San Lucas 1:78 - Bible in Tzeltal Bachajón

⁷⁸ ta scuenta yutsil sc'uxul yo'tan te Dios cu'untic, te la stahotic c'alal ta toyol ta scuenta te c'ahc'al te loq'uemix tal,

Nuevo Testamento Tzeltal de Amatenango

⁷⁸ Porke te Dios kuꞌuntike, ta skuenta te slekil yoꞌtane, ya yakꞌ lokꞌuk tal kꞌalal ta chꞌulchan te machꞌa ya yakꞌ sakubuk kꞌinal ta jtojoltike.

Bible in Tzeltal de Oxchuc y Tenejapa

⁷⁸ Melel ta swenta xc'uxul yo'tan cu'untic te Diose, te ya yac' loc'uc tel c'alal ta ch'ulchan te mach'a ya yac' sacubuc q'uinal ta jtojoltic,

San Lucas 1:78 ပူးပေါင်းရင်းမြစ်များ

Salmos 25:6

Na'a me, Jehová, te t'ujbil yutsil awo'tan soc te sc'uxul awo'tan te sbahtel q'uinal ayic.

Isaías 11:1

Ya xloc' tal spuhl ta schumante'el Isaí; ta slohp' ya xt'ohm loq'uel tal spuhl te ya yac' sit.

Isaías 42:16

Ya jtojobtes bahel te ts'o'sitetic ta be te ma ba sna'ojic, ya cac' behenuquic ta be te ma ba yilojique. Ya jc'atp'un ta sacal q'uinal te yihc'al q'uinal ta stojolic, soc te chuhcul q'uinal ya jc'atp'un ta spamlej. Ha ini te ya jpase, ma ba ya jpiteslan.

Isaías 63:15

Ilawil c'alal ta ch'ulchan, c'alal ta ch'ul yutsil awilal te banti nahinemat. ¿Banti ay te xut'et awo'tan soc te awu'el, te yac ana' yo'bolil jbahtic soc te yac ac'uxultayotcotique? ¿Yu'un bal mayuc ta jtojolcotic?

Isaías 63:7

Ya calbe sc'oblal te sc'uxul yo'tan te Jehová, te yutsil sc'oblal te Jehová yu'un spisil bintic spasoj ta jtojoltic, te bintic bayel lec la spasbe te mach'atic yu'un Israel, te spasoj ta scuenta sna'beyel yo'bolil sbahic soc te smuc'ul sc'uxul yo'tane.

Zacarías 3:8

Muc'ul sacerdote Josué, ha'at soc te amohloltac te ya xhuhcajic ta atojol, te ha señahex yu'un te bin ya xc'oht ta pasel ta patil, a'iya me awa'iy: Ya quic' tal te ca'bat, ha te Spuhl.

Zacarías 6:12

Hich me xawalbe: Hich yaloj te Jehová te scuentahinej spisil: Li' ay te jtuhl winic te Spuhl sbihil, ha ya xpuhlin loq'uel tal ta slohp', soc ya spas te templo yu'un Jehová.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

Números 24:17

Ha ya quil, pero ma ta orahuc; ha ya jna'ulan, pero ma nopoluc ay; ya xloc' tal ec' ta Jacob, ya xchicnaj bastón ta yohlil Israel; ya me swuybe sti'ba te Moab, soc ya me slajinlan spisil te sts'umbal Set.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

Efesios 5:14

Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.

Filipenses 1:8

Ha testigo cu'un te Dios te bayel yac jna'belex apisilic ta scuenta te yutsil sc'uxul yo'tan te Jesucristo.

Filipenses 2:1

Ha yu'un teme ay yip awo'tanic ta scuenta Cristo, teme ay smuc'ul awo'tanic yu'un te sc'uxul yo'tan, teme jun pajal awo'tanic soc te Espíritu, teme ay yutsil sc'uxul awo'tanique,

Colosenses 3:12

Ha yu'un, ha'ex te tsahbilex yu'un Dios, te ch'ultesbilex soc c'uxultaybilex, lapahic te c'uxultaywanej, lequil-o'tanil, peq'uel-o'tanil, manso-o'tanil, soc ac'a cuhchuc awu'unic.

2 Pedro 1:19

Ha yu'un chican xan ta lec te ha smelelil te sc'op te jalwanejetique. Lec te yac awich'ic ta cuenta, hich te bin ut'il c'ahc' te yac ta tihlel ta yihc'al q'uinal, ha to c'alal ya sacub q'uinal soc te ya yac' sts'anabul ta awo'tanic te jsacubel ec'.

1 Juan 3:17

Te mach'a ay bintic ay yu'un ta bahlumilal, teme ya yil te mayuc bin ay yu'un te yermano, pero teme ma sc'an ya sc'uxultay, ¿bin ut'il ay sc'uxul yo'tan Dios ta yo'tan?

Apocalipsis 22:16

Ho'on Jesuson, jticonej tal te ch'ul a'bat cu'un scuenta yu'un ya yalbe te iglesiahetic ha'i testigo-c'op ini. Ho'on slohp'on soc sts'umbalon David, ho'on te jsacubel ec', xchi.