San Lucas 12:13 - Bible in Tzeltal Bachajón

¹³ Te Jesús hich halbot yu'un jtuhl te mach'atic stsoboj sbahic: Maestro, halbeya te quermano te ac'a ya'bon j'ohliluc te bintic a'bibil hilel yu'un te jtate, xchi.

Nuevo Testamento Tzeltal de Amatenango

¹³ Ay jtul winik ta yolil te genteetike la yalbe te Jesuse: —Maestro, albeya te jbankile te yauk yaꞌbon oliluk euk te tut yakꞌojbon sok jilel te jtate —xchi.

Bible in Tzeltal de Oxchuc y Tenejapa

¹³ Ay jtul winic ta yolil te ants-winiquetic, te jich la yalbey te Jesuse: —Maestro, albeya te jbanquil te ya yac'bon oliluc uuc te bila la yijq'uitaybon jilel soc te jtate —xi'.

San Lucas 12:13 ပူးပေါင်းရင်းမြစ်များ

Salmos 17:14

ta scuenta ac'ab, Jehová, ac'awon ta libre ta sc'abic, ha te winiquetic scuenta bahlumilal te ha nax yu'unic te bintic ay ta cuxlejal ini, te nojel sch'uhtic ta bintic ay awu'une. Bayel bintic ay yu'un te snich'nabic, soc ya to spas sobra yu'un te smamataque.

Ezequiel 33:31

Ya xtalic ta atojol hich te bin ut'il c'ahyemic ta spasel te ants-winiquetic, ya xhuhcajic ta atojol scuenta pueblo cu'un. Ya ya'iybat ac'op, pero ma ba ya sch'uhunic spasel; ya yalic te ya sc'anic, pero te yo'tanic ya st'unic te sbic'tal yo'tanique.

San Lucas 12:12

como te Ch'ul Espíritu ya me ya'beyex ana'ic ta mero yorahil te bin ya sc'an yac awalique, xchi.

San Lucas 12:14

Pero halbot yu'un te Jesús: Winic, ¿mach'a la ya'bon ca'tel ta juez o te ay bin ya jpucbeyex? xchi.

San Lucas 6:45

Te winic te lec yo'tan, ya sloq'ues tal te bin lec ay ta yo'tan. Yan te winic te ma lecuc yo'tan, ya sloq'ues tal te bin ma lecuc ay ta yo'tan, como ya xloc' tal ta ye te bin nojel ta yo'tane.

1 Timoteo 6:5

soc te tulan ya stsac sbahic ta c'op te mach'atic chopol spensaric, te ma sna'ic bin ut'il ay te smelelil c'op, te ha ya spasic ganar a te bin stojil ay ta ch'uhunel te Diose.