San Lucas 12:36 - Bible in Tzeltal Bachajón

³⁶ hichuquex me te bin ut'il a'batetic te wiq'uil sitic ta smahliyel bin ora ya suht tal ta il-nuhpunel te yajwalic, scuenta yu'un te c'alal ya xhul ta c'op, ora ya sjambeyic te ti'nahile.

Nuevo Testamento Tzeltal de Amatenango

³⁶ Jichukex me te tutꞌil te jꞌaꞌteletik te chapajtik ta smaliyel te yajwalik te baem ta il-nujpunele, te ora ya sjeꞌbeyik te stiꞌpuerta te kꞌalal ya xjul skꞌojkꞌutay te puertae.

Bible in Tzeltal de Oxchuc y Tenejapa

³⁶ Jichuquex me te bit'il abatetic te chapalic ta smaliyel te ya sujt' tel te yajwalic te baem ta yilel nujbinel te ora ya sjambeyic te c'alal ya xjul stij te ti'naile.

San Lucas 12:36 ပူးပေါင်းရင်းမြစ်များ

Génesis 49:18

Yacon ta smahliyel te coltayel awu'un, Jehová.

Isaías 64:4

Mayuc mach'a la ya'iy, mayuc banti a'iybil soc mayuc banti ilbil yan Dios te bin ut'il ha'at, te ya scoltay te mach'atic ya xmahliyot yu'une.

San Lucas 12:35

Chapaluquex me soc tsunuluc me ac'ahq'uic;

San Lucas 12:37

Bayel me yutsil te a'batetic te wiq'uil sitic ta mahlab a ya xhulic ta tahel yu'un te yajwalique. Jamal ya calbeyex, ya me schahpan sba soc ya me x'ac'otic ta we'el ta mesa yu'un te yajwalic, soc ya me xtal yac' sba ta a'batinel yu'unic.

Apocalipsis 19:7

Bayeluc me yutsil co'tantic, tse'eluc me co'tanic soc ac'a calbetic yutsil sc'oblal, como c'ohtix yorahil te ya xnuhpun te Jcolel Tuminchij, soc la schahpanix sba te mach'a ya xnuhpun soque.

Apocalipsis 3:20

Ilawil, teq'uelon ta ti'nahil, yacon ta c'op; teme ay mach'a ya ya'iybon jc'op soc ya sjambon te ti'nahil, ya x'ochon, ya joquin ta we'el soc ya sjoquinon ta we'el.