San Lucas 1:37 - Bible in Tzeltal Bachajón

³⁷ Como mayuc bin ma xhu' yu'un stuquel te Diose, xchi.

Nuevo Testamento Tzeltal de Amatenango

³⁷ Te Diose maꞌyuk tut ma xjuꞌ yuꞌun stukel —xchi te chꞌul ángele.

Bible in Tzeltal de Oxchuc y Tenejapa

³⁷ Melel te Diose ma'yuc bi ma xju' yu'un stuquel —xi' te ch'ul abate.

San Lucas 1:37 ပူးပေါင်းရင်းမြစ်များ

Génesis 18:14

¿Ay bal bin wocol ta pasel ya ya'iy te Diose? Ya suhton tal ta atojol ta yorahil te la jcalbate, ha yorahil a te ya x'ayin squerem-al te Sara, xchi.

1 Reyes 17:16

Ma ba laj te harina ay ta oxom soc te aceite ay ta jarra, hich te bin ut'il halbot yu'un Jehová ta scuenta te Elías.

2 Reyes 3:18

Ma wocoluc ya ya'iy te Jehová ini; ha nix hich ya me ya'beyex ta ac'abic te moabetique.

Job 13:2

Te bin ana'ojic, ha nix hich jna'oj te ho'one; ma ba peq'uel ayon awu'unic.

Jeremías 32:17

Cajwal Jehová, ta scuenta ahachoj ac'ab soc smuc'ul awu'el la apas te ch'ulchan soc te bahlumilal. Mayuc bin wocol yac awa'iy.

Jeremías 32:27

Ho'on Jehovahon, te Dioson yu'un spisil te bintic cuxajtic. ¿Ay bal bin wocol ta pasel cu'un?

Zacarías 8:6

Hich yaloj te Jehová te scuentahinej spisil: Aunque te mach'atic hilemic yu'un te pueblo hich ya yilic te ma xhu' ta pasel ini ta hich ora, ¿yu'un bal c'ax wocol ya quil te ho'one? xchi te Jehová te scuentahinej spisil.

Números 11:23

Ha yu'un te Jehová la yalbe te Moisés: ¿Yu'un bal xot'bilix sc'ab te Jehová? Yo'tic ya me awil teme ya xc'oht ta pasel o ma ba ya xc'oht ta pasel te jc'ope, xchi.

San Mateo 19:26

Ilticlambot sitic yu'un te Jesús, hich la yalbe: Te ants-winiquetic ma xhu' yu'unic spasel ini, pero te Dios spisil ya xhu' yu'un stuquel, xchi.

San Marcos 10:27

Te Jesús la yilticlambe sitic, hich la yalbe ya'iyic: Te ants-winiquetic ma xhu' yu'unic, yan te Diose ma hichuc stuquel, como spisil ya xhu' yu'un, xchi.

San Lucas 1:36

Ha nix hich te amohlol ats'ahquil Elisabet, te mach'a jma'al ta halel yu'unic, swolojix yal aunque me'elix, swaquebalix u shahchel a te yale.

San Lucas 1:38

La yal te María: Ya'baton te Cajwaltic Dios; ac'a spasbon hich te bin ut'il la awal, xchi. Hich te ch'ul a'bat la yihquitay hilel.

San Lucas 18:27

La yal te Jesús: Te bin ma xhu' ta pasel yu'un te ants-winiquetic, ha ya xhu' yu'un spasel stuquel te Diose, xchi.

Filipenses 3:21

Ha ya sc'atp'umbotic te jbaq'uetaltic te mayuc yutsil, ha pajal ya xc'oht soc te sbaq'uetal te bayel yutsil stuquel, hich ya spas ta scuenta te yu'el te ya xhu' yu'un ya scuentahin spisil te bintic ay.