San Lucas 11:22 - Bible in Tzeltal Bachajón

²² Pero c'alal ya xtal yan te c'ax hich yip a soc te ha ya stsal, ya yich'be spisil ya'tejib te smuc'ulinej yo'tan, soc ya spucbe te sbiluque.

Nuevo Testamento Tzeltal de Amatenango

²² Pero teme tal jtul xan winik te mas to kꞌajkꞌe, ya me stsalot yuꞌun, sok ya me xpojbot bael te tut yichꞌoj te jaꞌ yipinej yoꞌtane. Jich me ya xꞌichꞌbot bael te stutik yuꞌune.

Bible in Tzeltal de Oxchuc y Tenejapa

²² Yan teme ya xtal yan winic te c'ax jich yip te bit'il te c'ajc'al winique, jich me ya xlaj ta tsalel soc ya me xbajt' ta pojel spisil yat'ejib te scanantayej sba a, soc jich ya x'ich'bot bael te sbiluque.

San Lucas 11:22 ပူးပေါင်းရင်းမြစ်များ

Génesis 3:15

Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

Éxodo 15:9

Te jcontrahinwanej hich la yal: Ya jnuts bahel, ya jtsac; ya jpuc bahel te bintic pojbil, tic' ya xc'ax co'tan a. Ya jloq'ues te espada cu'un, ya jlajinlan ta jc'ab, xchi.

Isaías 27:1

Ta hich ora te Jehová ya me ya'be castigo ta espada yu'un te ha muc' soc te ay yip, ya me ya'be castigo te Leviatán, te chan te ya x'ahn bahel, te Leviatán, te chan te xotoj sba, ya me smil te dragón te ay ta mar.

Isaías 53:12

Ha yu'un ya cac' te ya sjoquin te mach'atic ich'bilic ta muc', soc pajal ya spucticlan bintic pojbil soc te mach'atic ay yipic, como ha la yac' scuxlejal ta lajel, soc ahtaybil c'oht soc te jmulawiletic, como la scuchbe smul tsobolic, soc c'opoj yu'un te jc'axun-mandaretique.

San Lucas 11:21

Te jtuhl winic te ay yip soc chapal ta ya'tejib, c'alal ya scanantay sna ma xbaht ta elc'anel te sbiluque.

San Lucas 11:23

Te mach'a ma ba jun yo'tan ta jtojol, ha scontrahinejon abi; soc te mach'a ma ba ya sjoquinon ta stsobel, ha yac ta spuquel.

Efesios 6:11

Lapahic spisil te mahquilal yu'un Dios scuenta yu'un ay yip awo'tanic te hich ma ba ya stsalat a te lo'loyel yu'un te pucuje.

Efesios 6:13

Ha yu'un ich'ahic spisil te a'tejibaletic yu'un Dios, scuenta yu'un hich ya xcuhch awu'unic ta yorahil a te bin chopol, soc teme hu' awu'unic spisil, hich jun awo'tanic c'alal slajibal.

Colosenses 2:15

La spojbe yu'el te principaletic soc te mach'atic ay ya'telic, la yac'ticlan ta ilel ta comonsitil c'alal la stsalticlan ta cruz.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.

1 Juan 4:4

Cal-jnich'nab, yu'unex Dios te ha'exe soc atsalojiquix te lotil jalwanejetic, como te Mach'a ay ta awo'tanic c'ax hich yu'el a te bin ut'il te mach'a ay ta bahlumilal.