San Lucas 1:6 - Bible in Tzeltal Bachajón

⁶ Schebalic toj yo'tanic ta stojol Dios, soc ts'acal sch'uhumbeyejic spisil smandar te Cajwaltique.

Nuevo Testamento Tzeltal de Amatenango

⁶ Ta xchebalik lek yaꞌtelik ta stojol te Diose. Xchꞌuunejbeyik spisil te smantal te Kajwaltike, jaꞌ yuꞌun ma xwejtꞌ ta leel te smulike.

Bible in Tzeltal de Oxchuc y Tenejapa

⁶ Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

San Lucas 1:6 ပူးပေါင်းရင်းမြစ်များ

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Génesis 6:9

Hich ay sc'oblal te yorahil Noé. Toj ta winiquil te Noé; ha nax te lec yo'tan stuquel ta yohlil te ants-winiquetic ta hich ora. Behen soc Dios te Noé.

Génesis 7:1

Patil te Jehová hich la yalbe te Noé: Ochan ta barco soc spisil mach'atic ay awu'un, como ta spisil te mach'atic ayic ta q'uinal, quiloj te ha'at nax atuquel te toj awo'tan ta jtojol.

1 Reyes 15:5

como te David la spas te bintic toj ta stojol Jehová, soc mayuc bin ma ba la spas te bintic halbot yu'un Dios te jayeb c'ahc'al cuxul, ha nax te bin la spasbe te Urías te heteo-winique.

1 Reyes 9:4

Teme hich ya xbehenat ta jtojol te bin ut'il behen te atat David, teme jun awo'tan soc toj awo'tan yac apas spisil te bin la jpasat ta mandar, soc teme yac ach'uhun te mandariletic soc te bin caloj ta mandare,

2 Reyes 20:3

Ya calbat wocol, Jehová, te yacuc ana' te ta smelelil behenemon ta atojol soc ta spisil co'tan, soc jpasoj te bintic lec awo'tan yu'un, xchi. Hich och ta tulan oq'uel te Ezequías.

2 Crónicas 17:4

ha nax la sle te Dios yu'un te stat soc la st'umbe te mandariletic yu'un, ma ha'uc la spas te bin la spas te Israel.

Job 1:1

Ta sq'uinal Uz ay jtuhl winic Job sbihil, lec soc toj yo'tan ta winiquil, yich'oj ta muc' te Dios soc mayuc bin chopol ya spas.

Job 1:8

¿La bal awil te ca'bat Job te mayuc mach'a yan hich pajal soc ta bahlumilal te lec soc toj ta winiquil, te yich'oj ta muc' te Dios soc mayuc bin chopol ya spas? xchi te Jehová.

Job 9:2

Melel jna'oj te hich aye, pero ¿bin ut'il c'an yac' ta ilel te toj ay ta stojol Dios te winique?

Salmos 119:6

Hich ma ba ya jta q'uexlal te c'alal ya jna'ulan spisil te mandariletic awu'une.

San Lucas 1:7

Pero mayuc yal-snich'anic, como ma x'alaj te Elisabet, soc ta schebalic ayix ya'bilalic.

San Lucas 16:15

Ha yu'un hich halbotic yu'un te Jesús: Yac awal abahic ta stojol ants-winiquetic te mayuc amulic te ha'exe, pero Dios ya sna'beyex awo'tanic stuquel; como te bin bayel sc'oblal yu'un winiquetic, ihlaybil yu'un te Diose.

San Lucas 2:25

Ay jtuhl winic ta Jerusalén, Simeón sbihil, toj ta winiquil soc jun yo'tan ta stojol Dios, soc yac smahliybel te ya xmuc'ubtesbot q'uinal ya'iy te Israel; soc cuentahimbil yu'un te Ch'ul Espíritu.

Hechos 2:25

Como hich la yal te David: La jquil te spisil ora ay ta jtojol te Cajwaltique; te bin ut'il ay ta jwa'el-c'ab, hich ma ba ya xpuch'on.

Hechos 23:1

Te Pablo la yilticlambe sit te jchahpanwanejetic, hich la yal: Quermanotac, lec ayon ya ca'iy ta stojol Dios c'alal ora, xchi.

Hechos 24:16

Ha scuentahil te spisil ora ya jc'an te lec co'tan ya ca'iy ta stojol Dios soc ta stojol ants-winiquetic.

Hechos 8:21

Mayuc awa'tel ta spasel ini soc ma acuentahuc, como ma tojuc awo'tan ta stojol Dios.

Romanos 8:4

scuenta yu'un ts'acal ya xc'oht cu'untic te bin stojil ya yal te Ley, ho'otic te ma ha'uc ya ca'telintic spasel te bin ya sc'an te jbaq'uetaltic, ha ya ca'telintic spasel te bin ya sc'an te Espíritu.

1 Corintios 11:2

Quermanotac, lec ac'oblalic cu'un te bin ut'il yac ana'onic soc awac'oj ta awo'tanic te p'ijubtesel la jcalbeyex hilele.

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

Deuteronomio 5:33

Behenanic ta be te la spasex ta mandar te Jehová te Dios awu'unic, scuenta yu'un hich ya xcuxajex soc lec ya xc'ohex a, soc te naht aworahil ya xnahinex tey ta q'uinal te yac awu'untayique.

Filipenses 2:15

scuenta yu'un mayuc bin ya sutotex ta c'op yu'un soc mayuc amulic, ha yal-snich'anex Dios te mayuc awa'baquil te ayex ta yohlil te caj ts'umbalil ini te chopol soc bohl, te hich ya xtihlex ta bahlumilal te bin ut'il eq'uetic ta yohlilic,

Colosenses 1:22

pero ta ora ini, la scha'lecubtesbeyex awo'tanic soc ta scuenta te sbaq'uetal Cristo te laje, scuenta yu'un ch'ultesbilex soc mayuc banti jihnem awu'unic soc mayuc bin quechel ta acuentahic a ya stehc'anex ta stojol.

1 Tesalonicenses 3:13

Te Cajwaltic ac'a ya'beyex yip awo'tanic scuenta yu'un hich mayuc amulic a soc ch'ultesbilex ya xc'ohex ta stojol te Jtatic Dios te c'alal ya xtal te Cajwaltic Jesucristo soc spisil te mach'atic yu'un te ch'ultesbilique.

2 Pedro 3:14

Ha yu'un, quermanotac te c'uxex ta co'tan, te bin ut'il yaquex ta smahliyel ini, o'tantayahic me te hichuc ya stahex a te Dios te mayuc awa'baquilic soc mayuc bin ya stijex ta c'op yu'un, soc te lamaluc q'uinal soc.

1 Juan 2:29

Teme ana'ojic te toj yo'tan te Jesucristo, na'ahic me te spisil mach'atic ya spasic te bin toj ha yal-snich'an Dios abi.

1 Juan 2:3

Teme ya jch'uhumbetic smandar, hich ya jna'tic a te ya jna'betic sba.

1 Juan 3:7

Cal-jnich'nab, ma me ayuc mach'a ya slo'loyex; te mach'a ya spas te bin toj, ha toj yo'tan ta winiquil, hich te bin ut'il toj yo'tan stuquel te Jesucristo.