ma ba ch'ayem ta co'tan te mandariletic awu'une.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Jeremías 33:13

Ta pueblohetic ta witsiltic, ta tsehletic, ta Neguev, ta sq'uinal Benjamín, ta sjoyobal Jerusalén soc ta pueblohetic yu'un Judá, ya me xcha'c'axic xan tuminchijetic ta ye'tal sc'ab te mach'a ya yahtaylan, xchi te Jehová.

Jeremías 50:6

Te pueblo cu'un hich ayic te bin ut'il tuminchijetic te ch'ayemic, howiytesotic ta be yu'un te jcanan yu'unique, ac'otic hilel yu'un ta witsiltic. Bayuc behenic bahel ta yantic witsiltic, ch'ay ta yo'tanic te corral yu'unique.

Ezequiel 34:16

Ya jle te tuminchij te ch'ayem, ya jsuhtes tal te howiyemic bahel, ya jpotsbe te banti waq'uem soc ya ca'be yip te banti mayuc yip; pero ya jlajin te juhp'en soc te ay yipe. Stojil me ya jcanantay.

Ezequiel 34:31

Ha'ex tuminchijex cu'un, tuminchijex yu'un te aquiltic cu'un, ha ants-winiquetiquex, soc Ho'on Dioson awu'unic, xchi te Jehová, te Ajwalil.

Ezequiel 34:4

Ma ba la awa'beyic yip te mayuc yipic soc ma ba la apoxtayic te ayic ta chamel; ma ba la apotsic te banti waq'uem, ma ba la awiq'uic suhtel tal te howiyemic bahel, ma ba la alehic te ch'ayemique, tulan la acuentahinic soc la awuts'inic.

Ezequiel 34:8

Ho'on cuxulon, xchi te Jehová te Ajwalil, te bin ut'il ayic ta elc'anel te jtsohb tuminchijetic cu'un soc te ti'otic yu'un spisil te ti'awal chambahlametic ta scaj te mayuc jcanan yu'unique; te jcanan-tuminchijetic cu'un ma ba la slehic te tuminchijetic cu'un, ha la scanantay sbahic stuquelic;

San Mateo 12:11

Hich halbotic yu'un te Jesús: ¿Ay bal mach'a ay ta awohlilic te ay stuminchij te ya xch'ay cohel ta ch'en ta sc'ahc'alel cux-o'tan te ma ba ya stsac loq'uel?

San Lucas 13:15

La sjac' te Cajwaltic: ¡Jchebal-o'tanex! Jujutuhlex, ¿ma bal yacuc atilic te j'a'tel-wacax o burro awu'unic ta banti chucul yu'un yac awa'beyic yuch' ha' ta sc'ahc'alel cux-o'tan?

San Lucas 15:3

Ha yu'un te Jesús la yalbe ya'iyic te sloc'ombahil c'op ini:

San Lucas 19:10

como te Nich'anil ay ta scuenta winic tal sle soc tal scoltay te mach'atic ch'ayemique, xchi.

Romanos 2:1

Ha yu'un mayuc bin ya xmacawanat ta c'op a, ha'at te yac awich' ta c'op yan, como te bin ut'il yac awich' ta c'op yan, ha'at nix yac awalbel te ay amul, como te bin yac awich' ta c'op a te yane, ha nix hich yacat ta spasel.

1 Pedro 2:25

Como hichex te bin ut'il tuminchijetic te howiyemic, pero yo'tic suhtemexix tal ta stojol te Jcanantaywanej soc te Mach'a ya scanantaybeyex ach'uhlelique.