San Lucas 14:13 - Bible in Tzeltal Bachajón

¹³ Teme yac apas bayel we'elil, ha me xawic'ticlan te pobrehetic, nolc'abetic, coxo'etic soc ts'o'sitetic;

Nuevo Testamento Tzeltal de Amatenango

¹³ Yan te kꞌalal ya apas kꞌine, jaꞌ me xꞌawikꞌ tal ta weꞌel te machꞌa maꞌyuk tut ay yuꞌune, sok te jtumu-kꞌabetike, sok te koxoetike, sok te choketike.

Bible in Tzeltal de Oxchuc y Tenejapa

¹³ Jich yu'un te c'alal ya apas q'uine, ja' me x'awic' tel ta we'el te mach'a ma'yuc bi ay yu'unique, soc jc'ojc'ol-c'abetic, soc coxoetic, soc ma'sitetic.

San Lucas 14:13 ပူးပေါင်းရင်းမြစ်များ

2 Samuel 6:19

Ta patil la spucticlambe jpehch pan, jtebuc ti'bal soc jpehch pasas ta stojol spisil ants-winiquetic yu'un Israel. Patil suht ta snahic spisil te pueblo.

2 Crónicas 30:24

Como te Ezequías ajwalil yu'un Judá la ya'be te pueblo lajunwinic yoxbahc' (1,000) jcolel torohetic soc j'ohlil swaxaclajunbahc' (7,000) tuminchijetic. Soc te príncipaletic la ya'beyic te pueblo lajunwinic yoxbahc' (1,000) jcolel torohetic soc jpic soc ho'bahc' (10,000) tuminchijetic; soc bayel sacerdotehetic sch'ultesejix sbahic a.

Nehemías 8:10

Patil la yalbeyic: Bahanic, we'anic lequil we'elil, uch'anic chi'il vino soc ticombeya swe'el te mach'atic mayuc bin chahpambil yu'unic; como ha ch'ul c'ahc'al yu'un te Cajwaltique. Ma me xamel awo'tanic, como ha awipic te stse'elil yo'tan te Jehová, xchi.

Nehemías 8:12

Ha yu'un spisil te pueblo bahtic ta we'el uch'el soc ta sq'uebenel we'eliletic, mero tse'el yo'tanic, como c'oht ta yo'tanic te bin a'bot snopique.

Job 29:13

C'oht ta jtojol te bendición yu'un te mach'a chamelix; soc la jcac' stse'ejinuc yo'tan te me'ba' ants.

Proverbios 14:31

Te mach'a ya yuts'in te pobre ya yil-o'tantay te Jpaswanej yu'une, yan teme ya sc'uxultay te pobre ya yich' ta muc' te Jpaswanej.

Proverbios 22:9

Te mach'a ya x'ilawan soc sc'uxul yo'tan ya x'a'bot bendición, como ya ya'be swe'el te pobre.

Isaías 58:10

teme yac awa'be te mach'a ay swi'nal te we'elil awu'un, soc teme yac awa'be te bin ya xtuhun yu'un te mach'a ay swocol, ya me xchicnaj ta yihc'al q'uinal te sacal q'uinal awu'un, soc te yihc'al q'uinal awu'un hich ya xc'oht te bin ut'il ohlil c'ahc'al.

Isaías 58:7

¿Ma bal ha'uc te yac awa'be awe'el te mach'a ay ta wi'nal, te yac awa'be smajan ana te pobrehetic te mayuc sna; te yac awa'be sc'u'-spac' te mach'a yac awil te mayuc yu'un, soc te ma ba yac anac' aba ta stojol te awermanohe?

San Mateo 15:30

Bayel mach'atic talic ta stojol, la yic'ticlanic tal coxo'etic, ts'o'sitetic, uma'etic, nolc'abetic soc bayel yantic jchameletic, la ya'beyic ta ye'tal yoc te Jesús, te ha la slecubteslan.

San Mateo 22:10

Hich loq'uic bahel ta behbetic te a'batetic, la yic'ticlanic tal spisil te mach'atic la stahic, te mach'atic lec yo'tanic soc ma lecuc yo'tanic, hich noj ta ic'abil banti ay te nuhpunele.

San Lucas 11:41

Q'uebembeya te pobrehetic te bin ay awu'un, hich pocbil ya xc'oht awu'unic spisil a.

San Lucas 14:12

Soc te Jesús la yalbe te mach'a ic'bil ta we'el yu'un: Te c'alal ya x'ic'awanat ta we'el, ma ha'uc xawic' te awamigotac, awermanotac, amohloltac o te apat-axuhc te jc'uhlejetic, yu'un teme hich yac apas, ha nix hich ya yic'at ta we'el, hich ya sjeltaybat te bin la slajimbate.

San Lucas 14:14

hich me bayel awutsil ya xc'ohat, como ma xhu' yu'unic sjeltayel stuquel; pero ya me x'a'botat sjelol te c'alal ya sta yorahil ya xcha'cuxajic te mach'atic toj yo'tanique, xchi sc'oblal.

San Lucas 14:21

Hich suht tal te a'bate, la ya'be sna' te yajwal te bin halbot. Ilin te yajwal na, hich la yalbe te ya'bat: Bahan ta ora ta plazahetic soc ta callehetic ta pueblo, ic'a talel te pobrehetic, nolc'abetic, coxo'etic soc te ts'o'sitetique, xchi.

Hechos 9:39

Hich hahch te Pedro soc la sjoquin bahel. C'alal c'oht tey a, la yiq'uic ochel ta jtsahl-na te banti joytaybil yu'un spisil me'ba' antsetic, yacalic ta oq'uel soc yac yac'belic ta ilel te c'u'ul pac'aletic pasbotic yu'un Dorcas te c'alal sjoquinejic to a.

Deuteronomio 14:29

Tey ya xtal a te levita, te mayuc yich'oj sq'uinal hich te bin ut'il ha'at, soc tey ya xtal a te jyanlum, te me'ba', soc te me'ba' ants te ayic ta pueblohetic awu'un, ya xwe' x'uch'ic, ya xnoj sch'uhtic yu'un; scuenta yu'un te Jehová te Dios awu'un ya ya'bat bendición ta stojol spisil awa'tel.

Deuteronomio 16:11

Tse'eluc me awo'tan ta stojol Jehová te Dios awu'un, ha'at, awal-anich'nab, awa'bat, acriada, te levita ya xnahin ta pueblohetic awu'un, te jyanlum, me'ba' soc me'ba' ants ay ta awohlil, tey ta lugar banti stsahoj Jehová te Dios awu'un te ya yac' ayinuc te sbihile.

Deuteronomio 16:14

Tse'eluc me awo'tan xapas te q'uinetic, ha'at, awal-anich'nab, awa'bat, acriada, te levita, jyanlum, me'ba' soc me'ba' ants te ya xnahin ta pueblohetic awu'un.

1 Timoteo 3:2

Te anciano ya sc'an te mayuc bin ya sutot ta c'op yu'un, te jtuhl nax yihnam, ya stsahtay sba, ya xhu' scombel sba, lec stalel, ya x'otseswan ta sna, ya xhu' yu'un p'ijubteswanej,

1 Timoteo 5:10

te lec sc'oblal yu'un te lec ya'tel: ha teme ay scoltesej yalatac, teme bayel yutsil yo'tan ya x'otseswan ta sna, teme ay la spocticlambe yoc mach'atic ch'uhltesbilic, teme ay la sc'uxultaylan mach'atic ay swocolic, teme ya'telinej spasel spisil lequil a'teliletic.

Tito 1:8

Ha ya sc'an te ya x'otseswan ta sna, te c'ux ta yo'tan te bin lec, te ya stsahtay sba, toj yo'tan, ch'ultesbil, soc ya xhu' scomel sba.

Filemón 1:7

Bayel stse'elil co'tancotic soc smuc'ul co'tancotic yu'un te sc'uxul awo'tan, como ha'at ta acuenta, hermano, te yich'oj yip yo'tanic te mach'atic ch'ultesbilique.

Hebreos 13:2

Ma me xch'ay ta awo'tanic te ya x'otseswanex ta anahic, como ay mach'atic hich la spasic te ma ba la sna'ic te la yic' ochel ta snahic ch'ul a'batetic.