San Lucas 12:1 - Bible in Tzeltal Bachajón

¹ Ha yorahil a, la stsob sbahic tal bayel ta mil ants-winiquetic, jc'axel la sten sbahic. Te Jesús hich hahch yalbe te jnopojeletic yu'une: Tsahtaya me abahic yu'un te levadura yu'un te fariseohetic, ha te chebal-o'tanil,

Nuevo Testamento Tzeltal de Amatenango

¹ Jich ora a stsob sbaik tal bayal genteetik te ba ay te Jesuse. Stenten sbaik tal ta stojol. Jich te Jesuse lijk yalbe primero te jnopojeletik yuꞌune: —Ila me abaik sok te levadura yuꞌun te fariseoetike, jaꞌ bi, jaꞌ te tutꞌil ma tsaꞌamuk yoꞌtanike.

Bible in Tzeltal de Oxchuc y Tenejapa

¹ Jich ora la stsob sbaic tel ta stojol Jesús bayal ta jmil ants-winiquetic, stenten nax sbaic ta stojol. Jich te Jesuse, neel la yalbey te jnopojeletic yu'une: —Tsajtaya me abaic ta swenta te levadura yu'un te fariseoetique, ja' bi, ja' te bit'il cha'lam te yo'tanique.

San Lucas 12:1 ပူးပေါင်းရင်းမြစ်များ

2 Reyes 7:17

Te ajwalil la yac' ta yochibal te pueblo te príncipal te ya yich' yip sc'ab a, pero ts'o'ot ta teq'uel yu'un te ants-winiquetic ta yochibal, hich laj, hich te bin ut'il yaloj te winic yu'un Dios te c'alal co tal te ajwalil ta stojol.

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

Job 27:8

¿Binti xan ya smahliy te mach'a chopol yo'tan, te c'alal Dios ya slajimbe scuxlejal?

Job 36:13

Te mach'atic chopol yo'tanic ya stsob yilimbahic, soc ma x'awonic ta sc'anel coltayel te c'alal chuculic yu'un.

Isaías 33:14

Te jmulawiletic ta Sión ya xiwic, ya xnihquic te mach'atic ma tojuc yo'tanic, hich ya yalic: ¿Mach'ahotic a te ya xhu' ya xnahinotic soc te c'ahc' te ya xlajinwan? ¿Mach'ahotic a te ya xhu' ya xnahinotic soc te yat c'ahc' te sbahtel q'uinal ay? xchihic.

San Lucas 11:44

¡Ay me awocolic, escribanohetic soc fariseohetic, chebal-o'tanex! hich c'ohemex te bin ut'il muquenaletic te ma chicanuc ta ilel, te ma ba ya sna'ic te ha muquenal te mach'atic ya xbehenic ta sba, xchi sc'oblalic.

San Lucas 12:56

¡Jchebal-o'tanex! Yac ana'ic stsahtayel bin yilel te ch'ulchan soc te bahlumilal, ¿bin ut'il ay a te ma xana'ic stsahtayel te bin yaquix ta c'ohel ta pasel ta ora ini?

San Lucas 5:1

Jun buelta ay ta ti'mar Genesaret a te Jesús, c'oht ta humtayel yu'un ipal ants-winiquetic yu'un ya ya'iyic te sc'op Diose.

San Lucas 5:15

Pero puhc xan ta halel te sc'oblale; tsobol mach'atic talic yu'un ya ya'iybeyic sc'op soc yu'un ya xlecubtesotic ta chamel yu'un.

San Lucas 6:17

Te Jesús cohic tal soc, c'oht ta jun spamlej, joquimbil yu'un te jnopojeletic yu'un soc bayel winiquetic te talemic ta spahmal sq'uinal Judea, ta Jerusalén, ta ti'ti'mar yu'un Tiro soc Sidón, te talemic ta ya'iybeyel sc'op soc ta yac'bel sbahic ta lecubtesel yu'un schamelic;

Hechos 21:20

C'alal la ya'iyic, la yalbeyic bayel wocol Dios yu'un, soc la yalbeyic te Pablo: Hermano, awilojix te ay tsobol ta mil te judíohetic te sch'uhunejiquix, spisilic tulan sc'oblal ta yo'tanic te Ley.

1 Corintios 15:3

Ta shahchibal la jca'beyex anopic te bin a'boton: Ha te laj Cristo ta scuenta jmultic, hich te bin ut'il ts'ihbabil ta Shun Dios;

Hebreos 12:22

Pero te ha'exe nohpojemex bahel ta wits Sión, ta muc'ul pueblo yu'un te cuxul Dios, ha te Jerusalén scuenta ch'ulchan, ta stojol tsobol ta mil ch'ul a'batetic,

Santiago 3:17

Yan te p'ijil-o'tanil te ya xtal ta toyol, mayuc bin capal tey a, lamal yo'tan, manso yo'tan, bayel ya sna' yo'bolil jbahtic soc lec te sit ya yac', ma tsahbiluc nax mach'a ay ta yo'tan, soc ma jchebal-o'tanuc.

1 Pedro 2:1

Ha yu'un jc'axel me ac'a hiluc awu'unic spisil bintic chopol, lo'loyel, chebal-o'tanil, ti'ti'o'tantaywanej, soc spisil lehaw ta c'op.