San Lucas 12:19 - Bible in Tzeltal Bachajón

¹⁹ soc hich ya calbe te jch'uhlel: Jch'uhlel, bayelix bin q'uejbil te ya xtuhun awu'un bayel ha'bil; we'an, uch'an, tse'eluc me awo'tan, xchi.

Nuevo Testamento Tzeltal de Amatenango

¹⁹ Y ya me kalbe te jchꞌulele: ‘Jchꞌulel, bayalix te tut kꞌejel awuꞌune, yuꞌun ya xtuun awuꞌun bayal jaꞌbil. Ya jkux koꞌtantik. Weꞌukotik, uchꞌaukotik. Ben junuk koꞌtantik yuꞌun’”, xchi ta yoꞌtan.

Bible in Tzeltal de Oxchuc y Tenejapa

¹⁹ Ya me calbey te jch'ulele: ‘Jch'ulel, bayalix te jbiluctic te ya xtuun cu'untic bayal ja'wile. Ja' lec quich'tic lewa. We'ucotic, uch'ajucotic, bujts'najuc co'tantic yu'un”, xi' ta yo'tan.

San Lucas 12:19 ပူးပေါင်းရင်းမြစ်များ

Job 14:1

Te winic te ayintesbil yu'un ants com nax te scuxlejal soc nojel ta wocol.

Salmos 49:18

Te c'alal cuxul to, aunque ya yalbe sba lec sc'oblal, soc ya xhalot lec sc'oblal yu'un te ay bin ay yu'une,

Salmos 62:10

Ma me smuc'ulin awo'tanic te uts'inwanej, ma me xatoy abahic yu'un te bintic elc'ambilique. Teme ya xp'ohl c'ulejalil, ma xawac' awo'tanic tey a.

Proverbios 10:2

Te c'ulejalil te ma stojiluc tabile, mayuc bin ya xtuhun a, yan te bin stojil ta pasel ya x'ac'awan ta libre yu'un lajel.

Proverbios 14:24

Te mach'a p'ij yo'tan, ha scorona te sc'ulejal; ha sonso te sonsohil te mach'a ma sna' q'uinal.

Proverbios 18:11

Te sc'ulejal te jc'ulej ha pueblo yu'un c'ohem te joytaybil ta ts'ahc; hich c'ohem ta yo'tan te ha toyol sts'ahc te ya xcanantayot yu'une.

Proverbios 23:5

Teme yac awac' asit ta stojol te c'ulejalil, ya xan awil, mayuquix a. Ya xloc' xic' hich te bin ut'il jxic, ya xwihl bahel c'alal ta ch'ulchan.

Proverbios 27:1

Ma me xatoy aba ta scuenta pajel, como ma xana' te bin ya xc'oht ta pasel te pajele.

Eclesiastés 11:9

Jcolel al-nich'anat, tse'eluc awo'tan ta yorahil te jcolel al-nich'anate, soc ac'a smulan awo'tan te yorahil te awach'ix-queremil. Pasa te bin ya smulan awo'tan soc te bintic yac awil ta asit, pero na'a me te Dios ya spasbat cuenta spisil ini.

Eclesiastés 2:24

Mayuc bin yan xan lec ya spas te winic, ha nax te ya xwe' ya x'uch' soc te ya ya'iybe yutsil te ya'tele. Quiloj te ha nix talem ta stojol Dios ini.

Isaías 22:13

Pero ay tse'el-o'tanil soc yutsil-o'tanil, smilel wacaxetic soc tuminchijetic, swe'el ti'bal soc yuch'el vino, hich la awalic: ¡We' uch'ucotic, yu'un pajel ya xchamotic! xchihex.

Isaías 5:11

¡Ay me swocolic te mach'atic sab ya xhahchic yu'un ahnimal ya slehic tulan uch'balil, soc hich ya xc'ub ahc'abal yu'unic ha to ya xch'ay yo'tanic yu'un te vinohe!

Isaías 5:8

¡Ay me swocolic te mach'atic ya slehticlan nahetic yu'unic, soc ya slehticlan q'uinaletic, ha to c'alal ya yich'ic spisil! ¿Atuquelic bal ya x'ayinex ha'ex ta q'uinal?

Isaías 56:12

Hich ya yalic: Conic, ya cuch'tic vino, ya xyacubotic yu'un tulan uch'balil. Hich nix ya jpastic pajel, o c'ax lec to xan a, xchihic.

Oseas 12:8

Hich la yal te Efraín: Melel jc'ulejonix, la jtahix jc'ulejal; mayuc mach'a ya stahbon bin chopol ta jtojol, o ya stahbon mulil ta spisil te ca'tele, xchi.

Amós 6:13

Ha'ex, te tojol nax tse'el awo'tanic, hich yac awalic: ¿Ma bal lajuc jtahtic cu'eltic ta scuenta te quiptique? xchihex.

Habacuc 1:16

Ha yu'un ya ya'be milbil mahtaniletic te stsacojibal soc ya schic'be pom te jtsaco-chay, como ha ta scuentahic te bayel bintic ay yu'un, soc buhts'an te swe'ele.

San Lucas 12:18

Ha yu'un la yal: Hich me ya jpas: ya jin te yawil cawal-ts'unub, ya jpas yan te c'ax hich smuc'ul a, tey ya jq'uejticlan spisil a te cawal-ts'unub soc te bintic ay cu'une;

San Lucas 16:19

Ay jtuhl jc'uhlej winic te ya slap chi'in yaxal pac' soc fino-pac', soc jujun c'ahc'al ya spas q'uin.

San Lucas 21:34

Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,

1 Corintios 15:32

Teme ta scuenta ch'ich'-baq'uet la jtsal jba soc ti'awal chambahlametic ta Éfeso, ¿bin ya jta a? Teme ma ba ya xcha'cuxajic te mach'atic chamenic: Ochucotic ta we'el uch'el, como pajel ya xchamotic, xchi ta halel.

Filipenses 3:19

Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal.

1 Timoteo 5:6

Yan te ants te ya yac' sba ta spasel te bin mulantic sba, cuxul pero chamenix c'ohem.

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

2 Timoteo 3:4

j'ac'awetic ta c'abal, ma sna'ic stsahtayel sbahic, stuquel nax muc' ya scuy sbahic, c'ax hich c'ux ta yo'tanic a te bintic ay ta ac'oltayel ta bahlumilal te bin ut'il c'ux ta yo'tanic te Diose,

Santiago 5:5

Lec cuxulex li' ta bahlumilal soc la apasic te bintic la smulan awo'tanic. La ajuhp'tes abahic yu'un te sc'ahc'alel miltamba.

1 Pedro 4:3

Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

Apocalipsis 18:7

Te hich yipal te la stoy sba soc te la sta te bintic la smulan, hich nix yipal a'beyahic sc'uxul soc smel-o'tan, como hich ya yal ta yo'tan: ¡Ho'on hich huculon te bin ut'il ajwalil-ants, ma ba me'ba' antson, soc mayuc bin ora ya coq'uetay jba! xchi.

1 Samuel 30:16

Hich la yic' bahel te David. Te amalequetic spucoj sbahic ta q'uinal a, yacalic ta we'el uch'el soc ta pas-q'uin yu'un te bintic la spojic tal ta sq'uinal filisteohetic soc ta sq'uinal Judá.