San Lucas 14:21 - Bible in Tzeltal Bachajón

²¹ Hich suht tal te a'bate, la ya'be sna' te yajwal te bin halbot. Ilin te yajwal na, hich la yalbe te ya'bat: Bahan ta ora ta plazahetic soc ta callehetic ta pueblo, ic'a talel te pobrehetic, nolc'abetic, coxo'etic soc te ts'o'sitetique, xchi.

Nuevo Testamento Tzeltal de Amatenango

²¹ Te jꞌmantale sujt bael. Spisil a kꞌo yalbe te yajwale. Jich te ajwalile ilin yuꞌun, y la yalbe te yaj-mantale: “Baan ta ora te ba mukꞌul kayailtik sok ba chꞌin kayailtik te ba jtejklume. Ikꞌa tal te meꞌbaꞌetike, sok te jtumu-kꞌabetike, sok te choketike, sok te koxoetike”, xyut.

Bible in Tzeltal de Oxchuc y Tenejapa

²¹ Te abate sujt' bael. Spisil c'o xcholbey yaiy te winique. Jich ilin yo'tan yu'un. Jich la yalbey te abate: “Baan ta ora ta muc'ul calleetic soc ta ch'in calleetic ta bay spamal te lume. Ic'a tel te mach'a ma'yuc bi ay yu'unique, soc uuc te jc'ojc'ol-c'abetic, soc coxoetic, soc ma'sitetic”, la yut.

San Lucas 14:21 ပူးပေါင်းရင်းမြစ်များ

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Salmos 38:7

Xlemlon sc'ahc'al te jch'ixpat; mayuc banti lec te jbaq'uetale.

Isaías 33:23

Choyajemic te achuhquile; ma xhu' ya ya'beyic yip te ste'el spac'al te barco, soc ma xhu' ya slimic bahel te paq'ue. Ya yich' pucticlanel bayel te bintic pojticlambil. ¡Te coxo'etic ya me yich'ic bahel te bintic pojbile!

Isaías 35:6

Hich ya xwihl te coxo' te bin ut'il ha'mal chij, soc te yac' uma' ya x'awon yu'un yutsil q'uinal ya ya'iy. Ya xt'ohm loq'uel ha' ta jochol taquin q'uinal, snojel ha' ta taquin lum.

Jeremías 5:1

Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.

Zacarías 11:11

Ta hich ora jihn te chapbil-c'op, soc hich la sna'ic te pobrehetic yu'un te jtsohb tuminchijetic te yac yilbelonic te ha te sc'op te Jehová.

Zacarías 11:7

Ha yu'un la jcanantay te tuminchijetic te chapal sc'oblalic ya yich'ic milel, ha te pobrehetic yu'un te jtsohb tuminchijetique. La jle cheb nahbate'eletic: te june la jca'be sbihilin Yutsil-o'tanil, te yane Junax ayic; hich la jcanantay te tuminchijetique.

San Mateo 11:28

La'ic ta jtojol apisilic te luhbunex soc te ay awihcatsic, ho'on ya ca'beyex acux awo'tanic.

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Mateo 15:12

Ha yu'un nohpojic tal ta stojol te jnopojeletic, hich la sjoc'obeyic: ¿La bal ana' te ma lecuc la ya'iyic te fariseohetic c'alal hich la ya'iyic? xchihic.

San Mateo 18:31

C'alal la yilic bin c'oht ta pasel te yantic smohlol ta a'batil, bayel la smel yo'tanic yu'un, hich baht yalbeyic ya'iy te ajwalil yu'unic spisil te bin c'oht ta pasel.

San Mateo 20:7

Yu'un mayuc mach'a la yic'otcotic ta a'tel, xchihic. Bahanic ta jts'usubil, ya me awich'ic te bin ut'il ay te tojele, xchi.

San Lucas 14:13

Teme yac apas bayel we'elil, ha me xawic'ticlan te pobrehetic, nolc'abetic, coxo'etic soc ts'o'sitetic;

San Lucas 14:20

Soc la yal te yane: Ach' to nuhpunon, hich ma xpas te ya xbohon, xchi.

San Lucas 14:22

Hul ta halbeyel yu'un te ya'bat: Cajwal, pasbilix te bin la awale, pero ay to jochol, xchi.

San Lucas 14:24

Jamal ya calbeyex, te mach'atic la jquic'ticlan ta we'el, ma ba ya ya'iybe sbuhts' te we'elil cu'une, xchi me, xchi te Jesús.

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

San Lucas 9:10

C'alal suhtic tal te jpuc-c'opetic, hul yalbeyic ya'iy te Jesús spisil te bintic la spasique. Hich te Jesús la yic'ticlan bahel ta stuquelic ta jun pueblo, Betsaida sbihil.

San Juan 9:39

La yal te Jesús: Ha talemon ta bahlumilal scuenta jchahpanwanej, scuenta yu'un te mach'atic ma ba ya yilic q'uinal, ya me yilic q'uinal, soc te mach'atic ya yilic q'uinal, ts'o'sit ya xc'ohtic, xchi.

Hebreos 13:17

Ch'uhumbeyahic smandar te mach'atic scuentahinejex, ac'a abahic ta cuentahinel yu'unic, como hich ya scanantaybeyex ach'uhlelic te bin ut'il mach'atic ya yaq'uic cuenta te ya'telique. Hich me xapasic scuenta yu'un tse'el yo'tanic ya x'a'tejic, te ma x'aletuc yo'tanic awu'unic, como mayuc bin lec yac atahic yu'un.

Hebreos 2:3

¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

Santiago 2:5

Quermanotac te c'uxex ta co'tan, a'iya me awa'iyic: ¿Ma bal ha'uc tsahbil yu'un Dios te pobrehetic ta bahlumilal te ha' c'uhlejetic ta scuenta sch'uhunel yo'tanic soc ya x'a'bot yich'ic te cuentahinel yu'un Dios te yaloj te ya yich'ic te mach'a c'ux ta yo'tanic te Diose?

Apocalipsis 19:15

Ta ye yac ta loq'uel espada te ay ye te ya yehchentes a te nacionetic, soc tulan me ya scuentahinlan soc sbaston-taq'uin. Ya sp'e' te ya'lel ts'usub ta sp'e'ojibal te yilimba Dios te spisil ya xhu' yu'une.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

1 Samuel 2:8

Ha ya shach mohel ta ts'u'lum te pobre, ya shach ta sch'ayojibal c'a'pal te mach'a mayuc bin ay yu'un, scuenta yu'un ya yac' shuhcan sba soc príncipaletic soc ya yac' x'ich'otuc ta muc'. Como yu'un Jehová te yich'o-ip te lumq'uinal, tey la snahcan a te bahlumilale.

1 Samuel 25:12

Te jcolel winiquetic te ticombilic yu'un David suhtic bahel. C'alal c'ohtic ta stojol David la yalbeyic spisil te c'ope.