San Lucas 14:26 - Bible in Tzeltal Bachajón

²⁶ Te mach'a ya xtal ta jtojol, teme ma ba ya sloq'ues ta yo'tan te sme'stat, yihnam, yal-snich'nab, sbanquiltac, swixitac, yihts'inab soc nix te scuxlejale, ma xhu' ya x'och ta jnopojel cu'un.

Nuevo Testamento Tzeltal de Amatenango

²⁶ —Te machꞌa ya xtal ta jtojole, teme ma xchꞌoj ta yoꞌtan te smeꞌ-state, te yiname, te xnichꞌnabe, te sbankiltake, te xwixitake, te yijtsꞌinabe, sok te skuxlejal ta balmilale, ma spas te jnopojel kuꞌun ya xkꞌote.

Bible in Tzeltal de Oxchuc y Tenejapa

²⁶ —Te mach'a ya xtal ta jtojole, teme ma c'axuc jich c'uxon ta yo'tan a te bit'il te state, te sme'e, te yiname, te snich'nabe, te sbanquiltaque, te xwixitaque, te yijts'inabe, soc uuc te xcuxlejal ta q'uinale, ma xju' te jnopojel ya xc'ot cu'une.

San Lucas 14:26 ပူးပေါင်းရင်းမြစ်များ

Salmos 139:22

Jc'axel ya jp'aj; ha jcontratac ya ca'iy.

Números 10:30

Ma xbohon; ya suhton bahel ta jq'uinal soc ta stojol te jmohlol-ts'ahquil, xchi te Hobab.

San Mateo 10:37

Te mach'a c'ax hich c'ux ta yo'tan a te sme'stat te bin ut'il te ho'one, ma xtuhun cu'un. Te mach'a c'ax hich c'ux ta yo'tan a te yal-snich'anic te bin ut'il te ho'one, ma xtuhun cu'un.

San Lucas 14:20

Soc la yal te yane: Ach' to nuhpunon, hich ma xpas te ya xbohon, xchi.

San Lucas 14:25

Bayel ants-winiquetic la sjoquinic ta behel te Jesús; hich la sut sba soc la yalbe ya'iyic:

San Juan 12:25

Te mach'a ya sc'uxultay te scuxlejal, ya me xch'ay te scuxlejal; yan teme ya sloq'ues sba ta yo'tan li' ta bahlumilal, ya me yich' scuxlejal sbahtel q'uinal stuquel.

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

Romanos 9:13

Como hich ts'ihbabil: C'ux la jca'iy ta co'tan te Jacob, pero p'ajbil cu'un te Esaú, xchi.

Deuteronomio 21:15

Teme ay winic te cheb yihnam, teme c'ux ta yo'tan te jtuhle, ma ba c'ux ta yo'tan te yane, teme schebal ya yalataybe snich'nab, teme ha querem te sba-al te ants ma ba c'ux ta yo'tan,

Deuteronomio 33:9

te mach'a hich la yalbe sc'oblal te sme'static: Jc'axel mayuc xquil, xchi. Ma ba la yich' ta cuenta te yermanotac, soc ma ba la sna'be sba te yal-snich'nab. Pero ha'ic la sch'uhunic spasel ac'op, ts'acal la spasic te chapbil-c'op awu'une.

Filipenses 3:8

Melel jc'axel lajem sc'oblal ta co'tan spisil ta scaj te c'ax t'ujbil te ya jna'be sba te Cristo Jesús, ha te Cajwal. Ha ta scuenta te la jch'ayix hilel spisil, hich c'oht cu'un te bin ut'il c'a'pal, scuenta yu'un ha cu'un ya xc'oht te Cristo

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.