San Lucas 12:20 - Bible in Tzeltal Bachajón

²⁰ Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

Nuevo Testamento Tzeltal de Amatenango

²⁰ Pero albot yuꞌun te Diose: “Ma xꞌanaꞌ kꞌinal. Mismo ajkꞌubal to ya me xchamat. Spisil te tut kꞌejbil awuꞌune, ¿machꞌa me ya yichꞌbeyat jilel?” xchi te Diose.

Bible in Tzeltal de Oxchuc y Tenejapa

²⁰ Jich albot yu'un te Diose: “Winic, ma x'ana' q'uinal. Ja' in ajc'ubal to ya me jc'anbat ach'ulel. Spisil te bila q'uejbil awu'une, ¿mach'a me ya yich'bat jilel?”, xi' te Diose.

San Lucas 12:20 ပူးပေါင်းရင်းမြစ်များ

Ester 5:11

la yalbe ya'iyic sc'oblal te yutsil sc'ulejal, te bayel ta tuhl te snich'nab, soc spisil te bin ut'il tohytesbot sc'oblal yu'un te ajwalil, soc bin ut'il c'ax hich ac'ot ta ich'el ta muc' a yu'un te príncipaletic soc te a'batetic yu'un te ajwalil.

Job 27:8

¿Binti xan ya smahliy te mach'a chopol yo'tan, te c'alal Dios ya slajimbe scuxlejal?

Salmos 39:6

Melel te ants-winiquetic hich ayic te bin ut'il axinal te ya xc'ax bahel; tojol ya yac' swocolic ta tulan a'tel, ya stsob sc'ulejalic, pero ma na'biluc mach'a ya yich' hilel.

Salmos 49:10

Como chican ta ilel te ya xchamic te mach'atic p'ijic; te pajal ya xlajic soc te sonso soc te mach'a ma sna' q'uinal, soc yan mach'atic ya yich'ic te sc'ulejalique.

Salmos 73:19

¡Ora nax lajemic bahel, lajic bahel yu'un te xiwele!

Salmos 78:30

Pero ma ba c'ax yo'tanic a te bin la sc'anic, ay to ta yehic a te swe'elic,

Proverbios 10:2

Te c'ulejalil te ma stojiluc tabile, mayuc bin ya xtuhun a, yan te bin stojil ta pasel ya x'ac'awan ta libre yu'un lajel.

Proverbios 11:4

Ma xtuhun te c'ulejalil ta yorahil ilimba, pero te bin stojil ta pasel ya x'ac'awan ta libre yu'un te lajele.

Proverbios 13:7

Ay mach'atic ya scuy sbahic ta jc'ulejetic, pero mayuc bin ay yu'unic; ay yantic ya scuy sbahic ta pobre, pero bayel sc'ulejalic.

Proverbios 27:1

Ma me xatoy aba ta scuenta pajel, como ma xana' te bin ya xc'oht ta pasel te pajele.

Proverbios 28:8

Te mach'a ya stsob sc'ulejal ta scuenta sc'ambeyel bayel sjol te staq'uine, ha ya stsob yu'un te mach'a ya sna'be yo'bolil sba te pobrehetique.

Isaías 56:12

Hich ya yalic: Conic, ya cuch'tic vino, ya xyacubotic yu'un tulan uch'balil. Hich nix ya jpastic pajel, o c'ax lec to xan a, xchihic.

Jeremías 17:11

Te mach'a ma stojiluc ya sta sc'ulejal, hich c'ohem te bin ut'il wanculul te yan tomut ya sluts'. Ta yohlil te scuxlejal ya x'ihquitayot yu'un, soc ta slajibal ha sonso ya xc'oht.

Amós 6:13

Ha'ex, te tojol nax tse'el awo'tanic, hich yac awalic: ¿Ma bal lajuc jtahtic cu'eltic ta scuenta te quiptique? xchihex.

Nahúm 1:10

Hich ya xc'ohtic te bin ut'il ch'ixetic te sts'otoj sbahic, soc ts'ajal ta syacubelic, ya xlajic ta c'ahc' hich te bin ut'il taquin ha'mal.

San Lucas 11:40

¡Ma xana'ic q'uinal! te mach'a la spasbe te spat, ¿ma bal ha'uc nix la spasbe te yutile?

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

1 Timoteo 6:7

como mayuc bin quich'ojtic tal te c'alal ayinotic li' ta bahlumilal, soc mayuc bin ya xhu' ya quich'tic bahel.

Santiago 4:14

Ma xana'ic bin ya xc'oht ta pasel pajel. ¿Bin a te acuxlejale? Ha sahb lum te jts'ihn nax ya xchicnaj, patil ya xch'ay bahel.