San Lucas 15:17 - Bible in Tzeltal Bachajón

¹⁷ C'alal la sna' q'uinal, hich la yal: ¡Te jayeb j'a'teletic yu'un te jtat c'ax bayel swe'elic, yan te ho'one, ya xlajonix ta wi'nal li'i!

Nuevo Testamento Tzeltal de Amatenango

¹⁷ “Ta patil lijk spas pensar yuꞌun te swokole, y jul ta yoꞌtan: “Ay bayal yaj-aꞌtel ta sna te jtate sok bayal tut ya sweꞌik. Yan te joꞌone ya xchamon ta wiꞌnal liye.

Bible in Tzeltal de Oxchuc y Tenejapa

¹⁷ “Ta patil la snop ta yo'tan, jich la yal: “Te jtate ay bayal yaj'at'el soc ay bayal swe'elic. Yan te jo'one, ya xlajon ta wi'nal li'to.

San Lucas 15:17 ပူးပေါင်းရင်းမြစ်များ

Salmos 119:59

La jnop ta co'tan bin yilel te behetic cu'un, hich suhton tal ta stojol te testigo-c'op awu'une.

Salmos 73:20

Hich te bin ut'il swayich te mach'a ya xhahch ta wayel, hich te c'alal ya xhahchat, Cajwal, yac ap'aj te bin scuyoj sbahic a.

Eclesiastés 9:3

Ta spisil te bin ay ta pasel ta ye'tal ch'ulchan, ha te bin chopol ini: ha te pajal quechel ya xc'oht ta stojol spisilic; soc te yo'tan te ants-winic nojel ta bin chopol soc sonsohil ta spisil scuxlejal, patil ya xbahtic ta banti ay te mach'atic chamenique.

Jeremías 31:19

C'alal la jpitix jba, la jsuhtes co'tan; c'alal la jna'ix te ay jmul, la jmajulan jtahn yu'un. Q'uexawon soc pehc'ajon, como la jcuch te q'uexlal yu'un te jqueremil, xchi.

Lamentaciones 1:7

Te Jerusalén, te c'alal och ta sc'ab te scontra soc te mayuc mach'a coltayot yu'un, la sna' te bin ora ay swocol soc te stoyoj sba, la sna' spisil te sc'ulejal te la sta ta namey. Ilot yu'un te scontratac, labanot yu'un.

Ezequiel 18:28

Como la yil soc la yihquitay hilel spisil te bintic la sc'axuntay, ya me xcuxaj, ma ba ya xlaj.

Oseas 2:7

Ya st'un te mach'atic ya xmulanot yu'un, pero ma ba ya sta; ya sle, pero ma ba ya sta ta lehel. Hich me ya yal: Ya suhton bahel ta stojol te jmamalal ta nahilal, como ha lec xan ayon a te bin ut'il ta ora ini, xchi.

San Lucas 15:16

Yo'tan ya snojes sch'uht a te bin ya swe' te chitametique, pero mayuc mach'a ay bin a'bot yu'un.

San Lucas 16:23

Ta stsobojibal mach'atic chamenic, te banti ay ta wocol, la shach sit, la yil namal ay te Abraham soc te ay ta sts'el te Lázaro.

San Lucas 8:35

Te ants-winiquetic loq'uic tal ta yilel te bin c'ohtix ta pasele. C'alal c'ohtic ta banti ay te Jesús, huculix ta ye'tal yoc Jesús a c'oht stahic te winic te loc' pucujetic ta yo'tan, slapojix sc'u' a, ya sna'ix q'uinal; xiwic yu'un.

Hechos 12:11

C'alal la sna' q'uinal te Pedro, hich la yal: La jna'ix te melel te Cajwaltic la sticon tal ch'ul a'bat yu'un soc la scoltayonix loq'uel ta sc'ab te Herodes soc spisil bintic yac smahliybel te judíohetic, xchi.

Hechos 2:37

C'alal hich la ya'iyic, toj smelbel yo'tanic yu'un; hich la sjoc'obeyic te Pedro soc te yantic jpuc-c'opetic: Quermanotac, ¿bin ya sc'an ya jpascotic? xchihic.

Efesios 5:14

Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.