San Lucas 10:15 - Bible in Tzeltal Bachajón

¹⁵ Soc ha'at, Capernaum, te awich'oj tohytesel c'alal ta ch'ulchan, ya me awich' ch'ojel bahel c'alal ta stsobojibal mach'atic chamenic.

Nuevo Testamento Tzeltal de Amatenango

¹⁵ Jichex euk jtejklum Capernaum, akuyojik te aꞌbilex ta jkuenta ya xkꞌoex ta chꞌulchan. Mauk, sino ke ya me awichꞌik chꞌojel ochel kꞌalal ta yutil chꞌen.

Bible in Tzeltal de Oxchuc y Tenejapa

¹⁵ Jichat uuc lum Capernaúm te atoyoj abaic c'alal ta ch'ulchan, ja'uc me to, ya me xch'ojotat coel c'alal ta infierno.

San Lucas 10:15 ပူးပေါင်းရင်းမြစ်များ

Génesis 11:4

Patil la yalic: Conic, jpastic muc'ul pueblo soc muc'ul toyol ts'ahc te ya xc'oht c'alal ta ch'ulchan; hich muc' ya xc'oht jc'oblaltic soc hich ma ba ya xpuhcotic bahel ta sba te bahlumilal, xchihic.

Isaías 5:14

Ha yu'un muc'ub te yutil te yawil mach'atic chamenic soc ma p'isbiluc la sjam ye; tey ya xcohic bahel a te mach'atic yu'un Jerusalén te ay sc'oblalic soc te tsobolic yu'un, te mach'atic xjuyetic soc te mach'atic tse'el yo'tanic yu'un.

Jeremías 51:53

Aunque ya xmo bahel c'alal ta ch'ulchan te Babilonia soc te ya ya'be xan yip te ahnibal yu'un te ay ta toyol, ya jticon bahel jlajinwanejetic ta stojol, xchi te Jehová.

Ezequiel 26:20

Ya cac' te pajal ya xcohat bahel soc te mach'atic ya xcohic bahel ta muquenal, ha te mach'atic c'axic ta namey; ya cac' x'ayinat ta sc'ubulil te lumq'uinal, hich te bin ut'il q'uinal te nameyix jimbil, soc te mach'atic ya xcohic bayel ta muquenal, scuenta yu'un mayuquix bin ora ay mach'a ya xnahin ta awohlil. Soc ya cac' utsilal ta q'uinal yu'un mach'atic cuxulic.

Ezequiel 31:18

Te te'etic ta Edén ¿bin pajal soc amuc'ul soc awutsil? Pajal me ya xcohat bahel soc te te'etic yu'un Edén ta sc'ubulil te q'uinale; ya me xhilat ta yohlil te mach'atic ma ba yich'ojic circuncisión, te mach'atic lajic ta espada. Ha te faraón ini soc spisil te pueblo yu'une, xchi te Jehová, te Ajwalil.

Ezequiel 32:18

Snich'anat winic, c'ayojtaya c'ayoj yu'un mel-o'tan ta stojol tsobolic yu'un Egipto; ac'a cohuc bahel ta sc'ubulil te lumq'uinal soc te yal-snich'nab te nacionetic te ay yipic, te ya sjoquinic te mach'atic ya xcohic bahel ta muquenal. Hich yac awalbe:

Ezequiel 32:20

Ya me xyahlic ta yohlil te mach'atic ya xlajic ta espada; ac'otic ta stojol te espada. ¡Ic'a tal soc spisil te pueblohetic yu'une!

Ezequiel 32:27

Ma ba limilic soc te soldadohetic te yahlemic te ma ba yich'ojic circuncisión, te cohic bahel ta stsobojibal mach'atic chamenic soc ya'tejibic yu'un guerra, soc ac'otic ta ye'tal sjolic te espadahetic yu'unique. Pero te schopolilic ayic ta sba te sbaquelic, como te xiwel te la yaq'uic te soldadohetic ay ta stojol te mach'atic cuxulique.

Abdías 1:4

Aunque ya xwihlat mohel hich te bin ut'il jxic soc yac apas apechech ta yohlil te eq'uetic, tey ya jinat cohel tal a, xchi te Jehová.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

San Mateo 11:23

Soc ha'at, Capernaum, te awich'oj tohytesel c'alal ta ch'ulchan, ya me awich' ch'ojel bahel c'alal ta stsobojibal mach'atic chamenic. Te teyuc la yich' pasel ta Sodoma te jchahp a'teliletic te la yich' pasel ta atojol, cuxul c'alal ora te hichuque.

San Mateo 4:13

La yihquitay hilel te Nazaret, baht ta nahinel ta Capernaum ay ta ti'mar yu'un Galilea, te ay ta sq'uinal Zabulón soc Neftalí,

San Lucas 13:28

Tey ya xc'oht awoq'uetay abahic soc tey ya xc'oht ac'uxuxan awehic a te c'alal yac awilic te Abraham, Isaac, Jacob soc spisil te jalwanejetic te tey ayic a ta banti ay te cuentahinel yu'un Dios, yan te ha'exe, ch'aybilex loq'uel.

San Lucas 16:23

Ta stsobojibal mach'atic chamenic, te banti ay ta wocol, la shach sit, la yil namal ay te Abraham soc te ay ta sts'el te Lázaro.

Deuteronomio 1:28

¿Banti ya xbohotic? Te quermanotactic la spehc'ambotic co'tantic c'alal la yalic: Te ants-winiquetic ini ha muc' xan soc naht xan a te bin ut'il te ho'otique; ha muq'uic te pueblohetic yu'unic soc ay sts'ahculetic c'alal ta ch'ulchan; soc la jquilcotic te sts'umbal Anac, xchihex.

2 Pedro 2:4

Dios ma ba la spasbe perdón te ch'ul a'batetic te la sta smulic, la sch'ojticlan bahel ta infierno, la yac'ticlan ta chuquel ta yihc'al q'uinal te banti ya smahliyic ich'el ta c'op.