San Lucas 13:11 - Bible in Tzeltal Bachajón

¹¹ Ay jtuhl ants tey a te ayix waxaclajuneb (18) ha'bil te yich'oj espíritu te la ya'be schamel, c'ujul spat ya xbehen yu'un, ma xhu' yu'un te toj ya stehc'an sba.

Nuevo Testamento Tzeltal de Amatenango

¹¹ Ay jtul ants teꞌa te ayix diesiocho jaꞌbil te ay chamel ta stiꞌbalule te kꞌujanbil spat yuꞌun pukuj te ma spas ya xjach sbae.

Bible in Tzeltal de Oxchuc y Tenejapa

¹¹ Ay jtul ants tey a te ayix ta xwaxaclajunebal (18) ja'wil te uts'inbil yu'un te pucuje. Ma'yuc yip te sbaq'uetale, soc c'ujul spat ya xbeen. Xujt' ma xju' yu'un te toj ya stejc'an sbae.

San Lucas 13:11 ပူးပေါင်းရင်းမြစ်များ

Job 2:7

Ha yu'un te Satanás loc' bahel ta stojol te Jehová, la yehchentes ta c'a'el chin te Job, hahch ta stahn yoc c'alal ta sjol.

Salmos 145:14

Te Jehová ya shach spisil te mach'atic ya xyahlic, ya snit hahchel spisil te mach'atic nijajtic.

Salmos 146:8

te Jehová ya sjambe sit te ts'o'sitetic; te Jehová ya stij hahchel te mach'atic nijajtic; te Jehová c'ux ta yo'tan te mach'atic toj yo'tanique.

Salmos 38:6

C'ujulix jpat soc mero peq'uel c'ohemonix, spisil c'ahc'al ayon ta mel-o'tan.

Salmos 42:5

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal te Jcoltaywanej soc te Dios cu'une.

Salmos 6:2

C'uxultayawon, Jehová, yu'un ayon ta chamel; lecubtesawon, Jehová, yu'un ya snihc sbahic te jbaquele.

San Mateo 4:23

La yocliy spisil sq'uinal Galilea te Jesús, yac ta nohpteswanej ta sinagogahetic yu'unic soc yac ta yalel te lec yach'il c'op yu'un te cuentahinel yu'un Dios, soc yac ta slecubtesel spisil chamel soc banti c'ux ya ya'iyic te ants-winiquetique.

San Marcos 9:21

Te Jesús la sjoc'obe te stat te quereme: ¿Sjayebalix c'ahc'al te hich ya xpasbot? xchi. Ta yalalil to.

San Lucas 13:12

C'alal Jesús la yil, la yic' tal ta stojol, hich la yalbe: Ants, colematix yu'un te chamel awich'oj, xchi.

San Lucas 13:16

Te ants ini te ha sts'umbal Abraham te ayix ta waxaclajuneb (18) ha'bil chucbil yu'un Satanás, ¿ma bal yacuc xhu' ta tilbeyel schuhquil ta sc'ahc'alel cux-o'tan? xchi.

San Lucas 21:28

Te c'alal hich yaquix ta c'ohel ta pasel a, tehc'ana abahic soc toya ajolic, como nopolix te colel awu'unique, xchi.

San Lucas 8:2

soc cha'oxtuhl antsetic te loq'uesbot bohl espírituhetic ta yo'tanic soc te lecubtesotic ta chamel yu'un te Jesús: ha te María, te Magdalena yan sbihil, te loq'uesbot huqueb pucujetic ta yo'tan,

San Lucas 8:27

C'alal loc' ta barco ta ti'ha' te Jesús, tal ta tahel yu'un jtuhl winic loq'uem tal ta pueblo, te ayix ora yochel pucuj ta yo'tan. Ma sc'an ya slap sc'u', soc ma ba ya xnahin ta na, ha snahinej te muquenaletic.

San Lucas 8:43

Ay jtuhl ants tey a te ayix lahchayeb (12) ha'bil te ma xquehchaj yilbel sch'ich'el scuenta schamel, pero mayuc mach'a hu' spoxtaybel.

Hechos 3:2

Ay jtuhl winic, coxo' ta yayinab to, te jujun c'ahc'al ya x'ic'ot tal ta yochibal te Templo te T'ujbil Ochibal sbihil, scuenta yu'un ya sc'ambe limosna te mach'atic ya x'ochic bahel ta templo.

Hechos 4:22

como c'axem ta cha'winic (40) ya'bilal te winic lecub yu'un te jchahp a'telil pasbot ta scuenta.