San Lucas 11:24 - Bible in Tzeltal Bachajón

²⁴ Teme ya xloc' ta yo'tan jtuhl winic te bohl espíritu, ya xbaht ta taquin q'uinal ta slehel banti ya scux yo'tan; pero teme ma ba ya sta, hich ya yal: Ya suhton xan bahel ta jna te banti loq'uemon tale, xchi.

Nuevo Testamento Tzeltal de Amatenango

²⁴ Kꞌalal ya xlokꞌ ta yoꞌtan gente te pukuje, ya xbeen ta takin kꞌinal, ya sle ba ya xkux yoꞌtan, pero ma sta. Jich ya xlijk snop: “Ya me sujton bael ta jna te ba lokꞌemon tale”, xchi.

Bible in Tzeltal de Oxchuc y Tenejapa

²⁴ “C'alal ya xloc' ta yo'tan ants-winic te pucuje, ya xbeen ta taquin q'uinaletic, yu'un ya sle te banti ya yich' lewae, ja'uc me to, ma sta. Jich ya xjajch' yal: “Ya me sujt'on bael ta jna te banti loq'uemon tele”, xi'.

San Lucas 11:24 ပူးပေါင်းရင်းမြစ်များ

Job 1:7

Hich joc'obot yu'un Jehová te Satanás: ¿Banti talat? xchi sc'oblal. Te Satanás la sjac'be te Jehová: Ayon ta behel ta yocliyel swohlol te bahlumilale, xchi.

Job 2:2

Hich joc'obot yu'un Jehová te Satanás: ¿Banti talat? xchi sc'oblal. Te Satanás la sjac'be te Jehová: Ayon ta behel ta yocliyel swohlol te bahlumilal, xchi.

Salmos 63:1

¡Dios cu'un, ha'at Diosat cu'un, soc spisil co'tan ya jlehat! Mero taquin co'tan ta atojol, hich ya sc'anat te jbaq'uetal te bin ut'il taquin q'uinal te banti mayuc ya'lel.

Proverbios 4:16

Como ma xwayic ha to teme la spasic te bin chopole; ma ba ya xtal swayelic teme mayuc mach'a la syahltesic.

Isaías 35:7

Te taquin lum ya sutp'ij ta yawil ha', te q'uinal te mayuc ya'lel ya sutp'ij ta sloq'uib-ha'etic. Ta banti nahinemic ha'mal ts'i'etic, ya xcol jalaletic soc tuhtetic.

Isaías 44:3

Yu'un ya jmal ha' ta taquin q'uinal, be-ha'etic ta taquin lum. Ya jmal te espíritu cu'un ta stojol awal-anich'nab, te bendición cu'un ta stojol ats'umbal;

Isaías 48:22

Mayuc lamal q'uinal ya ya'iyic te mach'atic chopolic, xchi te Jehová.

San Marcos 5:10

Soc x'ajwalc'opojic te manchuc ya xticonotic loq'uel ta yan lugar.

San Marcos 9:25

C'alal Jesús la yil te stenten sbahic ta talel te ants-winiquetic, la yut te bohl espíritu, hich la yal: Uma' soc cohc espíritu, ya jpasat ta mandar, loc'an ta yo'tan, ma me x'ochatix tey a, la yut.

San Lucas 11:25

C'alal ya xc'oht tey a, buen mesbil soc chahpambil ya xc'oht sta.

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.