San Lucas 11:1 - Bible in Tzeltal Bachajón

¹ Ay jun buelta yac ta sc'oponel Dios te Jesús ta jun lugar. C'alal laj yo'tan, hich halbot yu'un jtuhl jnopojel yu'un: Cajwal, ac'a jnopcotic sc'oponel Dios hich te bin ut'il te Juan la snohptes ta sc'oponel Dios te jnopojeletic yu'une, xchi.

Nuevo Testamento Tzeltal de Amatenango

¹ Ay jun buelta yipal ta skꞌoponel Dios te Jesuse ta jun luwar, kꞌalal laj yoꞌtane albot yuꞌun jtul jnopojel: —Kajwal, nojpesaotik ta skꞌoponel Dios euk, jich tutꞌil te Juane la snojpes te jnopojeletik yuꞌune —xchi.

Bible in Tzeltal de Oxchuc y Tenejapa

¹ Ay jun buelta te c'alal laj yo'tan ta sc'oponel Dios te Jesuse, ay jtul jnopojel te jich la yal: —Cajwal, p'ijubtesawotic ta sc'oponel Dios uuc jich bit'il te Juan la sp'ijubtes te jnopojeletic yu'une —xi'.

San Lucas 11:1 ပူးပေါင်းရင်းမြစ်များ

Salmos 10:17

Jehová, yac awa'iybe bin ya sc'an yo'tanic te mach'atic peq'uelic, ha'at yac awa'be yip yo'tanic soc yac awa'iybe te sc'opique.

Salmos 19:14

Lecuc me yac awa'iy te c'opetic ya xloc' ta que soc te bintic ya jnopilan ta co'tan, Jehová, muc'ul tonat soc jcoltaywanejat cu'un.

San Lucas 10:42

Pero junax te bin ya sc'an spasel, te María ha stsahoj te banti bayel sc'oblal, ma ba ya yich' pojbeyel, xchi.

San Lucas 11:2

Hich halbotic yu'un te Jesús: Te c'alal yac ac'oponic te Diose, hich me xawalic: Jtatic te ayat ta ch'ulchan, ac'a ich'ec ta muc' ach'ul bihil. Ac'a taluc te cuentahinel awu'un. Ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.

San Lucas 6:12

Ta hich ora baht ta wits ta sc'oponel Dios te Jesús, sjunal ahc'abal la sc'opon Dios tey a.

San Lucas 7:13

Te Cajwaltic, c'alal la yil te antse, sts'ujet ta yo'tan la ya'iy, hich la yalbe: Ma x'oc'at, xchi.

San Lucas 7:19

la sticon bahel ta banti ay te Jesús yu'un ya sjoc'obeyic: ¿Ha'at bal te mach'a talel yac, o ya to bal jmahliycotic yan? xchi.

San Lucas 9:18

C'alal q'uejel bahem ta sc'oponel Dios a te Jesús, sjoc tey a te jnopojeletic yu'un, hich la sjoc'obe: ¿Mach'a ya scuyonic a te ants-winiquetique? xchi.

San Lucas 9:28

Swaxaquebal c'ahc'al yalbel a te Jesús, la yic' bahel sjoquin te Pedro, Juan soc Jacobo, mo bahel ta wits ta sc'oponel Dios.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

Judas 1:20

Yan te ha'ex te c'uxex ta co'tan, ac'a yipin awo'tanic te sch'uhunel awo'tanic te mero ch'ultesbil; c'oponahic Dios ta scuenta te Ch'ul Espíritu,