San Lucas 15:15 - Bible in Tzeltal Bachajón

¹⁵ Hich baht sle a'tel ta stojol jtuhl winic te tey slumal a, ticonot bahel yu'un ta sq'uinal ta smac'linel chitametic.

Nuevo Testamento Tzeltal de Amatenango

¹⁵ Ba skꞌan yaꞌtel te ba ay jtul winik te ba luwar ba aye, jich a stikon bael ta slum ta skanantayel chitam.

Bible in Tzeltal de Oxchuc y Tenejapa

¹⁵ Jich ba sc'an yat'el ta stojol jtul winic ta bay te lume. Ja' la sticun bael ta sq'uinal ta smac'linel chitam.

San Lucas 15:15 ပူးပေါင်းရင်းမြစ်များ

2 Crónicas 28:22

Te bin ora ay swocol te Acaz, la to sta xan smul ta stojol Jehová;

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Isaías 1:5

¿Bin yu'un te yac ac'an yac awich'ic xan castigo? ¿Ya to bal atoy abahic? Ay ta chamel swohlol ajol, ay ta wocol spisil awo'tan.

Isaías 57:17

Ilinon yu'un schopolil te sbic'tal yo'tan, la jca'be castigo, la jnac' jba ta stojol soc ilinon; pero te jtoybahil la st'un bahel te be te la sc'an yo'tan stuquel.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Ezequiel 16:52

Ha'at te la awich'o-c'opin awihts'inab, ich'a te q'uexlal awu'un yu'un te muliletic apasoj, te c'ax hich ilobtic sba a te bin ut'il te yu'une. ¡C'ax toj xan ayic a te bin ut'ilat! Ha yu'un hich nix te ha'ate, ac'a cuhchuc awu'un pehc'anel, como mayuc smul yilel awu'un te awihts'inabe.

Ezequiel 16:63

scuenta yu'un ya xtal ta awo'tan soc ya xq'uexawat, soc mayuquix bin ora yac ajam awe ta scaj aq'uexlal, te c'alal ya jpasbat perdón yu'un spisil te bintic apasoj, xchi te Jehová, te Ajwalil.

Nahúm 3:6

Ya jch'oj bahel ta atojol te bin bohloben sc'oblal, ya cac'at ta tse'layel, hich ya cac'at te bin ut'il tsa'.

Malaquías 2:9

Ha yu'un te la jcac' te p'ajbil soc peq'uel c'ohemex ta stojol spisil ants-winiquetic, como ma ba la acanantaybon te behetic cu'un, soc ma pajaluc yac achahpanic ta scuenta te Ley.

San Mateo 7:6

Ma me xawa'beyic yixtalan ts'i'etic te bin ch'ultesbil, soc ma me xach'ojic bahel perlahetic ta stojol chitametic, scuenta yu'un ma ba ya sts'o'ic ta teq'uel soc te ya suhtic tal sbutsticlanex hilel.

San Lucas 15:13

Ma haluc c'ahc'al ta patil, te ihts'inal la stsob spisil bintic ay yu'un, baht ta namal ta yan q'uinal, tey c'oht slajin spisil a, biluc nax bin la slajin a.

San Lucas 15:14

C'alal laj yixtalambel spisil, tal bayel wi'nal tey ta q'uinal, hahch ta wocol yu'un mayuquix bin ay yu'un.

San Lucas 15:16

Yo'tan ya snojes sch'uht a te bin ya swe' te chitametique, pero mayuc mach'a ay bin a'bot yu'un.

Romanos 6:22

Pero yo'tic, te bin ut'il libre c'ohemex yu'un te mulil soc te a'bat c'ohemex yu'un Dios, atahojic ch'ultesel te ya yac' cuxlejal sbahtel q'uinal.

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.