San Lucas 14:12 - Bible in Tzeltal Bachajón

¹² Soc te Jesús la yalbe te mach'a ic'bil ta we'el yu'un: Te c'alal ya x'ic'awanat ta we'el, ma ha'uc xawic' te awamigotac, awermanotac, amohloltac o te apat-axuhc te jc'uhlejetic, yu'un teme hich yac apas, ha nix hich ya yic'at ta we'el, hich ya sjeltaybat te bin la slajimbate.

Nuevo Testamento Tzeltal de Amatenango

¹² Sok la yalbe te machꞌa ikꞌbil ta weꞌel yuꞌune: —Te kꞌalal ya xꞌikꞌawanat ta weꞌele, ma me jaꞌuk xꞌawikꞌ ta weꞌel te awamigotake, ni te abankiltake, ni te machꞌatik ma yanuke, ni te abersinatak te ay skꞌulejalike. Porke ya me yikꞌat ta weꞌel ta patil euk. Jaꞌ nax me sjelol ya xkꞌot te ya yikꞌat ta weꞌele.

Bible in Tzeltal de Oxchuc y Tenejapa

¹² Soc la yalbey te mach'a ic'awan ta we'ele: —Te c'alal ya x'ic'awanat ta we'ele, ma me ja'uc x'awic' ta we'el te mach'a c'ux ya awaiy aba ta awo'tan soque, soc te apat-axujq'ue, soc te achapomale, soc te jc'ulejetic te nopol awiloj aba soque. Melel ya me yic'at ta we'el ta patil uuc. Ja' nax me sjelol ya xc'ot te ya yic'at ta we'ele.

San Lucas 14:12 ပူးပေါင်းရင်းမြစ်များ

Proverbios 14:20

Te pobre ya x'ihlayot yu'un spat-xuhc, pero ay tsobolic te c'ux ya ya'iy ta yo'tanic te jc'uleje.

Proverbios 22:16

Te mach'a ya yuts'in te pobre yu'un sp'ohltesel sc'ulejal, o te ya smahtantes te jc'ulej, ya me xpobrehub.

San Mateo 5:46

Como teme ha nax c'ux ta awo'tanic te mach'atic c'uxex ta yo'tanic, ¿bin amahtan yac ata a? ¿Ma bal hichuc nix ya spasic te jc'an-patanetique?

San Lucas 1:53

Te mach'atic ayic ta wi'nal la yac'ticlambe te bintic lec, pero jochol sc'abic la sticonlan bahel te jc'uhlejetique.

San Lucas 1:58

C'alal la ya'iyic te spat-xuhc soc smohlol sts'ahquil te la yich'ix bayel c'uxultayel yu'un Dios, pajal bayel yutsil yo'tanic soc.

San Lucas 14:11

Como spisil te mach'a ya yac' sba ta ich'el ta muc', ya me yich' pehc'anel, yan te mach'a peq'uel ya yac' sba, ha me ya xtohytesbot sc'oblal stuquel, xchi.

San Lucas 14:13

Teme yac apas bayel we'elil, ha me xawic'ticlan te pobrehetic, nolc'abetic, coxo'etic soc ts'o'sitetic;

2 Corintios 6:13

Scuenta yu'un hich nix awo'tanic te bin ut'il te co'tancotic, hich ya jc'oponex te bin ut'il cal-jnich'nab: Jama awo'tanic ec.