San Lucas 13:35 - Bible in Tzeltal Bachajón

³⁵ Ilawil, jochol me ya xhil te anahe; soc ya calbeyex te ma ba yac awiloniquix xan ha to c'alal ya sta yorahil te hich yac awalic: ¡Bayel yutsil te mach'a talix ta scuenta sbihil te Cajwaltic! te xchihexe, xchi te Jesús.

Nuevo Testamento Tzeltal de Amatenango

³⁵ Yotik to ya kalbeyex awaꞌiyik: Te alumalike ya me xchꞌojot jilel. Sok ya kalbeyex te makꞌ ya awilbikonix jsite jaꞌ to teme ya sta yorail te jich ya awalike: “Ben me tsaꞌam slekil te machꞌa tikonbil tal yuꞌun te Kajwaltike”, teme xchaexe —xchi te Jesuse.

Bible in Tzeltal de Oxchuc y Tenejapa

³⁵ Ya calbeyex awaiyic, jochol me ya xjil te alumalique. Soc ya calbeyex te ma ba ya awilbonic xan jsit ta ora bael to, ja' to teme ya awalic: “Bin nax yutsil te mach'a talem ta swenta te Cajwaltique”, teme xaexe —xi' te Jesuse.

San Lucas 13:35 ပူးပေါင်းရင်းမြစ်များ

Salmos 118:26

¡Bayel yutsil te mach'a ya xtal ta scuenta te sbihil Jehová! C'alal ta sna Jehová ya ca'beyex bendición.

Salmos 69:25

Jochol ac'a hiluc te campamento yu'unic, ma me ayuc mach'a ya xnahin ta snahilpaq'uic.

Isaías 52:7

¡Buen t'ujbil ta witsiltic te yoc te mach'a ya yich' tal lec yach'il c'op, te ya spucbe sc'oblal lamal q'uinal, te ya yich' talel lequil c'op, te ya spucbe sc'oblal colel, te hich ya yalbe te Sión: ¡Te Dios awu'un ay ta Ajwalil! te xchihe!

Jeremías 22:5

Pero teme ma ba yac awich'ic ta cuenta te c'op ini, ho'on ya cal ta jamal, xchi te Jehová, te jimbil ya xhil te sna ajwalil ini, xchi.

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Miqueas 3:12

Ha yu'un ha'ex ta acuentahic ya yich' tuquel te Sión, ya xc'atp'uj ta busul jinel te Jerusalén, soc te wits yu'un te Templo ya xpotsot ta ha'mal.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Zacarías 14:2

Como ya jtsob tal spisil te nacionetic yu'un ya ya'beyic guerra te Jerusalén. Ya yich' ochintayel te muc'ul pueblo, ya yich'ic pojticlambeyel sbiluc ta snahic soc ya x'uts'inotic te antsetique. J'ohlil te muc'ul pueblo ya xbaht ta chuquel, pero te mach'atic hilemic ma ba ya yich'ic loq'uesel.

San Mateo 21:9

Te mach'atic nahil ayic soc te mach'atic patil ayic, hich yacalic ta yalel ta aw: ¡Hosana ta stojol te snich'an David! ¡Bayel yutsil te mach'a ya xtal ta scuenta sbihil te Cajwaltique! ¡Hosana ta toyol! xchihic ta aw.

San Mateo 23:37

¡Jerusalén, Jerusalén te yac amilticlanic te jalwanejetic soc te yac ach'ojticlanic ta ton te mach'atic ticombilic tal ta atojolic! ¡Bayel buelta c'an jtsob te awal-anich'nabic hich te bin ut'il ya stsob yalatac ta ye'tal xic' te me'mut, pero ma la ac'anic!

San Lucas 19:41

Te c'alal c'oht ta nopol Jerusalén soc te c'alal la yil, la yoq'uetay,

San Lucas 21:24

Ya xlajic ta espada soc ya xbahtic ta chuquel ta spisil nacionetic, soc te Jerusalén ya yich' ts'o'el ta teq'uel yu'un jyanlumetic ha to c'alal ya sts'acay te yorahil yu'un te jyanlumetique.

San Juan 12:13

la yich'ic bahel ya'binal xahn soc baht stahic tal te Jesús, hich la yalic ta aw: ¡Hosana! ¡Bayel yutsil te mach'a talem ta scuenta sbihil te Cajwaltic, te Ajwalil yu'un Israel! xchihic ta aw.