San Lucas 12:7 - Bible in Tzeltal Bachajón

⁷ Ha nix hich ahtaybil te jaylihc stsotsel ajolique. Ha yu'un ma me xiwex, c'ax hich ac'oblalic a te bin ut'il bayel ha'mal mutetic.

Nuevo Testamento Tzeltal de Amatenango

⁷ Jich euk te jaꞌexe, asta te stsotsil ajolike ajtabil yuꞌun ta jujulijk. Jaꞌ yuꞌun ma me xiꞌanik te jaꞌexe. Mas me tulan akꞌoplalik ta yoꞌtan ke te chꞌin mutetike.

Bible in Tzeltal de Oxchuc y Tenejapa

⁷ Ja' nanix jich uuc te ja'exe, asta te stsotsil ajolique, spisil ajtaybil yu'un ta lijq'uilijc'. Jich yu'un ma me xiwex. C'ax jich ay ac'oplalic a te bit'il ay sc'oplal bayal ta jcojt' te ch'in mutetique.

San Lucas 12:7 ပူးပေါင်းရင်းမြစ်များ

2 Samuel 14:11

Ha yu'un la yal te ants: Awocoluc, ajwalil, c'opona te Jehová te Dios awu'un te manchuc ya ya'bon xan jwocol te mach'a c'an ya'be spacol te ch'ich', te manchuc ya smilbonic te jtuhl xan cale, xchi. La yal te ajwalil: ¡Yiloj Jehová! ma me xch'ay cohel ta lum jlihcuc stsotsel sjol te awale, xchi.

Job 35:11

te c'ax hich ya sp'ijubtesotic a te bin ut'il te chambahlametic ta q'uinal, soc c'ax hich ya ya'botic sp'ijil co'tantic a te bin ut'il te mutetic ta ch'ulchan? te xchihe.

Salmos 8:6

La awa'be scuentahimbat te bintic apasticlanej ta ac'ab, la awa'be spisil ta ye'tal yoc:

San Mateo 12:12

¿Ma bal c'ax to xan hich ay sc'oblal jtuhl winic a te bin ut'il jcoht tuminchij? Ha yu'un ha stojil te ya yich' pasel te bin lec ta sc'ahc'alel cux-o'tan, xchi sc'oblalic.

San Mateo 6:26

Ilawil te mutetic ya xwihlic ta toyol, ma ba ya ya'iyic awal, ma ba ya ya'iyic c'ajoj soc ma ba ya stsobic ta yawil; pero ha mac'limbilic yu'un te Atatic ay ta ch'ulchan. ¿Ma bal c'axuc to xan hich ac'oblalic a te bin ut'il te mutetique?

San Lucas 21:18

pero ni jlihcuc stsotsel ajolic ya xch'ay.

Hechos 27:34

Ha yu'un ya calbeyex, we'anic, yu'un yac awich' awipic a. Mayuc jtuhluc te ya xch'ay jlihcuc stsotsel sjol, xchi.

1 Samuel 14:45

Pero te winiquetic la yalbeyic te Saúl: ¿Ya bal spas ya xlaj ta milel te Jonatán, te mach'a la ya'iy muc'ul tsalaw ta Israel? ¡Ma hichuc! ¡Yiloj Jehová! ma me xco ta lum jlihcuc stsotsel sjol, como ha la spas ini ta scuenta te coltayel yu'un te Diose, xchihic. Hich la scoltayic ta milel te Jonatán.