San Lucas 13:15 - Bible in Tzeltal Bachajón

¹⁵ La sjac' te Cajwaltic: ¡Jchebal-o'tanex! Jujutuhlex, ¿ma bal yacuc atilic te j'a'tel-wacax o burro awu'unic ta banti chucul yu'un yac awa'beyic yuch' ha' ta sc'ahc'alel cux-o'tan?

Nuevo Testamento Tzeltal de Amatenango

¹⁵ Te Kajwaltike la yalbe: —Jaꞌex te ma tsaꞌamuk awoꞌtanike, ¿meꞌn ay wan jtuluk te jaꞌexe te makꞌ ya apolik ta skꞌaalel kuxo-oꞌtan te awakaxike sok te aburuike te ya xba awaꞌbeyik tal yuchꞌ jaꞌe?

Bible in Tzeltal de Oxchuc y Tenejapa

¹⁵ Te Cajwaltique jich la sujt'esbey: —Cha'lam awo'tanic te ja'exe. ¿Ma bal yacuc acoltay ta sc'aalelal cux-o'tan te awacaxe, te aburroe te ya xba awac'bey ja' yuch'e?

San Lucas 13:15 ပူးပေါင်းရင်းမြစ်များ

Job 34:30

scuenta yu'un ma ba ya x'och ta ajwalil te mach'a chopol yo'tan, te ma ba ya slo'loy te pueblohe.

Proverbios 11:9

Te jchebal-o'tan ya yuts'in te spat-xuhc ta scuenta sc'op, pero te mach'atic toj yo'tanic ya x'ac'otic ta libre ta scuenta te p'ijil-o'tanil.

Isaías 29:20

Como ya me xlaj te j'uts'inwanej, soc ya xch'ay bahel te jlabanwanej; ya xlajic spisil mach'atic ma xwayic yu'un spasel te bin chopole,

San Mateo 15:14

Ac'a yil sbahic; ha'ic ts'o'sitetic te yac stojobtesbelic ts'o'sitetic; teme ts'o'sit nix te ya stojobtes ts'o'sit, pajal me ya xch'ayic cohel ta ch'en soc, xchi.

San Mateo 15:7

¡Jchebal-o'tanex! Smelelil te bin la yalbeyex ac'oblalic te Isaías te c'alal hich la yal:

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

San Mateo 23:28

Ha hichex ta ilel, toj yac awac' abahic ta ilel ta stojol te ants-winiquetic, pero te awo'tanic nojel ta chebal-o'tanil soc ta mulil.

San Mateo 7:5

¡Jchebal-o'tanat! Ha nahil xaloq'ues te ts'amte' ay ta asit, hich ya xhu' yac awil ta lec te yac aloq'uesbe te c'a'pal ay ta sit te awermano.

San Lucas 12:1

Ha yorahil a, la stsob sbahic tal bayel ta mil ants-winiquetic, jc'axel la sten sbahic. Te Jesús hich hahch yalbe te jnopojeletic yu'une: Tsahtaya me abahic yu'un te levadura yu'un te fariseohetic, ha te chebal-o'tanil,

San Lucas 14:5

Te Jesús hich la sjoc'obeyic: ¿Mach'ahex a teme ay snich'an o j'a'tel-wacax yu'un te ch'ay cohel ta pozo ta sc'ahc'alel cux-o'tan, ma bal orahuc yac aloq'uesic aunque sc'ahc'alel cux-o'tan a? xchi.

San Lucas 6:42

¿Bin yu'unix a te hich yac awalbe te awermano: Hermano, a'bon jloq'uesbat te jwihts' c'a'pal ay ta asit, te xchihate, teme ma ba yac awil te ts'amte' ay ta asite? ¡Jchebal-o'tanat! Ha nahil xaloq'ues te ts'amte' ay ta asit, hich yac awil ta lec a te yac aloq'uesbe te jwihts' c'a'pal ay ta sit te awermanohe.

San Lucas 7:13

Te Cajwaltic, c'alal la yil te antse, sts'ujet ta yo'tan la ya'iy, hich la yalbe: Ma x'oc'at, xchi.

San Lucas 7:19

la sticon bahel ta banti ay te Jesús yu'un ya sjoc'obeyic: ¿Ha'at bal te mach'a talel yac, o ya to bal jmahliycotic yan? xchi.