San Lucas 13:19 - Bible in Tzeltal Bachajón

¹⁹ Ha pajal soc sbac' mostaza te la sts'un ta yawal-ts'unub jtuhl winic; ch'ihy soc muc' ste'el c'oht, soc te ha'mal mutetic la sluhtsan sbahic ta sc'abc'ab, xchi.

Nuevo Testamento Tzeltal de Amatenango

¹⁹ Jaꞌ pajal kꞌoem sok te sbakꞌ mostesia te ya stsꞌun ta skꞌal te jtul winike. Ya xchꞌi y mukꞌ ya xkꞌot te steꞌele. Te teꞌtikil mutetike ya xtal spas xpechechik te ba skꞌab kaꞌbe —xchi.

Bible in Tzeltal de Oxchuc y Tenejapa

¹⁹ Ja' pajal c'oem soc te sbac' mostazae te ya sts'un ta bay yawal-sts'unub te jtul winique. Ya xch'i soc muc' ste'el ya xc'ot. Te ja'mal mutetique ya xtal spas xpechechic tey a ta bay te sc'abc'abe —xi'.

San Lucas 13:19 ပူးပေါင်းရင်းမြစ်များ

Cantares 4:12

Macbil nichimaltic c'ohemat, quihts'inat, jlecolat; macbil sloq'uib-ha' c'ohemat, sloq'uib-ha' te yich'oj sello;

Cantares 4:16

¡Hahchan, ic' ta stojol norte! ¡La', ic' ta stojol sur! Hu'xiya te ts'umbil q'uinal cu'un, pucbeyahic bahel yic' te perfume yu'une. ¡Ac'a taluc ta ts'umbil q'uinal te mach'a c'ux ta co'tan, ac'a slo'be sit te bin chi'e!

Cantares 6:2

Te mach'a c'ux ta co'tan cohem bahel ta ts'umbil q'uinal yu'un, ta chohlochohl te bintic sumet yic', baht ta yaq'uel ta we'el ta ts'umbil q'uinal te tuminchijetic yu'un soc ta stsobel lirio-nichimetic.

Cantares 8:13

Ha'at, te ya xnahinat ta ts'umbil q'uinal, te mach'atic sjoquinejonic yac smahliybel ya'iyic te ac'ope. ¡Halbon ca'iy!

Isaías 53:1

¿Mach'a sch'uhunej te bin calojcotic, soc mach'a a'bot yil te sc'ab Jehová?

Isaías 53:10

Pero te Jehová la sc'an te ya yac' ta uts'inel, te ya ya'be swocol. Te c'alal yac'ojix sba scuenta milbil mahtanil yu'un mulil, ya me yil te sts'umbal soc ya me xcuxaj bayel c'ahc'al, soc te bin ya sc'an yo'tan te Jehová ya me xc'oht ta pasel ta scuenta.

Isaías 58:11

Te Jehová ya stojobtesat bahel spisil ora, ta taquin q'uinal ya ya'bat bin ya xtuhun awu'un, soc ya ya'be yip te abaquele. Hich ya xc'ohat te bin ut'il ts'umbil nichimetic te a'bibil ya'lel, hich te bin ut'il sloq'uib-ha' te jc'axel ma xtup'.

Isaías 61:11

Hich te bin ut'il te lumq'uinal ya yac' loc'uc spuhl, soc te ts'umbil q'uinal ya yac' ch'ihyuc te bin ts'umbile, ha nix hich te Cajwaltic Jehová ya yac' puhlinuc te bin stojil ta pasel soc te yutsil c'oblalil ta stojol spisil te nacionetique.

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Jeremías 31:12

Ya me xtalic soc aw yu'un tse'el-o'tanil ta sba wits Sión, ya me smulambe yutsil slequil te Jehová: ha te trigo, vino soc aceite, te yalatac te tuminchijetic soc te wacaxetique. Hich ya xc'oht scuxlejalic te bin ut'il awal-ts'unubil te ay ya'lel, mayuquix bin ora ya xlaj yipic.

Ezequiel 31:6

Spisil te mutetic te ya xwihlic ta toyol la spas spechechic ta sc'abc'ab; soc spisil te chambahlametic ta q'uinal tohc yalatac ta ye'tal, soc ta yaxinal nahinic bayel nacionetic.

Daniel 4:12

Mero t'ujbil te ya'binal socbayel te sit, tic' ya sta swe'elic ta spisilic a. Te ha'mal chambahlametic la stahic yaxinal ta ye'tal, ta sc'abc'ab la spas spechechic te mutetic, soc spisil te bintic cuxajtic tey la sta swe'elic a.

Daniel 4:21

te t'ujbil ya'binal soc te bayel sit, te tic' ya sta swe'elic tey a spisilic, te banti nahinemic te ha'mal chambahlametic ta ye'tal soc te ya spas spechechic mutetic ta sc'abc'abe,

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

San Mateo 17:20

Halbotic yu'un te Jesús: Ta scaj te mayuc lec sch'uhunel awo'tanic. Jamal ya calbeyex te hichuc smuc'ul sch'uhunel awo'tanic te bin ut'il jp'ij sbac' mostaza, ya xhu' yac awalbeyic ha'i wits ini: Jeltaya awawil, lum xbahate, teme yac awute, ya sjeltay yawil. Mayuc bin ma xhu' awu'unic spasel te hichuque, xchi.

San Marcos 4:30

Hich la yal xan te Jesús: ¿Bin ya jpajtic a te cuentahinel yu'un Dios? ¿Bin sloc'ombahil c'op ya jpajtic a?

San Lucas 17:6

La yal te Cajwaltic: Te ayuc sch'uhunel awo'tanic hich te bin ut'il jp'ij sbac' mostaza, ya xhu' yac awalbeyic te sicómoro-te' ini: Bula loq'uel aba, bahan, ts'una aba ta mar, teme xchihexe, ya me sch'uhumbeyex ac'opic.

Hechos 2:41

Te mach'a la sch'uhumbeyic te sc'ope, ac'ticlambot yich'ic ha'; ta hich ora ay wan p'ohl lajunwinic swaxacbahc' (3,000) ta tuhl.

Hechos 21:20

C'alal la ya'iyic, la yalbeyic bayel wocol Dios yu'un, soc la yalbeyic te Pablo: Hermano, awilojix te ay tsobol ta mil te judíohetic te sch'uhunejiquix, spisilic tulan sc'oblal ta yo'tanic te Ley.

Hechos 4:4

Pero tsobol te mach'atic la ya'iyic te sc'op Dios, la sch'uhunic; ay wan lajunwinic yoxlajunbahc' (5,000) ta tuhl winiquetic.

Romanos 15:19

ta scuenta yip te señahiletic soc jchahp a'teliletic pasbil ta scuenta yu'el te Espíritu yu'un Dios. Hich c'alal Jerusalén soc ta sjoyobal ha to ta sq'uinal Ilírico, spisil la jnojes ta lec yach'il c'op yu'un Cristo.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.