San Lucas 1:53 - Bible in Tzeltal Bachajón

⁵³ Te mach'atic ayic ta wi'nal la yac'ticlambe te bintic lec, pero jochol sc'abic la sticonlan bahel te jc'uhlejetique.

Nuevo Testamento Tzeltal de Amatenango

⁵³ Te machꞌatik ayik ta wiꞌnale la snojesbeyix xchꞌujtꞌik ta lekil weꞌelil. Yan te machꞌatik jkꞌulejetike maꞌyukix tutiꞌ yaꞌbe bael ta skꞌab.

Bible in Tzeltal de Oxchuc y Tenejapa

⁵³ Te mach'atic ayic ta wi'nale, la snojesbeyix xch'ujt'ic ta lequil we'elil; yan te jc'ulejetique, jochol sc'abic la sticunix bael.

San Lucas 1:53 ပူးပေါင်းရင်းမြစ်များ

Salmos 146:7

te toj ya schahpan te mach'atic ay ta uts'inel, te ya ya'be swe'elic te mach'atic ayic ta wi'nal. Te Jehová ya yac' ta libre te mach'atic chuculic;

Salmos 34:10

Te jcolel chojetic ya xlaj yipic soc ya xtal swi'nalic, yan te mach'atic ya slehic te Jehová mayuc bin ya xpasbot falta yu'un te bin leque.

Ezequiel 34:29

Ya jchahpambe q'uinal te na'bil sba ta lec yu'un te bin ya xcol tey a, ma ba ya xlajiquix ta wi'nal, soc ma ba ya x'ac'otiquix ta q'uexlal yu'un te nacionetique.

San Mateo 5:6

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

San Lucas 1:54

La scoltay te Israel te a'bat yu'une, la to sna' te ya sc'uxultay

San Lucas 6:21

Bayel me awutsilic ha'ex te ayex ta wi'nal ta ora ini, como ya me xnoj ach'uhtic. Bayel me awutsilic ha'ex te yacalex ta oq'uel ta ora ini, como ya me stse'ejinex.

San Lucas 6:24

¡Pero ay me awocolic, ha'ex te jc'uhlejex! como ayix smuc'ul awo'tanic.

San Juan 6:35

Halbotic yu'un Jesús: Ho'on te panon scuenta cuxlejal. Te mach'a ya xtal ta jtojol, mayuc bin ora ya xwi'najix, soc te mach'a ya sch'uhunon, mayuc bin ora ya xtaquijix yo'tan.

1 Corintios 1:26

Quermanotac, na'a awa'iyic bin awilelic te c'alal ic'bilex yu'un te Diose, mayuc tsobolex te ay ap'ijilic ta scuenta ch'ich'-baq'uet, soc mayuc tsobolex te tulan awa'telic o te muc' ac'oblalique;

1 Corintios 4:8

Ayix awu'unic spisil, jc'uhlejexix, ochemex ta ajwalil, pero ma ha'uc ta jcuentacotic. ¡Co'tanuc te yacuc x'ochex ta ajwalil, scuenta yu'un pajal ya x'ochotic ta ajwalil a!

1 Samuel 2:5

Te mach'atic nojel sch'uhtic ya yac' sbahic ta jle-a'tel scuenta we'elil, yan te mach'atic ayic ta wi'nal, mayuquix swi'nalic. Te ants te ma x'alaj, ayinix huctuhl yal; yan te mach'a ay bayel yalatac, ay ta mel-o'tan.