San Lucas 13:25 - Bible in Tzeltal Bachajón

²⁵ Teme hahchemix te yajwal na soc la smac te ti'nahil, ya me xhilex ta c'op ta fuera: Cajwal, Cajwal, jambotcotic, xchihex. Ma jna' banti talemex, ya me yutex.

Nuevo Testamento Tzeltal de Amatenango

²⁵ Patil teme la stsꞌus stiꞌ spuerta te yajwal nae, jaꞌex te ayex ta jwerae jich ya xlijk awalik: “Kajwal, jeꞌbotik te puertae”, ya me awutik. Pero ya yalbeyex te yajwal nae: “Ma jnaꞌ ba talemex te jaꞌexe”, ya me yutex.

Bible in Tzeltal de Oxchuc y Tenejapa

²⁵ Melel teme la smaquix ti'nail a te yajwal nae, jich ya xjajch' atijic te ti'naile te bit'il ayex ta amaq'ue. Jich ya xjajch' awalic: “Cajwal, Cajwal, jambotic te ti'naile”, ya me awutic. Ja'uc me to, ya yalbeyex te yajwal nae: “Ma jna' te banti talemex te ja'exe”, ya me yutex.

San Lucas 13:25 ပူးပေါင်းရင်းမြစ်များ

Génesis 7:16

Ta spisil bintic cuxajtic, stat soc yantsilel, ochic soc, hich te bin ut'il pasot ta mandar yu'un Dios. Te Jehová la smacbe spuertahul te barco.

Salmos 32:6

Ha yu'un ac'a sc'oponat spisil mach'atic ch'uhltesbilic te bin ora ya xhu' yac awich' tahele. Melel te c'alal ay bayel snojel ha'etic, ma ba ya xtahotic yu'un.

Isaías 55:6

¡Lehahic te Jehová te ya to xhu' ta tahel, c'oponahic te bin ut'il nopol to ay!

San Mateo 25:41

Soc hich me ya yalbe te mach'atic ayic ta q'uexam: Loc'anic ta jtojol, ha'ex te ma lecuc ac'oblalic, bahanic ta c'ahc' te sbahtel q'uinal ay, te chahpambil yu'un te pucuj soc te a'batetic yu'une,

San Lucas 13:27

Pero hich me ya yalbeyex: Ya calbeyex te ma jna' banti talemex; loc'anic ta jtojol apisilic te chopol awa'telique, ya me yutex.

San Lucas 3:8

Ac'a chicnajuc ta ilel ta awa'telic te suhtemix awo'tanic, ma me hichuc ya xhahch anop ta awo'tanic: Ha jtatcotic te Abraham, ma me xchihuquex, como ya calbeyex te Dios ya xhu' ya sc'atp'un ta yal-snich'an Abraham ha'i tonetic ini.

San Lucas 6:46

¿Bin yu'un te: Cajwal, Cajwal, xchihex teme ma ba yac apasic te bin ya calbeyexe?

2 Corintios 6:2

Como hich ya yal: Ta yorahil ich'tel ta cuenta la jca'iybat ac'op, soc ta sc'ahc'alel colel la jcoltayat, xchi. Ha yorahilix ini, ha'ix sc'ahc'alel colel.

Hebreos 12:17

Ana'ojic te aunque la sc'an ta patil te ya yich' xan te bendición, ma ba ich'otix ta cuenta, ma ba hu'ix yu'un suhtesbel yo'tan, aunque bayel la yoq'uetay sba yu'un.