San Lucas 12:32 - Bible in Tzeltal Bachajón

³² Ma me xiwex, tut jtsohb tuminchijex, como te Atatic lec ya ya'iy te ya ya'beyex te cuentahinel yu'une.

Nuevo Testamento Tzeltal de Amatenango

³² “Ma me xiꞌanik, karneraetik kuꞌun, jaꞌex te ma bayalukexe. Te Jtatike ben jun yoꞌtan ya yakꞌex teꞌa te ba ya xmantaleje.

Bible in Tzeltal de Oxchuc y Tenejapa

³² “Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.

San Lucas 12:32 ပူးပေါင်းရင်းမြစ်များ

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Jeremías 3:19

Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

San Mateo 14:27

Pero ora c'oponotic yu'un te Jesús: ¡Muc'ubenuc me q'uinal xawa'iyic! Ho'on me, ma me xiwex, xchi sc'oblalic.

San Mateo 20:16

Ha yu'un ha slajibal ya xc'ohtic te mach'atic nahil talic, soc ha nahil ya xc'ohtic te mach'atic patil talique. Como tsobol mach'atic ic'bilic, pero mayuc tsobol te tsahbilique, xchi te Jesús.

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

San Mateo 7:15

Tsahtaya me abahic ta stojol te lotil jalwanejetic te sc'u'inejic snuhculel tuminchijetic, pero ta yutil ha ti'awal chojetic.

San Lucas 10:21

Ta hich ora bayel yutsil yo'tan Jesús ta scuenta te Espíritu, hich la yal: Ya calbat awutsilal, Jtat, te Yajwalat ch'ulchan bahlumilal, como te bintic ay ini anac'oj ta stojol te mach'atic ay sp'ijilic soc te mach'atic ay bin ya sna'ic, ha la awa'be sna'ic te alaletique. Hich, Jtat, como hich la sc'an awo'tan.

San Juan 18:36

La yal te Jesús: Te banti ay te cuentahinel cu'un, ma ha'uc li' ta bahlumilali. Te li'uc ay ta bahlumilal te cuentahinel cu'une, te a'batetic cu'un ya spasic guerra scuenta yu'un ma ba ya x'ochon ta c'abal yu'un te judíohetic te hichuque. Pero ma li'uc ay te cuentahinel cu'une, xchi.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Hechos 20:29

yu'un jna'oj te c'alal ya xloc'on bahel ya me x'och tal ta awohlilic ti'awal chojetic te ya slajin te tuminchijetique.

Romanos 6:23

Como te stojol te mulil, ha te lajele, yan te mahtanil yu'un Dios, ha te cuxlejal sbahtel q'uinal ta scuenta te Cajwaltic Cristo Jesús.

1 Corintios 1:21

Ta scuenta sp'ijil yo'tan Dios, ma ba la sna'be sba Dios ta scuenta sp'ijil mach'atic ayic ta bahlumilal; lec la ya'iy Dios te ya yac' coluc te mach'atic ya sch'uhunic ta scuenta yalel sc'op Dios te cuybil ta howil c'ope.

Filipenses 2:13

como ha nix te Dios te ya x'a'tej ta awo'tanic, te ya yac' te yac ac'anic soc te yac apasic te bin lec ya sc'an yo'tan stuquel.

2 Tesalonicenses 1:11

Ha scuentahil te spisil ora ya jc'opombeyexcotic Dios te ha'uc lec yo'tan awu'unic yu'un te la yiq'uex, soc ta scuenta yu'el te ts'acaluc ya sc'ohtes ta pasel spisil te bintic lec chapal awu'unic soc spisil te awa'telic yac apasic ta scuenta sch'uhunel awo'tanic.

2 Tesalonicenses 1:5

Ha ini ya yac' ta ilel te stojil chahpanel yu'un te Dios, te ha stojil te ya x'ochex ta cuentahinel yu'un Dios, te ha nix yac ta c'axel awocolic yu'une.

Hebreos 12:28

Te cuentahinel yu'un Dios te yac quich'beltic ma xhu' ta niquel, ha yu'un ac'a me caltic wocol yu'un, soc ac'a cac' jbahtic ta a'batinel ta stojol Dios soc xiwel soc yich'el ta muc', hich te bin ut'il lec yo'tan yu'une.

Santiago 2:5

Quermanotac te c'uxex ta co'tan, a'iya me awa'iyic: ¿Ma bal ha'uc tsahbil yu'un Dios te pobrehetic ta bahlumilal te ha' c'uhlejetic ta scuenta sch'uhunel yo'tanic soc ya x'a'bot yich'ic te cuentahinel yu'un Dios te yaloj te ya yich'ic te mach'a c'ux ta yo'tanic te Diose?

2 Pedro 1:11

Hich me muc' ya xjambotex ochel sbehlal ta banti ay te cuentahinel sbahtel q'uinal yu'un te Cajwaltic Jesucristo, te Jcoltaywanej cu'untique.

Apocalipsis 1:6

soc te la yac'otic ta ajwalil soc ta sacerdotehil ta stojol Dios te State. Hichuc.

Apocalipsis 22:5

Mayuquix ahc'abal; ma xtuhun yu'unic tsumbil c'ahc' o te sc'ahc'alel te c'ahc'al, como te Cajwaltic Dios ya me sacubtes q'uinal ta stojolic, soc ya me ya'iyic cuentahinwanej ta sbahtel q'uinal.