San Lucas 11:31 - Bible in Tzeltal Bachajón

³¹ Te ajwalil-ants yu'un Sur ya me xhahch ta yorahil ich'el ta c'op soc ya me yalbe smul te jcaj ts'umbalil ini; como hahch tal ta sti'il bahlumilal ta ya'iybeyel sp'ijil-c'op Salomón, pero ay mach'a li' ay te c'ax hich sc'oblal a te bin ut'il Salomón.

Nuevo Testamento Tzeltal de Amatenango

³¹ Te tut kꞌaalil te ya xꞌilbot tut yilel yaꞌtelik te genteetik te kuxulik te ora to, teꞌ me ay ekꞌa te ants te ay ta reyil ta nasion ta stojil sur. Jaꞌ me ya xꞌalbot smulik yuꞌun. Porke te antse lom jakal a tal ta yaꞌibeyel sluwar spꞌijil skꞌop te Salomone. Yan te ora to liꞌ ay te machꞌa mukꞌ yuꞌun te Salomone.

Bible in Tzeltal de Oxchuc y Tenejapa

³¹ Te c'alal ya sta yorail te ya x'ilbot bi yilel yat'elic te jayeb ants-winiquetic te cuxulic ta q'uinal ta ora to, tey me ay a te antsil-ajwalil te ay ta stojol sur. Ya me stejc'an sba ta yalbeyel smulic c'oem, te melel c'ubul tal yaiybey stojol sp'ijil sc'op te Salomone. Yan te mach'a li' ay to, ja' cajal yu'un te Salomone.

San Lucas 11:31 ပူးပေါင်းရင်းမြစ်များ

2 Crónicas 9:1

Te ajwalil-ants yu'un Sabá, c'alal la ya'iybe yutsil sc'oblal ta halel te Salomón, tal ta Jerusalén soc tsobol mach'atic joquimbilic yu'un, soc camellohetic te scuchojic tal bintic sumet yic', bayel oro soc t'ujbil tonetic, yu'un ya stsaj ta sjoc'obeyel chuhcul c'opetic te Salomón. C'alal c'oht ta stojol Salomón la sjoc'obe spisil bintic ay ta yo'tan.

Isaías 54:17

Mayuc a'tejibal yu'un guerra te ya xhu' ya stsalat, soc ya xhu' awu'un scomel te mach'a ya slehat ta c'op. Ha ini te bin ya yich'ic te a'batetic yu'un Jehová, ha ini te tsalaw te ya c'abe, xchi te Jehová.

Jeremías 3:11

Hich la yalbon te Jehová: Te toyba Israel ha toj xan c'ohem te bin ut'il Judá te ma junuc yo'tan ta jtojol.

San Mateo 12:42

Te ajwalil-ants ta stojol Sur pajal me ya stehc'an sba ta yorahil ich'el ta c'op soc te jcaj ts'umbalil ini, ya xhalbot smulic yu'un, como c'alal ta sti'il bahlumilal hahch tal ya'iybe sp'ijil-c'op te Salomón, pero ha toyol yu'un Salomón te mach'a li' aye.

San Lucas 3:22

co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

San Lucas 9:35

Ay mach'a c'opoj ta tocal, hich la yal: Ha Jnich'an ini te bayel c'ux ta co'tan; a'iya me awa'iyic te sc'ope, xchi.

Romanos 2:27

Te mach'a ma ba yich'oj circuncisión ta sbaq'uetal, pero sch'uhunej spasel te Ley, ya me yalbat amul, aunque ha'at awich'oj te Ley te ts'ihbabil soc te circuncisión, yac ac'axuntay te Ley.

Hebreos 11:7

Ta scuenta sch'uhunel yo'tan te Noé, c'alal halbot yu'un Dios sc'oblal bintic ma to chicanuc ta ilel, jun yo'tan la spas te barco te banti col soc te mach'atic ay yu'une. Ta scuenta sch'uhunel yo'tan la yalbe smul te bahlumilal soc a'bot yich' te stojil-o'tanil te ya xtal ta scuenta sch'uhunel-o'tanil.