San Lucas 1:32 - Bible in Tzeltal Bachajón

³² Muc' sc'oblal ya xc'oht, soc ya x'a'bot sbihilin Snich'an te Mach'a ay ta toyol. Te Cajwaltic Dios ya me ya'be sjelolin ta ajwalil te David te state.

Nuevo Testamento Tzeltal de Amatenango

³² Mukꞌ me ya xkꞌot sok Xnichꞌan te Chꞌul Dios ay ta chꞌulchan xchi te sbiil ya xkꞌote. Te Kajwaltik Diose ya me yaꞌbe yaꞌtel ta reyil. Jaꞌ me sjelol ya xkꞌot te antibo rey David te jaꞌ stsꞌumbale.

Bible in Tzeltal de Oxchuc y Tenejapa

³² Muc' me ya xc'ot, soc “Snich'an te Ch'ul Dios te mero toyol aye” xi' me sbiil ya xc'ot. Te Cajwaltic Diose ya me yac'bey sjelolin ta ajwalil ta smuc'ul nac'tijib te Davide, ja' nix te namey q'uinal state.

San Lucas 1:32 ပူးပေါင်းရင်းမြစ်များ

2 Samuel 7:16

Te ats'umbal soc te awa'tel ta ajwalil sbahtel q'uinal ya xhil ta atojol; stalel ya xhil te ahuctajib, xchi.

Salmos 132:11

Te Jehová la yal ta jamal ta stojol David, jc'axel yaloj, ma ba ya sut sc'op:

Salmos 132:12

Te patil al-nich'anetic awu'un teme ya sch'uhunic spasel te chapbil-c'op cu'un soc te testigo-c'op te ya cac'ticlambe snopic, ha nix hich te snich'nabic ya me shuhcan sbahic ta ahuctajib sbahtel q'uinal, xchi.

Isaías 16:5

Ya yich' yip te huctajibal ta scuenta c'uxul-o'tanil, soc ya xhuhcaj tey a ta nahilpac' yu'un David te jchahpanwanej te stalel jun yo'tan, te ya sle stojil chahpanel soc ora ya spas te bin toj ya sc'an pasele.

Jeremías 17:25

hich te ajwaliletic te ya xhuhcajic ta shuctajib David, soc te príncipaletic, ya me x'ochic tal ta ochibaletic yu'un te pueblo ini soc carretahetic soc cawuhetic, ha'ic soc te príncipaletic yu'unic soc te winiquetic yu'un Judá soc te mach'atic nahinemic ta Jerusalén. Hich te pueblo ini spisil ora ay yajwal.

Jeremías 22:2

A'iybeya awa'iyic te sc'op Jehová, ha'at ajwalilat yu'un Judá te huculat ta shuctajib David, ha'at soc te a'batetic awu'un soc te pueblo te ya x'ochic tal ta ochibaletic ini.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

San Mateo 1:1

Ha shunal te cajalcaj me'iltatiletic yu'un Jesucristo, sts'umbal David, sts'umbal Abraham.

San Mateo 12:42

Te ajwalil-ants ta stojol Sur pajal me ya stehc'an sba ta yorahil ich'el ta c'op soc te jcaj ts'umbalil ini, ya xhalbot smulic yu'un, como c'alal ta sti'il bahlumilal hahch tal ya'iybe sp'ijil-c'op te Salomón, pero ha toyol yu'un Salomón te mach'a li' aye.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

San Marcos 14:61

Pero te Jesús ma ba la sjac', mayuc bin la yal yu'un. Cha'c'oponot xan yu'un te muc'ul sacerdote: ¿Ha'at bal Cristohat, te Snich'anat Mach'a lec sc'oblal? la yut.

San Marcos 5:7

Tulan c'opoj, hich la yal: ¿Bin awochelon a, Jesús, Snich'anat Dios te mero toyol ay? ¡Hala ta jamal ta stojol Dios te ma ba yac awuts'inon! xchi,

San Lucas 1:15

como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

San Lucas 1:76

Ha'at, alal, jalwanejat yu'un te Mach'a mero toyol ay, ya xc'oht abihil; yu'un ya me xnahilijat ta stojol te Cajwaltic yu'un yac achahpambe te behetic yu'une,

San Lucas 3:16

Ha yu'un la sjac' te Juan, hich la yalbe spisilic: Melel ho'on ya ca'beyex awich'ic ha', pero ay mach'a ya xtal te c'ax hich yu'el a te bin ut'il te ho'one, te ma ba ya xtuhunon yu'un stilbeyel sc'ab step, ha ya ya'beyex awich'ic te Ch'ul Espíritu soc c'ahc'.

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

San Juan 12:34

Hich la sjaq'uic te ants-winiquetique: Ca'iyejcotic ta Shun Dios te stalel cuxul te Cristo. Ha yu'un ¿bin yu'un yac awal te ya sc'an ya yich' toyel hahchel te Nich'anil ay ta scuenta winic? ¿Mach'a a te Nich'anil ay ta scuenta winic yac awale? xchihic.

San Juan 6:69

Jch'uhunejcotic soc jna'ojcotic te ha'at te Mach'a Ch'ultesbil yu'un Dios, xchi.

Hechos 16:17

Te ach'ix la stahp'an sba ta jpatcotic soc te Pablo, tulan ya ta alel: ¡Te winiquetic ini ha a'batetic yu'un te Dios te mero toyol ay! Ha ya yalbeyex awa'iyic te sbehlal te colele, xchi ta aw.

Hechos 2:30

Pero te bin ut'il ha jalwanej, sna'oj te halbil ta jamal yu'un Dios te ay sts'umbal te ya xhuhcaj ta shuctajib.

Hechos 2:36

Spisil Israel, na'ahic me ta mero melel: Te Jesús te la amilic ta cruz, Dios la yac' te ha Ajwalil soc ha Cristo c'oht, xchi te Pedro.

Hechos 7:48

Pero te Mach'a toyol ay ma ba ya xnahin ta nahetic pasbilic ta c'abal, hich te bin ut'il ya yal te jalwanej:

Romanos 1:4

soc ta scuenta te Ch'ul Espíritu halot ta jamal te ha Snich'an Dios te ay yu'el, ta scuenta te cha'cuxaj tal ta yohlil mach'atic chamenic.

Apocalipsis 3:7

Ts'ihbabeya te ch'ul a'bat yu'un te iglesia ta Filadelfia: Hich ya yal te Mach'a ch'ultesbil, te smelelil c'op, te yich'oj te llave yu'un David, te mach'a ya sjam, te mayuc mach'a ya xhu' ya smac, soc te ya smac, te mayuc mach'a ya xhu' ya sjam: