San Lucas 14:10 - Bible in Tzeltal Bachajón

¹⁰ Pero te c'alal ic'bilat, bahan huhcana aba ta slajibal huctajibal, scuenta yu'un te c'alal ya xtal te mach'a la yic'at, hich ya yalbat: Amigo, la', nohpojan tal ta huclej li'i, xchi. Hich me ich'bilat ta cuenta ya xc'ohat ta stojol te mach'atic huculat soc ta mesa.

Nuevo Testamento Tzeltal de Amatenango

¹⁰ Jaꞌ yuꞌun te kꞌalal ya yikꞌelate, teꞌ xnaklat te ba último luware. Yuꞌun te kꞌalal ya xtal te machꞌa yikꞌojate jich me ya yalbeyat: “Amigo, liꞌ xkꞌaxat tal to. Naklan liꞌ ba primero naktajibale”, ya me yutat. Jich te machꞌatik sjoyinejat ta mexae ya me yilik te tutꞌil aꞌbilat ta jkuentae.

Bible in Tzeltal de Oxchuc y Tenejapa

¹⁰ Jich yu'un, te c'alal ya x'ic'otate, tey xnajc'ajat a te bay te slajibale. Yu'un te c'alal ya xtal te mach'a yic'ojate, jich me ya yalbat: “Tatic, la' moan tel. Naclan li'to”, ya me yutat. Jich te mach'atic sjoinejat ta mesae ya me yilic te bit'il ich'bilat ta muq'ue.

San Lucas 14:10 ပူးပေါင်းရင်းမြစ်များ

Proverbios 15:33

Te xi'el te Jehová ha nohptesel yu'un p'ijil-o'tanil, soc ha nahil te peq'uel-o'tanil, patil te ich'el ta muc'.

Isaías 60:14

Te snich'nab te mach'atic la yuts'inex ya me xtal snijan sbahic ta atojol, spisil mach'atic la sp'ajex ya me xtal squejan sbahic ta ye'tal awoc; soc hich me ya ya'beyex abihilic: Pueblo yu'un Jehová, xchihic, soc: Sión yu'un te Ch'ul Dios yu'un Israel, xchihic ta atojol.

Apocalipsis 3:9

Te mach'atic ta sinagoga yu'un Satanás, te ha judío ta sc'opic, pero ma ha'uc, ya me cac' taluc squejan sbahic ta ye'tal awoc soc ya me sna'ic te c'ux la jca'iyat ta co'tane.

1 Samuel 15:17

La yal te Samuel: Aunque peq'uel la awa'iy aba, ¿ma bal ochucat ta jcuentahinwanej yu'un spisil ta chahp sts'umbal Israel, soc ma bal lajuc stsahat ta ajwalil yu'un Israel te Jehová?