San Lucas 1:51 - Bible in Tzeltal Bachajón

⁵¹ Bayel bintic muc' spasticlanej ta sc'ab; la spucticlan bahel te mach'atic stoyoj sbahic yu'un te bin snopoj ta yo'tanic.

Nuevo Testamento Tzeltal de Amatenango

⁵¹ Yuꞌun mukꞌ te tut spasoj ta spodere. La sjimbeyix te tut snopoj te machꞌatik te ya stoy sbaik ta yoꞌtanike.

Bible in Tzeltal de Oxchuc y Tenejapa

⁵¹ Mero muc' te bila spasoj ta swenta te yu'ele: La spuquix bael te mach'atic stoyoj sbaique soc te ay bila snopoj ta yo'tanique.

San Lucas 1:51 ပူးပေါင်းရင်းမြစ်များ

Génesis 11:8

Hich te Jehová tey la spucticlan bahel ta swohlol bahlumilal; hich quehchajic ta spasel te muc'ul pueblo.

Génesis 6:5

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Salmos 118:15

Ay aw yu'un yutsil q'uinal soc yu'un colel ta snahilpac' te mach'atic toj yo'tanic; hich ya yalic: La ya'iy tsalaw te swa'el-c'ab te Jehová.

Salmos 33:10

Te Jehová ya slajimbe sc'oblal te bin schapojic te nacionetic, ya sjimbe te bin snopojic te pueblohetique.

Salmos 52:9

Spisil ora ya calbe yutsil ac'oblal yu'un te hich apasoje; ya me smuc'ulin co'tan te abihil, como ha lec stuquel ta stojol te mach'atic awu'un te ch'ultesbilique.

Salmos 63:5

Bayel ya sta swe'el te jch'uhlel hich te bin ut'il ta banti lequil chahpambil we'elil, ta scuenta bayel yutsil q'uinal ya ca'iy, ya calbat yutsil ac'oblal,

Salmos 89:10

La anet' te Rahab hich te bin ut'il mach'a lajem; la apucticlan bahel te acontratac ta scuenta yip ac'ab.

Salmos 89:13

Ay yu'el te ac'ab; ay yip te ac'ab, toyol sc'oblal te awa'el-c'ab.

Salmos 98:1

C'ayojtayahic te Jehová ta yach'il c'ayoj, yu'un jchahp a'teliletic spasticlanej; la ya'iy tsalaw ta scuenta te sch'ul swa'el-c'ab.

Éxodo 18:11

Yo'tic la jna'ix te c'ax hich muc' a te Jehová te bin ut'il spisil te diosetic, te hich la spasbe te mach'atic la yuts'inic te Israel ta scuenta stoybahilic, xchi.

Isaías 40:10

Ilawil, tal soc yu'el te Jehová, ya xcuentahinwan ta scuenta yip sc'ab. Ilawil, ya xtal soc smahtan, joquimbil tal soc te stojole.

Isaías 51:9

¡Hahchan, hahchan, lapa awu'el, ha'at c'abalat yu'un Jehová! Hahchan hich te bin ut'il ta namey, hich te bin ut'il ta cajalcaj ts'umbalil ta namey. ¿Ma bal ha'ucat te la asesen te Rahab, te la alow te dragón?

Isaías 52:10

Te Jehová la yac' ta ilel te sch'ul c'ab ta stojol sit spisil te nacionetique; spisil te mach'atic ayic ta sti'il te bahlumilal ya me yilic te colel yu'un te Dios cu'untique.

Isaías 63:12

te la stojobtes bahel ta swa'el-c'ab Moisés ta scuenta yutsil yu'el, te la sjam te ha' ta stojolic, yu'un hich ay ta na'beyel sbihil sbahtel q'uinal?

Jeremías 49:15

Tut ya cac'at ta yohlil te nacionetic, p'ajbil ya xc'ohat ta yohlil te ants-winiquetique.

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Romanos 1:21

Aunque la sna'beyic sba te Diose, ma ba la yich'ic ta muc' te bin ut'il ha Dios soc ma ba la yalbeyic wocol, pero bohlob spensaric soc ihc'ub te sonso yo'tanique.

2 Corintios 10:5

ya jintic tsaltamba-c'op soc spisil toybahil te ya scontrahin te bin ay ta na'el yu'un Dios, soc ya jtsacticlantic spisil snopojibal yu'un ya sch'uhunic smandar a te Cristo.

Deuteronomio 4:34

¿O ay bal yan dios te tal yu'untay jun nación ta yohlil yan nación ta scuenta pruebahetic, señahiletic, jchahp a'teliletic, guerra, ta scuenta yu'el soc sc'ab shachoj, soc te mero xiweltic sba te bin la spas, hich te bin ut'il la spasbeyex ta Egipto te Jehová te Dios awu'unique?

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

Apocalipsis 18:8

Ha yu'un ta junax c'ahc'al ya me xc'oht ta stojol te swocole: ha te lajel, oq'uel, wi'nal, soc ya me yich' chiq'uel ta c'ahc'; como bayel yu'el te Cajwaltic Dios te ya yich'be sc'op, xchi sc'oblal.