San Lucas 1:9 - Bible in Tzeltal Bachajón

⁹ ta scuenta seña ta na'el c'oht ta scuenta te Zacarías, hich bin ut'il costumbre yu'un te sacerdotehetic, te ya x'och bahel ta chiq'uel pom ta ch'ul awilal yu'un te Cajwaltique.

Nuevo Testamento Tzeltal de Amatenango

⁹ Jich tutꞌil skostumbreik te saserdoteetike, la yichꞌ tsael ta numeroetik te Zacariase te ya xꞌoch ta xchikꞌel pom ta yutil templo yuꞌun te Kajwaltike.

Bible in Tzeltal de Oxchuc y Tenejapa

⁹ Jich te bit'il ay ta spasel yu'unic la yich' tsael ta numeroetic te sacerdote te ya x'och ta xchiq'uel pom ta bay yutil templo yu'un te Cajwaltique. Ja' c'ot ta swenta Zacarías.

San Lucas 1:9 ပူးပေါင်းရင်းမြစ်များ

1 Crónicas 23:13

Te snich'nab Amram, ha te Aarón soc Moisés. Te Aarón soc te sts'umbal parte ac'otic yu'un ya yaq'uic te mero ch'ultesbil mahtaniletic, ya schiq'uic pom ta stojol Jehová, ya x'a'tejic ta stojol soc ya yaq'uic bendición ta scuenta sbihil Jehová ta spisil ora.

1 Crónicas 6:49

Pero te Aarón soc te snich'nab ay ta scuentahic yaq'uel mahtaniletic ta scajtajib ta chiq'uel mahtanil, schiq'uel pom ta scajtajib, spasel spisil te a'tel ta Mero Ch'ul Awilal, soc la spasic te stojel mulil yu'un Israel, hich te bin ut'il yaloj ta mandar te Moisés te ya'bat te Diose.

2 Crónicas 26:16

Pero te c'alal la sta yip, la stoy sba, hich la sta jinel yu'un. Ma junuc yo'tan ta stojol Jehová te Dios yu'un, ha och bahel ta templo yu'un Jehová ta schiq'uel pom ta scajtajib ta chiq'uel pom.

2 Crónicas 29:11

Cal-jnich'nab, ma me xch'ajubex, como tsahbilex yu'un Jehová yu'un ayex ta stojol soc yac awac' abahic ta a'batinel yu'un, te yac apasbe ya'tel soc te yac achic'beyic pom, xchi.

Números 16:40

scuenta shultesojibal yo'tanic te snich'nab Israel te ma me ayuc mach'a yan ya xhu' ya xnohpoj tal ta stojol Jehová ta yaq'uel pom teme ma ha'uc sts'umbal Aarón, scuenta yu'un ma ba ya xc'oht ta scuenta te bin c'oht ta scuenta te Coré soc te smohloltac, hich te bin ut'il yaloj Jehová ta scuenta Moisés.

San Mateo 27:5

Ha yu'un la sch'oj hilel ta Templo te lajuneb scha'winic (30) ta sehp plata, loc' bahel soc baht sjihpan sba ta te'.

Hebreos 9:6

Te c'alal chahpambil ta spisil, ta sba-tsahlal te Nahilpac' Templo jujun c'ahc'al ya x'ochic tey a te sacerdotehetic ta spasel te ya'telic yu'un sch'uhuntayel te Diose.

1 Samuel 2:28

Ha la jtsa loq'uel ta yohlil spisil te jchahp yu'un Israel scuenta sacerdote cu'un ya xc'oht, yu'un ya yac' chic'bil mahtanil ta scajtajib cu'un, ya schic' pom, soc ya slap efod ta jtojol. La jca'be te mach'atic ay yu'un atat spisil te mahtaniletic chic'bilic ta c'ahc' te ya yaq'uic te snich'nab Israel.