San Lucas 10:42 - Bible in Tzeltal Bachajón

⁴² Pero junax te bin ya sc'an spasel, te María ha stsahoj te banti bayel sc'oblal, ma ba ya yich' pojbeyel, xchi.

Nuevo Testamento Tzeltal de Amatenango

⁴² Pero jun nax te tut puersa ya skꞌane. Te xMariae la stꞌujix te tut a te leke. Maꞌyuk machꞌa ya xjuꞌ ya xpojbot yuꞌun —xchi.

Bible in Tzeltal de Oxchuc y Tenejapa

⁴² Jun nax te bila ya sc'ane. Yan te María, la stsa stuquel te bila leque. Ma'yuc mach'a ya xpojbot yu'un jtuluc —xi'.

San Lucas 10:42 ပူးပေါင်းရင်းမြစ်များ

Salmos 119:111

Te testigo-c'op awu'un ha te bin a'boton quich' scuenta sbahtel q'uinal; ha ya stse'ejin co'tan yu'un.

Salmos 119:173

Chapaluc me ac'ab yu'un yac acoltayon, como jtahoj te mandariletic awu'une.

Salmos 119:30

Jtsahojix te sbehlal te smelelil c'op; cac'oj ta jtojol te bintic chahpambil awu'une.

Salmos 142:5

Ya cawtayat, Jehová; hich ya cal: Ha'at ahnibalat cu'un soc te bin ay cu'un ta yohlil te mach'atic cuxulic, xchihon.

Salmos 17:15

Yan te ho'one, ta scuenta stojil bin ay ta pasel ya quilbat asit; c'alal ya xwihc' jsit, tic' ya ca'iy a te ya quil bin awilel. Yu'un jach-c'ayoj. Ha salmo yu'un David, ya'bat Jehová. La yalbe te Jehová te c'ayoj ini te bin c'ahc'alil ac'ot ta libre yu'un ta sc'ab spisil te scontratac soc ta sc'ab Saúl. Hich la yal:

Salmos 27:4

Junax te bin jc'ambeyej te Jehová, te ha ya jle: ha te ya x'ayinon ta sna Jehová te jayeb c'ahc'al cuxulon, yu'un ya quilbe st'ujbilal te Jehová soc yu'un ya jle ta Templo yu'un.

Salmos 73:25

¿Mach'a yan ay cu'un ta ch'ulchan? Ha'at nax atuquel. Mayuc bin yan ya jc'an ta bahlumilal, ha'at nax atuquel.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

San Marcos 8:36

Como ¿bin ya sta a te mach'a ya yu'untay spisil bintic ay ta bahlumilal, teme ch'ayel ya xbaht te sch'uhlele?

San Lucas 10:39

Ay yihts'in, María sbihil, te shuhcanej sba ta ye'tal yoc te Jesús, yac ta ya'iybeyel te sc'ope.

San Lucas 11:1

Ay jun buelta yac ta sc'oponel Dios te Jesús ta jun lugar. C'alal laj yo'tan, hich halbot yu'un jtuhl jnopojel yu'un: Cajwal, ac'a jnopcotic sc'oponel Dios hich te bin ut'il te Juan la snohptes ta sc'oponel Dios te jnopojeletic yu'une, xchi.

San Lucas 12:20

Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

San Lucas 12:33

Chonahic te bintic ay awu'unic, q'uebembeyahic te pobrehetique; pasa achu'uyic te ma xpoco'ubic, ayuc me c'uhlejalil ta ch'ulchan te ma xlaj, te banti ma x'och j'elec' soc te banti ma xjoch'ob.

San Lucas 16:2

Ha yu'un la yic' tal, hich la sjoc'obe: ¿Melel bal te hich ay ta halel ac'oblal ya ca'iy? Ac'ahix cuenta te bintic ay ta acuenta scanantayel, como ma xhu' ya xhilatix ta jcanan-biluc cu'un, la yut.

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

San Lucas 18:22

C'alal hich la ya'iy te Jesús, la yalbe: Ay to jun xan ban ya spasat falta: chona spisil te bintic ay awu'un, q'uebembeya te pobrehetic, hich me ay ac'uhlejal ta ch'ulchan a; soc la', t'unawon, xchi.

San Lucas 8:18

Ha yu'un tsahtaya me abahic bin ut'il yac awa'iyic te c'ope, como spisil te mach'atic ay bin ay yu'unic, ya me x'a'botic xan, pero te mach'atic mayuc bin ay yu'unic, ya me xpojbotic te jteb te scuyoj ay yu'unique, xchi.

San Juan 11:1

Ay ta chamel jtuhl winic, Lázaro sbihil, te ay ta Betania, ha te tut pueblo yu'un te María soc Marta te swixe.

San Juan 11:19

tsobol judíohetic talem yilbelic te Marta soc te María scuenta yu'un ya smuc'ubtesbeyic q'uinal ya'iyic yu'un te cham te sbanquilique.

San Juan 12:3

Te María la yich' tal j'ohlil litro lequil perfume pasbil ta nardo, te bayel stojol, la smalbe ta yoc Jesús soc la scusbe ta stsotsel sjol. Noj ta yic' perfume te nahe.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 5:24

Tulan sc'oblal ya calbeyex, te mach'a ya ya'iybon jc'op soc ya sch'uhun te mach'a la sticonon tale, ay scuxlejal sbahtel q'uinal soc ma ba ya x'a'bot stoj smul, c'axemix yu'un te lajel, ayix scuxlejal.

San Juan 6:27

Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

1 Corintios 13:3

Teme ya jq'uebenlambe spisil jbiluc te pobrehetic, soc teme ya cac' ta chiq'uel te jbaq'uetal, pero teme mayuc sc'uxul co'tan, mayuc bin ya jta a.

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

Deuteronomio 30:19

Yo'tic ya cac' ta testigo ta atojolic te ch'ulchan soc te bahlumilal te la jca'beyex atsahic te cuxlejal soc te lajel, te bendición soc te chopol c'oblalil. Tsaha hiche te cuxlejal, scuenta yu'un ya xcuxajat soc te patil al-nich'aniletic awu'un,

Josué 24:15

Teme ma lecuc yac awa'iyic te yac awac' abahic ta a'batinel yu'un Jehová, tsaha mach'a yac awac' abahic ta a'batinel yu'un: teme ha te diosetic te la yac' sbahic ta a'batinel yu'un te ame'atatic ta jehch te muc'ul-ha', o ha te diosetic yu'un te amorreohetic te banti nahinemexix ta sq'uinalique; pero te ho'on soc te mach'atic ay cu'un ya cac' jbahcotic ta a'batinel yu'un te Jehová, xchi te Josué.

Josué 24:22

Te Josué hich la sjac'be te pueblo: Ha'ex nix testigohex te la atsahic te Jehová yu'un yac awac' abahic ta a'batinel yu'un, xchi. Ho'otcotic nix testigohotcotic, xchihic.